Мектеп:

Пән: Жаратылыстану

Бөлім: Тірі табиғат

Сабақтың тақырыбы: Адамның дене мүшелері

Күні:

Мұғалімнің есімі Кунанбаева.М.М.

Сынып 1

Қатысқандар саны: 21

Қатыспағандар саны: 0

Сабаққа негізделген

оқу мақсаты

1.2.3.1. адам денесінің негізгі мүшелерін және олардың

қызметтерін атау.

Сабақ мақсаттары:

Барлық оқушылар: Адам денесінің негізгі мүшелерін біледі.

Көптеген оқушылар: Адам денесінің негізгі мүшелерінің қызметің си сипаттай алады.

Кейбір оқушылар: Адам денесінің мүшелерін зерттей алады.

Бағалау критерийлері:

Адам денесінің негізгі мүшелерін атайды.

Адам денесінің негізгі мүшелерінің қызметін сипаттайды.

Тілдік мақсаттар

Тілдік дағдылар: Біздің ұқсастығымыз неде?

Терминология: бас-голова- head (хэд)

қол-  рука –  hand (хэнд)

аяқ – нога – Ieg (лег)

Сөз тіркестері: қол, аяқ, адамның дене мүшелері.

Құндылықтарды дарыту

Салауатты өмір салтын ұстану құндықтарын дарыту.

Пәнаралық байланыстар

Дене шынықтыру, көркем еңбек, музыка.

АКТ қолдану дағдылары

Интербелсенді тақта.

Алдыңғы оқу/ Бастапқы білім

Адамның дене мүшелерін атайды, біледі.

Жоспар

Жоспарланған уақыт

Жоспарланған жаттығулар

Ресурстар

Басталуы

Психологиялық ахуал

Шаттық шеңбер.

Дене мүшелерімен амандасу.

(МК) Оқушыларға мыныдай қимылдарды орындатамын:

1. Оң қолды сол аяққа тигізеді.

2. Сол қолды оң аяққа тигізеді.

3. Қолдың саусақтарын айқастырады.

4. Аяқтарын айқастырады.

5. Көзбен шеңбер сызады.

Оқушылар орындарына отырады.

• Жарайсыңдар! Өте жақсы көрсеттіндер.

Жаттығу жасаған кезде біз:

-көзімізбен көрдік;

-құлағымызбен естідік;

-қолдарымызды, аяқтарымызды қимылдаттық.

- бүгін біз сабақта адамның дене мүшелерімен және олардың

қызметімен танысамыз.

Топқа бөлу.

Балаларға базарлық дей келе, 3 түрлі түсті кәмпитті үлестіру арқылы

3 топқа бөлінеді. Кәмпиттерді тарату арқылы сабаққа деген қызығушылығы оянады.

Ортасы

Саралау

1-тапсырма. (МК. Ұ.)

Диалог және қолдау көрсету тәсілі

«Допты қағып ал» әдісі бойынша оқушыларға сұрақтар қоямын.

• Неше қолың бар? (Екі қолым бар).

• Неше аяғын бар? (Екі аяғым бар).

• Мұрын не үшін керек? (Мұрын тыныс алу үшін керек).

• Саусақтарын нешеу? (Он саусағым бар).

• Башпайларың нешеу? (Он башпайым бар).

• Қол не үшін керек? (Қол заттарды ұстау үшін, жұмыс жасау

үшін керек).

• Аяқ не үшін керек? (Аяқ жүру үшін керек).

Дескриптор:

1. Оқушылар адам денесінің негізгі мүшелерін атайды.

2. Адам денесінің негізгі мүшелерінің қызметін сипаттайды.

Қ.Б. «Бір сөзбен» әдісі.

2- тапсырма. (Т)

«Салыстыру» әдісі бойынша әр топтан спикерлер ортаға шығып

бір-бір суреттен алады.

– Суретке мұқият қараңыз. Суреттен кімдерді көріп тұрсыздар?

Олар не істеп жатыр?

Әрбір суретке назар аударыңыздар. Бейнеленген балалар қандай іс-әрекет жасап тұрғанын айтыңдар.

(футбол ойнап жүр, билеп жүр, гүл теріп жүр).

– Бұған қандай дене мүшелері қатысады?

 (Аяқ және қол қимылы, бас бұру, дене иілуі.)

Оқушыларға бұл қимылдарды қайталату, дене мүшелерін атату:

бас, мойын, тұлға, қол, аяқ.

Дескриптор:

1. Суретте кімдер бейнеленгені жайлы әңгімелейді.

 2.Суретке сүйеніп, олардың  іс-әрекетіне қандай дене мүшелері қатысып тұрғанын айтады.

Қ.Б. «Сәттілік баспалдағы» әдісі

3 -тапсырма. (Ж.)

«Көршіңмен сырлас» әдісі

- Суретке мұқият қарандар. Адам денесінің негізгі мүшелерін атауларымен сәйкестендіріп сызыңыз.

аяқ қол бас

мойын кеуде

Өз денеңіздің негізгі бөліктерін көрсетіңіз және атап беріңіз.

Олардың атқаратын қызметін түсіндіріп айтыңыз.

Дискриптор:

• суреттегі адам денесінің негізгі мүшелерін

атауларымен сәйкестендіріп сызады;

• өз денесінің бөліктерін айтады және көрсетеді;

• адам денесінің негізгі мүшелерінің қызметін сипаттайды.

ҚБ «Еркін микрофон» әдісі.

Оқушылар бір-бірінің жұмыстарын тексереді, сұрақ қояды,

жауап береді. Өзіндік ой пікірлерін білдіреді.

4-тапсырма.(Т) «Мен зерттеушімін» әдісі

«Адамның қандай дене мүшелері бар?» зерттеуін жүргізу үшін,

әр топтан бір оқушыны таңдау керек.

• оқушының бойы толығымен сиятын ұзындықтағы қағазға сұлба

сыздыру.

• қағазды жайып қоятын орынды таңдап алып, бір оқушыны

сол қағазға жатқызу.

- оқушыға қозғалыссыз жатуы керектігін түсіндіру.

- оқушылар басынан бастап оның дене кескінін кезекпен

сызады.

• Қалған оқушылар үздіксіз сызық шығу үшін маркерді

бір-біріне береді.

Дайын болған сұлбаны қабырғаға іліп, әр дене мүшесі жазылған

қағазды өз орындарына жапсырады.

Дискриптор:

1. Оқушылар адамның сұлбасын сыза алады.

2. Адамның дене мүшелерін өз орындарын тауып жапсырады.

Қ.Б. «Білім желкені» әдісі

5-тапсырма (ДЖ)

Суретке мұқият қараңыз. Неше дене мүшесін көріп тұрсыз?

Санмен жаз.

Дескриптор:

1. Суретке сүйеніп, дене мүшесін айта алады;.

2. Санмен жазады..

Қ.Б. «Өзін-өзі бағалау» әдісі