Сабақтың тақырыбы: А. Құнанбаев « Сабырсыз, арсыз, еріншек»
Сабақтың мақсаты:

Ұлы ақын Абай Құнанбаевтың шығармашылығымен таныстыра отырып, өлеңнің негізгі идеясын ашуға үйрету.

Сабақтың міндеттері: Оқушыларды адам бойындағы жағымсыз қасиеттерден бойын аулақ ұстауға баулу, көркем мәтінмен жұмыс істей алу дағдысын жетілдіру, оқып түйгендері туралы ой қортындысын айтқызып жаттықтыру.

Сабақтың түрі: танымдық сабақ

Сабақтың әдісі: талдау, әңгімелеу, сұрақ - жауап, жұппен жұмыс

Сабақтың көрнекілігі:проектор, қима қағаздар, плакат, ақын портреті

Сабақтың өту барысы:

І. Ұйымдастыру кезеңі

Шаттық шеңберін құру.

Әрқайсысың өздеріңді қандай адам болуым керек деп ойлайсыңдар? (оқушылардың ойларын тыңдау)
-«Жақсы сөз – жан азығы» - дейді қазақ. Мына жүрекшені бір – бірімізге бере отырып, қандай адам болу керектігін білдіретін тілегімізді айтайық:
Жүрекше соңында мұғалімнің қолына қайтып келеді.
- Осындай жүрекке жылы тиер жұмсақ сөздермен өз - өзімізге деген сүйіспеншілігіміз бен сенімімізді арттыра отырып сабағымызды бастайық.

II.Үй тапсырмасын тексеру
- Өткен сабақта кімнің әңгімесімен танысқан едік?
- Әңгіме кім туралы?
- Ал, енді үй тапсырмасына дайындықтарыңды тыңдап көрейік.Ол үшін «Конверт-сұрақ» әдісі арқылы үй тапсырмасын тексерейік.

«

1. Әңгіме неліктен «Орындалған арман» деп аталған? Спандиярдың қандай арманы орындалды?
2. Әңгіменің басында «Үлкен той болды» деп қандай тойды айтып отыр?
3. Хамза Қаржасовтың сөзі неге ұнамады?
4. Болыс Салмұғамбет Спандияр мен оның әкесіне не деді?
5. Ыбырайдың неліктен қабағы түйіліп, жүзі сұп - сұр болып кетті?
6. Болыс пен байлардың әділетсіздігін қандай әрекеттерінен байқауға болады?

Қызығушылығын ояту:
-Талап, еңбек, терең ой,
Қанағат, рахым ойлап қой,
Бес асыл іс көнсеңіз»- деген үзінді аталарыңның қай өлеңінен алынған?
- Осы «Ғылым таппай мақтанба» өлеңі кімнің есінде? Кім жатқа оқып бере алады?
ІІI.Жаңа сабақ
1. Абай әлеміне саяхат
- Енді Абай әлеміне аздап саяхат жасап көрейік. 2. Жаңа тақырыпты хабарлау, мақсатын қою.
Олай болса, бүгін біз, балалар, ұлы ақын Абай Құнанбаевтың «Сабырсыз, арсыз, еріншек» өлеңімен таныса отырып, көркем мәтінмен жұмыс істей алу дағдымызды жетілдіреміз, оқып түйгендеріміз туралы ой қорытындысын жасап жаттығамыз.
3. Мәтінді таныстыру «Сабырсыз, арсыз, еріншек» өлеңі. Кітаптарын аштырмай тұрып өзім тақтадан оқып беремін.
- Балалар, енді тақтаға көңіл аударайық: Қандай сөздердің мағынасын түсіну қиын болып тұр?
Оқушылардың атаған сөздерін мұқият тыңдап, «алтын сандықты» ортаға шығарамын:
- Бұл сөздердің мағынасын алтын сандықтан іздеп көрейік.
4. Сөздік жұмысы
Алауыз – береке - бірлігі жоқ, ынтымақсыз.
Күндейді – қызғанады.
Мертігеді - бір жері шығады, сынады
5. Оқулықпен жұмыс
Кітаптарын аштырып, әуелі өз беттерінше іштерінен оқыту, тізбектей дауыстап оқыту
6. Өлеңнің идеясын ашу
- Өлеңде ақын адам бойындағы қандай қасиеттерді сынап тұр?
- Сабырсыздықты, арсыздықты, еріншектікті, күншілдікті, міншілдікті,
ұятсыздықты, ойсыздықты, ұрлықшылықты.....
- Бұлардың барлығын бір сөзбен қалай атауға болады?
- Адамның жағымсыз мінез құлықтары
- Абай аталарыңның «Ғылым таппай мақтанба» өлеңінен қандай жағымды мінез құлықтарды тауып айтар едіңдер?

- Талапшыл, еңбекшіл, ойшыл, қанағатшыл, рахымшыл,....
- Екі өлеңнің ұқсастығы неде?
- Екі өлеңде де адам бойындағы мінез - құлықтар туралы айтады.
- Олай болса, бұл өлеңдердің негізгі ойы не туралы деп ойлайсыңдар?
- Адамгершілік туралы.
7. Топтық жұмыс
- Ия, Абай аталарың өзінің өлеңдері мен қара сөздерінде ұрпағын жамандықтан жирендіріп, жақсылыққа үйретуді мақсат еткен екен. Қазір біз осы отырған жұппен жұмыс жасаймыз.
1 - тапсырма
- Абай атаның осы екі шығармасынан адам бойындағы жағымды және жағымсыз мінез - құлықтарды жіктеп жазып, кестеге түсіріңдер(ватманға орындайды):
АДАМНЫҢ МІНЕЗ - ҚҰЛЫҚТАРЫ
Жағымды
Жағымсыз
Абай кім? деген сұрақ аясында Абай атамызды топтастырайық. Абай ата, оның біз білетін шығармалары туралы келесі топтарға сұрақ дайындаңдар.
Сергіту сәтін өткізу.

ІV. Сабақты бекіту.
«Мен бүгінгі сабақта нені үйрендім?» "Не қызық болды?»»сұрақтарына жауап берейік.(стикерлерге жазып,алма ағашына жапсырады)

V.Үйге тапсырма:

-Өлеңді жаттау

VI.Бағалау.

-Сабаққа белсене араласқан балаларды бағалау

1. Әңгіме неліктен «Орындалған арман» деп аталған? Спандиярдың қандай арманы орындалды?

2. Әңгіменің басында «Үлкен той болды» деп қандай тойды айтып отыр?

3. Хамза Қаржасовтың сөзі неге ұнамады?

4. Болыс Салмұғамбет Спандияр мен оның әкесіне не деді?

5. Ыбырайдың неліктен қабағы түйіліп, жүзі сұп - сұр болып кетті?

6. Болыс пен байлардың әділетсіздігін қандай әрекеттерінен байқауға болады?

Абай