Ә дыбысы мен әрпі
Сабақтың мақсаты: оқушыларды Ә ә дыбысымен таныстыру, ә дыбысының орнын 
анықтату, сауатты оқуға және жазуға дағдыландыру, сөздерге 
дыбыстық және буындық талдау жасай білуге үйрету. Әдемі, көркем, таза жазуға үйрету.
Сабақтың әдісі: Түсіндіру, сұрақ-жауап, топтастыру, салыстыру.
Сабақтың көрнекілігі: Ә дыбысының таңбасы, суреттер, кеспе әріптер, текшелер, буындар.
Сабақтың барысы:
I.Ұйымдастыру бөлімі
Психологиялық дайындық
Аспан түрді түндігін,
Жерге сәуле жайылды.
Неткен ашық күн бүгін.
Қайырлы күн, қайырлы!
Өткенді еске түсіру.
Әжесіне қонаққа бара жатқан немересін аңдардан құтқарып көмек беру.
1. Аюдың тапсырмасы. «Кім жылдам?» ойыны қай қатар өткен дыбыстарға сөз құрайды тез, әрі көп сөз құрау.
1 - ші қатарға ж дыбысына сөз құрау.
2 - ші қатарға ғ дыбысына сөз құрау.
2. Түлкінің тапсырмасы. «Дыбысқа саяхат» ойыны жоғалған дыбыстарды атау, сөзді оқу, сөйлем құрау.
а...шы, са...ат, .....ата, ор....м ,
3. Қасқырдың тапсырмасы. Кеспе әріптермен жұмыс.
І – нұсқа: Ағаш (2 буын, 4 әріп, 4 дыбыс)
ІІ – нұсқа: Ін (1 буын, 2 әріп, 2 дыбыс)
4. Сергіту сәті: «Қарлығаштар» (музыка әуенімен би ырғақтарын жасау)
5. Қоянның тапсырмасы. 
-І дыбысына байланысты 5 сөзді ата. 
- І дыбысы қандай дыбыс?
-Неліктен дауысты дыбыс дейміз?
-Қай буындарда кездеседі? Мысалдар келтір.
«Келесі буынды тап?» ойыны
Жаңа сабақ.
1.Суретке қарап: - Әже деген кім? - Сен әжеңе кім боласың? -Әкеңнің анасы, анаңның анасы саған қандай әже болады?
2. Кеспе әріптерден әже сөзін құрастыру, оны буындап оқу, дыбыстық талдау жасау.
Дәптермен жұмыс.
Ә дыбысының бас және кіші әрпін көрсетіп таныстыру, баспа және жазба түрлерін салыстыру.
Әріпті ауада, тақтада, дәптерде жазу.
Сергіту сәті:
Шаршағанда ырғалып,
Гүлге ұқсап демалам.
Қанатымды бір қағып,
Гүлдей болып жайқалам.

«Қай әріпті жоғалттым?» ойыны
... ке,... демі, с... нді,... н, д... рі
Сабақты қорытындылау.
- Не үйрендің; не білдің?
Әженің тапсырмалары:
а) Шашылған дыбыстардан сөз құра
(т, ш, е, ә) әтеш
(к,ә,е) әке
- Әжелерің сендерді қалай жақсы көреді?
- Әжелеріне ә дыбысы бар қандай жақсы сөздер айтар едіңдер?
Аман болсын басыңыз,
Ағармасын шашыңыз.
Шөбере сүйіп әлі де,
Жүзге жетсін жасыңыз.
Мадақтау