Ашық сабақ А.Байтұрсынұлы "Ақын ініме" өлеңі

Сабақтың тақырыбы: А.Байтұрсынов «Ақын ініме»өлеңі

Сабақтың мақсаты:

1) Білімділік: А.Байтұрсыновтың өмірі мен шығармашылығы туралы білім беру, мәнерлеп оқуға, талдауға үйрету.

2) Дамытушылық:Оқушылардың білімпаздылығын, ойлау шеберлігін, сөйлеу мәдениетін, тіл байлығын дамыту.

3) Тәрбиелік:Жақсы мен жаманды ажырата білуге, адамгершілікке, үлкенді сыйлауға тәрбиелеу.

Сабақтың түрі: Жаңа сабақ.

Сабақта қолданылатын әдіс: сұрақ-жауап, түсіндіру, 

талдау, анкета.

.Сабақтың көрнекілігі: А.Байтұрсыновтың портреті, жазба схемалар, кластер және мысалдары жайлы деректер.

Сабақтың барысы:

1. Ұйымдастыру кезеңі:

-сыныппен сәлемдесу;

-сабақта жоқ оқушыларды түгендеу;

-сабаққа даярлықтарын қадағалау.


2. Үй тапсырмасын сұрау:Үйге берілген тапсырмаларды сұрап, оқушылардың білімдерін тексеремін.

3. Жаңа сабақ

Сабақтың тақырыбы жазылып , мақсаты түсіндіріледі. 

-Ой шақыру

Алдын-ала дайындап келген деректері арқылы кластер толтыру.Тақтадағы схемаларға тоқталу


-Мағынаны ажырату

Оқулықтағы «Ақын ініме» өлеңін мәнерлеп оқып, мағынасын ашу, өз ой-пікірлерін айту.Өлең не жайында айтылғанын әр оқушыдан жеке-жеке тұрғызып сұраймын. 


4. Бекіту.

Анкета әдісі арқылы бекіту.

1.Жазушының туған жылы, күні

2.Туған жері

3.Білім алған жері

4. «Ақын ініме» өлеңіне тақырып қой. Ол тақырыпты не үшін алғаныңды түсіндір.

5. Төмендегі сұрақтарға жауап жаз.

А) Ақын «Ақын ініме» өлеңінде адам мінездеріндегі қандай қасиеттерді сынайды?

Ә) А.Байтұрсынов өлеңде ақынның халық алдындағы парызы қандай болу керек екенін аңғартады?

Б) Өлеңнің соңғы шумағынан ақынның айтқысы келген ойы қандай?

5. Бағалау.Оқушыларды сабаққа атсалысуына қарай бағалау.

6.Үйге тапсырма.А.Байтұрсынұлының шығармаларына кластер құру. «Ақын ініме» өлеңін жаттау.