ашық сабақ

Қазақ тілі 6-сынып Сабақ № 40 Күні: 15.11

Сабақтың тақырыбы: Сыйлық жасау дәстүрі

Сабақтың мақсаты:
1. Білімділік: Оқушылардың білімдерін тақырып бойынша жетілдіру, грамматикалық тақырып  туралы түсініктерін кеңейту.
2. Дамытушылық: Берілген тақырып көлемінде оқушылардың коммуникативтік компетенцияларын; ой-өрістерін, сөздік қорын молайту арқылы, күнделікте және ауыз-екі сөйлеуде пайдалануын дамыту.
3. Тәрбиелік: Мәтін және берілген тапсырмалар арқылы адамгершілік, ізгілік, парасаттылыққа тәрбиелеу, уақытымен және орынды сыйлық жасап, қуаныш білдіруге тәрбиелеу.
Сабақтың түрі: дәстүрлі, жаңа сабақ 
Сабақтың әдіс-тәсілдері: сұрақ- жауап, қайталау, баяндау, жазбаша жұмыс, шығармашылық жұмыс.
Сабақтың көрнекіліктері.жаңа сөздер, сөздік, түрлі-түсті қиықшалар,үлестірмелі қағаздар,интерактивті тақтадағы ақпарат пен тапсырмалар, кестелер.
Сабақтың барысы:
1. Ұйымдастыру кезеңі
1 Оқушылармен сәлемдесу. Әлемнің ең танымал 5 тілінде амандық сұрау
2 Топқа бөлу:
Топты таныстыру сәті. Оқушыларға буынға бөлінген топ атауларының шашыранды қиықшалары беріледі. Екі топ оқушылары топ атауын дұрыс құрастырып, өз орындарын табады.

1-топ – Бәйшешек

2-топ - Қызғалдақ

3.Үй тапсырмасын тексеру. Сандықшадағы үлестірмелі қағаздар арқылы өткен сабақтағы тақырыпты пысықтау

4. Жаңа сабақ. Бейнебаян. «Сыйлық таңдау»
2 минуттық бейнебаянды көреді. Көріп танысқаннан кейін, түсінгендерін айтып, бүгінгі сабақ тақырыбының не туралы екенін ашады.

5. Сөздік жұмыс:

Сыйлық жасау – делать подарок

дәстүр – традиция

Сыйлау – дарить, уважать

шын пейіл - от души

мейірімділік - доброта 
талғам - вкус

ашықхат –открытка

Мыңжылдық – тысячелетие          

 Достықтың белгісі – знак дружбы

Сыйлықты таңдау – выбрать подарок

Баға – цена                                                    

Қымбат –дорого

1-тапсырма: Мәтінмен жұмыс. Топтық жұмыс. Мозайқа әдісі бойынша пазлдар арқылы мәтін шығару, мағынасын түсіну үшін орысша аудару:

1-топтың мәтіні: Сыйлықтың тарихы екі мың жыл бұрын бастау алады. Сыйлық жасауды бала кезінен үйрену керек. Сыйлықты дұрыс таңдап, тарта білу керек. Шын пейілден жасалған сыйлық адамға қуаныш әкеледі.

2-топтың мәтіні: Әлемде сыйлық алғанды ұнатпайтын адам жоқ шығар. Кез-келген сыйлық адамды қуантады. Әртүрлі мерекелерде сыйлықтар беріледі. Ол әрқашанда құрмет пен сыйластықтың, достықтың белгісі.

І.Өздік жұмыс(дәптерде орындау)

2-тапсырма: Тақтамен жұмыс.Жеке жұмыс. Әр топтан бір оқушы тақтаға шығып берілген грамматикалық талдауды жасайды .

Берілген сөздер: 1-топ – сыйлық сөзін тәуелде;

2-топ - мереке сөзін септе.

3-тапсырма:Сызбамен ауызша орындалатын жұмыс: Аударма

Жазбаша жұмыс. 4-тапсырма: Сұрақтарға жауап беріп,сөйлем мүшелеріне талдау жаса . Ереже дәптерін ашып, еске түсіру.

1. Сен анаңа не сыйлайсың ?

2. Сыйлықты қашан береді ?

Интерактивті ойын: «Кім жылдам?» ойыны ,жеке-жеке оқушылар бағаланады. 5-тапсырма. Сыйлыққа жатпайтын затты табу арқылы артық сөзді айту.

• Қуаныш, қайғы,бақытты кез

• Кітап,кәдесый, ұйықтау

• Сырға, өзен,сағат, сақина

• Қабырға,алғыс, жылы сөз

• Гүл шоғы, ашу, әшекей

• Иіссу, әмиян, бор

Сергіту сәті. «Қыдырып қайтайық» әні

Дәптермен жұмыс: 6-тапсырма:Сөйлемдердің дұрыс, бұрысын анықтау. Дәптерде орындалады

1.Сыйлық қымбат болу керек. (теріс)

2.Туысыңа, досыңа арнап өлең,ән айтуға болмайды. (теріс)

3.Сыйлық әкелмеген адамға ренжімейді. (дұрыс)

4. Сыйлық ұнамаса, қайтарып беру – әдептілік. (теріс)

5. Сыйлықтың бағасын сұрап, жұрттың көзінше пайдалы не пайдасыз екенін айтуға болмайды. (дұрыс)

6. Гүл, ашықхат адамның көңіл-күйін көтермейді.(теріс)

Ауызша жұмыс.7-тапсырма: «Кім тапқыр?» ойыны. Топтық тапсырма: Берілген мақал-мәтелдердің жалғасын тап

1. Қызығын көрмеген малдан не пайда, 
   Сыйласып жүрмеген жаннан не пайда?

2. Сыйлық қымбат емес,
   Сүю қымбат.

3. Сыйлассаң - сыйлы боласың.

4. Сыйлап берген су Сатып алған балдан тәтті.

5. Туғаныңмен сыйласпасаң, Кең дүниеге сыймассың.

6. Сыпайы сөйлеу — сырбаздық, Ағайын сәні - сыйластық.

7. «Сіз» деген - әдеп, «Біз» деген - көмек.

8.Жақсы сыйлық жанды жылытады.

Жазбаша дәптермен жұмыс: 8-тапсырма: Гул күлтелеріне синоним сөздерді тауып орналастыру. 1-топқа - сыйлау , 2-топқа – әдемі сөзі.

•         Сыйлау,құрметтеу,қадірлеу,ардақтау,қасиеттеу,қастерлеу.

•         Әдемі ,сұлу, ,әсем,көркем,көрнекті,ажарлы.

9-тапсырма:Топтық жұмыс: Әр топқа таратылған ашықхатқа құттықтау тілегін жазу.

Үй тапсырмасы: “Саған қандай сыйлық ұнайды?” диалог құру

Бағалау. Әр тапсырмалар бойынша жинаған ұпайларын санап, сабақта алған бағаларын анықтайды.

Рефлексия : 
Оқушыларға стикерлер тарату,өтілген сабақ бойынша өз пікірлерін жазуды ұсыну .Смайлик арқылы Сабақтан алған әсерін ,сабаққа қатысты көңіл-күйін білдіреді