Сабақтың мақсаты: Оқушыларға адам өміріндегі сенімділіктің маңыздылығын түсіндіру арқылы ақиқат құндылығының мәнін ашу.
Сабақтың міндеттері:

- Оқушыларға «сенім» ұғымының мәнін аша отырып, адалдық қасиетіне түсінік беру;

- Оқушыларға өз-өзіне сенімді болу, басқаларға сенім білдіру, сенімділік таныту іскерліктерін жауапкершілік қасиеті арқылы дамыту;

- Оқушыларды адамдармен сенімді қарым-қатынас құруға, шынайылық қасиеті арқылы тәрбиелеу;

Ресурстар:

(материалдар, дереккөздер)

Оқулық, дәптер, слайд, үнтаспа, видиоролик

Сабақ барысы:

1. Ұйымдастыру кезеңі.

Тыныштық сәті: «Су асты патшалығына саяхат»

Үнтаспа

3 мин

5 Т – ережесін еске түсіру

Т- тәртіп

Т- талап.

Т- тыныштық.

Т- тазалық.

Т- татулық.

Слайд

1 мин

2. Үй тапсырмасын тексеру.

«Өзіңе сенімділік мақсатқа жеткізер» тақырыбында шығарма жазу.

Оқушылар шығармаларын оқып өз ойларымен бөліседі.

Шығарма

5 мин

3. Жағымды ой – пікір: Дәйексөз

Жақын адамдардың, достарыңның, жалпы адамзаттың жақсылығына сеніп, адамдықты құрметтей білу – әдептіліктің, адамгершіліктің белгісі.
М.Жұмабаев

Сұрақтар:

1. Осы айтылған нақыл сөзбен қаншалықты келісесіздер?
2. Сенім, әдептілік, адамгершілік қасиеттерін байланыстыратын не деп ойлайсыздар? 
3. Әрдайым айналандағы адамдарға сене аласызба? Неге?

Өз ойларыңызды дәптерге жазыңдар.

Дәптер, слайд

5 мин

4. Мұғалімнің сыйы:

«Сынық құмыра»

Сұрақтар:

1.Осы әңгімеден не түйдіңіздер?

2. Қандай жағдайда шыдамдылық танытып, өзіңізді-өзіңіз қадағалай аласыз?

3. Сабырлылық, сенімділік адамды неге жеткізеді деп ойлайсыздар?

бейнетаспа

2 мин

5. Шығармашылық жұмыс топтық жұмыс.

Қасиеттер жазылған үш қағазбен үш топқа бөлу.(сенімділер, сенімсіздер,әдептілер)

І-топ: «Сенімділер» тобына берілген тапсырма:Сөзтізбек

Тор көздегі сандардың орнына қазақ әліпбиіндегі әріптерді ретімен қойсаңыз, нақыл сөзі шығады. Шыққан сөзді қорғайды.

«Достарының сенімін бір жоғалтқан адам бар сый-құрметінен де айырылады».

ІІ топ: «Сенімсіздер» тобына берілген тапсырма.Сенім сөзі бар өлең құрастырып шығару. 
ІІІ топ: «Әдептілер» тобына берілген тапсырма. Сенімділер мен сенімсіздердің суретін салу.

15 мин

6. Топпен ән айту.

«Сенім»
Мәдина Садуақасова 
1.Сездірмей жүрген, 
Тек өзім білген. 
Бір сенім бар, 
Жоғалмас мүлдем. 
Сол сенім бар да, 
Асығам алға, 
Ақ тілегім, биікке самға. 
Қ-сы 
Тағдыр жолы көп торабы, 
Ақ пен қара жолағы. 
Сенім – маған серік болады.
Ақ таңдарды мен көремін, 
Дауылды да жеңемін. 
Жүрегіммен сенемін. 

2. Жылуын берер, 
Шапағат төгер, 
Махаббатым адаспай. 
Асқардай биік, 
Армандар жиып, 
Мен өтемін 
Өмірді сүйіп. 

Қ-сы 
Тағдыр жолы көп торабы, 
Ақ пен қара жолағы. 
Сенім – маған серік болады.
Ақ таңдарды мен көремін, 
Дауылды да жеңемін. 
Жүрегіммен сенемін.

Үнтаспа

4 мин

7. Үй тапсырмасы.

«Сенім» аңыз әңгімені оқып келу

оқулық

8. Қорытынды.

«Біздің топтың жүрегі»

Осыдан кейін әрбіреуіңіз түсті қағаздан кішкентай жүректі алып, оған топқа арналған тілегін жазады. Осы қабырғаға жапсырылған ақ жүректе өмір жоқ, бірақ қазір әрбіреуің бұл жүрекке өздеріңнің жылы лебіздерің жазылған кішкентай жүректі жапсырып, үлкен жүрекке өмір беріп, тірілтеміз. Бұл топтың жүрегі болады. Адам тек өзіне, өзгеге, қоршаған ортаға, болашаққа сеніп қана қоймайды, бүгінгі өмірінің, жарқын, шырайлы екендігіне сеніп, әр күнді шаттықпен, қуанышпен өткізу өз қолында екендігі ұмытпау керек

Соңғы тыныштық сәті:

Балалар бүгінгі сабақтан алған әсерлеріңді өз жүрек тұстарыңа апарып, жүректеріңде мәңгі сақтап алыңдар!

Жүрекше

5 мин