Сабақтың мақсаты: оқушыларға бауырмалдық, кеңпейілділік сияқты сүйіспеншілік құндылықтар туралы түсінік беріп, олардың бойындағы адамгершілік сезімдерін дамыту.

Міндеттері:

• Оқушылардың бір-бірін жақсы көруі, бір-біріне мейірімді болу түсініктерін кеңейту;

• Оқушылардың айналасындағыларғы түсіністікпен қарап,олардың қамқорлық сезімдерін дамытуға ықпал ету;

• Оқушыларды бір үйдің балаларындай тату болуға тәрбиелеу.

Сабақтағы тәсідер: Тыныштық сәті, мағынаны тану,ой-қозғау,жағымды ой-пікір, мұғалім сыйы,шығармашылық жұмыс,ән айту.

Сабақ барысы:

1. Ұйымдастыру кезеңi. А) амандасу 1мин.

5 «Т» ережесін еске түсіру:

• Тәртіп

• Талап

• Тазалық

• Татулық

• Тыныштық

2. Тыныштық сәті 2 мин.

Нұрға бөлену.

Мұғалім

Балалар осы табиғатқа, адамдарға деген сүйіспеншілік сезімдеріңізді, қуаныштарыңызды күні бойы сақтауға тырысыңыздар.

Ресурстар: слайд, үн таспа,стикерлер, ақ парақшалар, түрлі түсті қарындаштар,

1. Үй тапсырмасын тексеру. 5мин.

М.Мағауиндің «Бір атаның балалары» повестінен үзінді оқу.

• Әңгіменің басты мағынасы, мәні неде?

• Шығарманы оқығанда қандай сезімде болдыңыздар ?

• Сендердің ойларыңша Ахмет атаның бойындағы ең басты қасиет не?

• Зигфридтің ендігі өмірі қандай болады деп ойлайсыңдар?

Қорытынды: балалар байқағанымыздай, бұл әңгімеден қазақ халқының бар ұлттың өкілдерін бөліп жармай, бауырына басып бауырмалдылық, кеңпейілділік таңытқанын көруге болады. Риясыз таза сүйіспеншілікке жүректері толы адамдарға ғана басқаларды жатсынбай өз бауырындай көре алады. Ал бауыр дегеніміз қазақ үшін ең жақын, ең қатты жақсы көретін адамдары, туғандары.

Сабақ барысын талқылау:

2. Олай болса біздің кезекті сабағымыздың тақырыбы: 7 мин.

«Бауырмалдылық және кеңпейілділік»

Балалар бұл сабақта «Кеңпейілділік», «Бауырмалдық» сөздерінің мағыналарын ашып, жан - жақты тиянақтап түсінуге күш саламыз.

1.«Кеңпейілділік» сөзін естігенде сендерге қандай ой түседі?

2. Бауырмалдық, кеңпейілділік қасиеттерінен қандай ұқсастық байқайсыздар?

*Бауырмалдық — адам бойындағы туысқандық, ағайыншылық қарым-қатынасқа адалдықты білдіретін ұғым.

*Бауырмалдық - туыс адамдардың арасындағы жақсы көру сезімін, бір-біріне деген мейірімділігін, жанашырлығын, қамқорлығын білдіретін құнды қасиет.^[1] 

*Бауырмалдық -тек туыстық негізде ғана көрінетін қасиет емес, ол кісінің адамгершілік, имандылық қасиеттерін айқындайтын мінез-құлықтың жағымды белгісі

*Кеңпейілділік – адам бойындағы жақсы қасиетті білдіретін этикалық ұғым.

*Кеңпейілді мінез көрсету тәрбиелі адамға тән.

*Біздің еліміз кеңпейіл, жомарт – дархан халық

3. Жағымды ой-пікір 2мин.

«Мейірімділік,махаббат қайырымдылық,адалдық, ақ-жүректен шығады».

Ш.Құдайбергенов

• Жекелей

• Топқа бөліп

• Хормен оқыту.

• Дәптерге жаздырамыз.

Нақыл сөзден түйген ойларыңыз?
                                                                                                                       

Қорытынды: Балалар, махаббат, достық және бауырмалдылық қасиеттері адамның бойында табылып жатса, бұл сүйіспеншіліктің көрінісі болып табылады, яғни мейірімділік, махаббат қайырымдылық, адалдық қасиеттері де осыдан шығады.

4. (Мұғалім сыйы)

Бейнебаян « Көк ту және достар» 10мин

бұл көріністен байқағанымыздай қазақ халқының бар ұлттың өкілдерін бөліп жармай, бауырына басып бауырмалдылық, кеңпейілділік таңытқанын көруге болады. Риясыз таза сүйіспеншілікке жүректері толы адамдарға ғана басқаларды жатсынбай өз бауырындай көре алады. Ал бауыр дегеніміз қазақ үшін ең жақын, ең қатты жақсы көретін адамдары, туғандары.

1) Бейнебаянда не туралы баяндалған?  2мин
2) Мағжан кімге бауырмалдық танытты? 

3) Соңында Мағжанның бойынан қандай қасиеттерді көрдіңдер?

4) Мағжанның өзгеруіне кімдердің ықпалы әсер етті?

5. Шығармашылық жұмыс, топтық жұмыс. 5мин.

1. Тапқырлар тобы:

Бауырмалдық пен кеңпейілдік туралы нақыл сөзді табу.

2. Ақындар тобы:

Бауырмалдық, кеңпейілдік сөздерін қатыстырып, бір шумақ өлең құрастыру.

3. Жазушылар тобы:

«Бауырмалдық, кеңпейілдік» тақырыбына эссе жазу.

4. Суретшілер тобы:

«Бауырмалдық, кеңпейілдік» тақырыбында суретке қарап сипаттау.

Қорытынды: Ата-аналарыңызды, жақындарыңызды, достарыңызды, сыныптастарыңызды әрдайым бағалай, сыйлай, қадірлей және сүйіспеншілікке бөлей біліңіздер!

Карточка тарату,

парақшала,түрлі-түсті қарындаштар.

6. Топпен ән айту. 3 мин. «Достар» әні Әнін жазған: Айжігіт Асанов

Сөзін жазған: ФаризаОңғарсынова

Ақ-қарамыз сарымыз,

Тату доспыз бәріміз.

Достық жайлы ән-салып,

Шырқатайық бәріміз

Жүзімізге қараңыз ,

Бал-бұл жанған баламыз.

Бізге қымбат күн шуақ,

Бізге қымбат анамыз.

Күннің нұрын сүйеміз,

Қырдың гүлін сүйеміз.

Бізді ойнатып тәтелер,

Күлдіргенін сүйеміз.

Балдырғанбыз арай жүз,

Бал-бұл жанып қараймыз.

Ойыншықтар біздерде

Көп болғанын қалаймыз.

Таласпаймыз біз бірақ,

Отырмаймыз тұнжырап.

Қуысамыз көгалда,

Жүгіреміз құлдырап.

Ән саламыз күнде біз,

Шаттық толы іргеміз.

Біз мәңгіге достармыз,

Біз мәңгіге біргеміз.

Мәтін тарату және «татулық алақаны» белгісін білдіретін ресурстар.

7. Үй тапсырмасы. 1мин.

Өсиет әңгіме «Алма ағашы» мәтінін оқып келу

8. Сабақтың қорытынды тынышытық сәті 2мин.

Балалар бүгінгі сабағымыздан алған әсерлерімізді, тілектерімізді «татулық алақаны» белгісіне жазады (баяу әуен қойылады).

Қорыта келе, адамдардың бір-бірін жақсы көруі, мейірімділігі, жанашырлығы, қамқорлығы бауырмалдылықты білдіреді. Ол тек қана адамдардың туыстық негізінде ғана емес, жалпы адами қасиет ретінде өзге жұрттарды бауырына тарту, оларды жақын санап қамқорлық көрсету, жатсынбау, көпшіл болудан көрінеді. Ал кеңпейілділік адам бойындағы ізгі қасиетті білдіретін ұғым. Кеңпейілділік пен бауырмалдылық адамдарды татулыққа, бірлікке, ынтымаққа жетелейді.

Сабағымыздан үйренген сыйластық, бауырмалдылық, татулық, кеңпейілділік сияқты жақсы қасиеттерімізді бойымызға сіңіріп, барша адамзатқа деген бауырмалдылық, кеңпейілілік, сүйіспеншілік құндылығын жүрегімізде сақтайық!

Бүгінгі сабақ үшін рахмет!!!