Сабақ № 22 Сыныбы 8^Г Күні 21. 11. 2017ж

8-сынып. Қазақстан тарихы

Сабақтың тақырыбы: § 14. Бөкей және Жәңгір хандар тұсындағы Бөкей Ордасы.

Сабақтың мақсаты:

Білімділік: Бөкей мен Жәңгір ханның жеке тұлға ретінде қаситтерін ашу. Жәңгір ханның әлеуметтік, экономикалық,саяси реформаларын талдау.Жәңгір ханның мәдени қызмет саласына баға беру. Жәңгір хан қайтыс болғаннан кейінгі Бөкей ордасындағы өзгерістерді көрсету.Бөкей хандығы және Жәңгір ханның Қазақстан тарихындағы алатын орнын анықтау.

Дамытушылық: Жаңа технологиясы әдістерімен оқушылардың оқулық мәтінімен қосымша материалдарымен жұмыс істеу қабілетін дамыту,жеке тұлғалардың іс-әрекетіне баға бере білуге баулу, өз көзқарасын қорғай білуге үйрету.

Тәрбиелік: Азаматтық тәрбие, жан-жақты жеке тұлға ретінде қалыптастыруға тәрбиелеу.

Сабақтың типі: Жаңа білім беру сабағы

Сабақтың түрі: аралас

Сабақтың әдісі: жекелей, топпен жұмыс, жаңа технология әдістерін қолдану

Көрнекілік: карта, сызба

Сабақтың барысы:

Ұйымдастыру кезеңі:

1. Оқушылармен амандасу

2. Сыныптағы психологиялық ахуалды қалыптастыру

3. Түгендеу, топтастыру.

4 топқа бөлу.

Үй тапсырмасын сұрау:

Ой толғау. (2 мин)

1. «Орда» сөзіне байланысты ассоциация айту. «Орда» сөзіне байланысты өз ассоцияцияларын тақтаға шығып жазады, мысалы: Халықтың жиналатын жері, жердің аты, орта ғасырда астананың қызметін атқарған.

2. «Мен саған, сен маған» сұрақ-жауап (7 мин)

«Бөкей ордасының құрылу тарихы» оқушылыр сұрақ қояды.

Бөкей хандығының құрылу тарихына шолу жасайды, негізгі себебтерін айтады.

Жаңа сабақтың жоспары:

І. Электронды оқулық « Бөкей мен Жәңгір хан» (3 мин)

ІІ. Топтық жұмыс. «Жигсо» әдісі. Мини-лекция тарату.  (15 мин)
1.Мәтінмен жұмыс 5 минут
Мәтінді оқу, мазмұнын түсіну, өз ойларын жеткізу.

Әр топ өз постерін қорғайды.

І топ Зерттеушілер

Жәңгiрдiң билiк басына келуi.

ІІ топ Әлеуметтанушылар

Аймақтағы әлеуметтiк-экономикалық, саяси даму барысындағы өзгерiстер.

ІІІ топ Мәдениеттанушылар

Жәңгiр ханның мәдени-ағарту саласындағы қызметi.

ІV топ Тарихшылар

Хан билігінің жойылуы, Бөкей ордасының тарихи маңызы

1. «Мағынаны тану» (дәптермен жұмыс. 5 мин)

Осы  сабақ барысында кездескен,бірақ сіз түсінбеген жаңа сөздерді белгілеп отырыңыз. Кейін бұл ұғымдарды  бір-біріңе түсіндіресіңдер,егер ешқайсысың білмесең мен түсіндіремін.

Ішкі Орда- Бөкей Ордасы

Зайырлық-Мемлекетке діннің ешқандай қатысы жок

Жәрмеңке-сауда-саттық ұйымдастырылып отыратын орын.

Мұрағат-Құжаттар сақтайтын орын (архив)

Сабақты бекіту.

1. “Сандар сөйлегенде” ойыны. (3мин)

1801 ж–Бөкей хандығы құрылды.

1815ж – Бөкей қайтыс болды.

1823ж – Жәңгірдің хан тағына отыруы

1827ж – «Билер кеңесін» құрды.

1832ж – Бөкей Ордасында Жәрмеңке ұйымдастырды.

1835ж – Жәңгір ханның нұсқауымен мұсылман мешіті ашылды.

1841ж – Жәңгірдің бастамасымен мектеп ашылды.

1845ж – Жәңгір хан қайтыс болды.

1872ж – Ішкі Орда Астрахан губерниясының құрамына берілді.

Кері байланыс

1.Бүгінгі сабақтан қандай әсер алдың?

2.Нені үйрендің?

3.Бірлескен жұмыс түрлері қызықты болды ма?

VІ. Үйге тапсырма. Тақырыпты оқу

1. Жәңгір хан саяси қайраткер