Сабақтың тақырыбы: Менің отбасым.

Сабақтың мақсаты:

Білімділік: Кім? не? деген сұрақтар арқылы зат есіммен практикалық тапсырмалар барысында таныстыру. Өз отбасы туралы қысқаша әңгіме құрату.

Тәрбиелік: Тәрбиелік мақсатта әңгімелер айту, отбасына деген сүйіспеншілікті, үлкенді сыйлау, кішіге қамқор болу керектігін түсіндіру.

Дамытушылық: Оқушылардың еске сақтау қабілетін дамыту барысында жұмыс жасау.

Сабақтын барысы:

І. Ұйымдастыру кезеңі.

ІІ. Модульдің құрамын түсіндіру.

ІІІ. Сабақтың мақсатын, барысын түсіндіру.

ІV. Жаңа сабақ.

Сөздікпен жұмыс:

- мәтінде кездесетін бейтаныс сөздер мен сөз тіркестерінің мағыналарын түсіндіріп, аудару;

- дұрыс айтуға дағдыландыру;

- мұғалім мәнерлеп оқиды;

- оқушылар мұғалімнен кейін бірге дауыстап қайталайды;

- оқушылар тізбекпен оқиды;

- сөз тіркестерін құрау;

- сөйлемдер құрау.

1. Сурет бойынша жұмыс.

Бұл мақсатта 1-тапсырмадағы сурет бойынша жұмыс жасау:

- отбасы мүшелерін атау;

- өз отбасы мүшелерін айтқызу;

- кім? не? сұрақтары бойынша практикалық жұмыс жасау.

Оқушыға ана тілінде түсінік беру.

2. Тыңдалым.

«Менің отбасым» атты тақырып төңірегінде жұмыс жасау. Ол үшін 2-тапсырма арқылы әр оқушымен үлгі арқылы жеке жұмыс ұйымдастыру.

3. Тілдесім.

3-тапсырма бойынша сұрақ-жауапты жұптық жұмыс түрі арқылы іске асыру, соңында топтық жұмыспен ұйымдастыру.

4. Сергіту сәті.

5. Оқылым.

«Ата ақылы» өлеңі бойынша тәрбиелік әңгіме өткізу, мәнерлеп оқу дағдысын қалыптастыру.

«Сенің атаң бар ма?» деген сұрақ арқылы практикалық жұмыс жасау.

6. Жазылым.

Грамматикалық тақырыпты пысықтау мақсатында 5-тапсырманы оқушыларға өз бетінше жазбаша орындату.

V. Сабақты қорытындылау:

а) сұрақ-жауап ұйымдастыру;

ә) тақта алдында грамматикалық тапсырма бойынша жұмыс.

VІ. Үйге тапсырма.