Ашық сабак

ҮСТЕЛ ТЕННИСІН ОЙНАЙ БІЛЕЙІК

Үстел теннисі өте қызықты ойын. Оның пайдалы тұсы өте мол. 
Адамның реакциясына, көзінің көруіне, қан айналымына жақсы әсерін тигізеді. 
Бұл спорт түрі тұңғыш рет Сеул олимпиадасында 1988 жылы қосылды. Содан бері барлық жазғы олимпиадаларда жалғасын тауып келе жатыр. 2008 жылы Бейжің олимпиадасында жұптық ойын түрі қосылды. Үстел теннисінде жүлденің 4 түрі сарапқа салынады. Олар: жеке және жұптық (командалық), ерлер және әйелдер арасында. 



Ойын, ұзындығы 2,74 метр (9 фут) ені 1,525 метр (5 фут) үстелдің үстінде өтеді. Сол себепті де бұл ойынның түріүстел теннисі деп аталса керек. 
Үстел биіктігі — 76 см (30 дюймов) болады. Үстел стандартқа сай ДСП немесе соған ұқсас материалдан жасалуы керек. Түсі жасыл, қою көкшіл және қара болып келеді. 



Үстелдің ортасындағы тор 15,25 см (6 дюйм) болады. 
Ойынды ойнау үшін ракеткілер қолданылады. Оның материалдары арнайы ағаштардан жасалады. Ракеткілердің екі жағы арнайы резеңкілермен қапталады. 
Ойналатын доп (шарик) «целлуло́ид» ( фр. «cellulose», лат. cellula «клетка») деп аталатын пластикалық материалдан жасалады. 
Салмағы — 2,7 г, диаметрі — 40 мм боп келеді. Доптың түсі міндетті түрде ақ немесе қызғылт-сары болуы тиіс. 
2007-ші жылдан бері өзге түсті доп бұл ойында қолданылмайды. 



Ракетканы былайша ұстайды:



Ойын екі адамның арасында немесе екі адамнан тұратын екі команданың арасында өтеді. 
Есеп 11-ге жеткенде ойын тоқтатылады. Әрбір ойыншы 2 мәрте доп бере алады. 
Негізінен үстел теннисі 5 партия ойнатылады. Бұл жүйе 2001 жылы халықаралық шешіммен жасалды. 
Допты берген кезде (подача) қарсылас көріп тұру керек. Жұдырыққа қысып доп беруге тыйым салынған. 



Спорт тарихына көз жүгіртер болсақ, Қытай Халық Республикасы бұл ойынның фавориттері саналады. Олар осы кезге дейін 24 алтын, 15 күміс, 8 қола алған. Тіпті Пекин олимпиадасында барлық жүлдені бір өздері бөліп алыпты. Лондон олимпиадасындағы алтын мен күміс медальдарды да қытайлықтар еншіледі. Екінші орында Оңтүстік Кореяның спортшылары тұр. Үшінші орынға Швецария құрамасы тұрақтапты. 



Үстел теннисі тарихындағы атақты спортшылардың бірі — Ма Линь. 1980 жылы, 19 ақпанда Қытай елінде дүние есігін ашқан. Тенниспен 5 жасынан бастап айналысыпты. 1990 жылы жергілікті команданың құрамына ілігіп, 1994 жылы ұлттық құрама сапында ойнауға мүмкіндік алады. Тынымсыз жаттығу мен төккен тердің арқасында 1999 жылы әлем чемпионатының күміс жүлдегері атанады.



Бұнымен тоқталмай келесі жылы Әлем кубогін иемденеді. 
Спортқа берілген Ма Линь 2004 жылы тұңғыш рет олимпиада чемпионы болды. Бейжіңде де топ жарып, екі мәрте жеңіс тұғырына көтерілді. 
Үстел теннисі салқынқандылық пен сабырлылықты талап етеді. Ойын барсында неше түрлі эмоцияларды бастан кешесіз. Жаңадан айналысушыларға берер кеңесім, жаттығу залдарына барып, арнайы мамандардан тәлім алған дұрыс. Өз ракеткаңыз болғаны жөн. Сапалы әрі фирмалық болса тіпті жақсы. 



Қызығушылық білдірушілерге төмендегі видеоларды қарауына болады. Бұл спорт түріне қызықпау мүмкін емес. Әсіресе студенттер қауымы. 
Ендеше теннис залдарынан табылайық, спортпен шұғылданайық!..