Ашық сабақ Адам бақыты 2 -ші сабақ ., 7 сынып

Сабақтың мақсаты: Оқушыларға адам бақытының сыры ұғымы арқылы сүйіспеншілік құндылығының мәнін ашу

Міндеттері:

• Оқушыларға бақыт, бақытты болу ұғымдарының мәнін аша отырып адалдақ, мейірімділік, сенімділік қасиеттері туралы түсінік беру

• Оқушыларды өзіне және басқаларға жақсылық жасауға баули отырып, бақытты бола білуге үйрету;

• Оқушыларды қайырымдылыққа, ризашылыққа тәрбиелеу;

Ресурстар:

(құралдар, мәліметтер)

1.Сабақ барысы:

Ұйымдастыру кезеңі: Тыныштық сәті.

Жайлы, баяу музыка қойылады.

Нұрға бөлену

Ыңғайланып отырыныздар, денелерінізді түзу ұстаныздар. Аяқ – қолыңызды айқастырмаңыз. Қолынызды тізеңізге немесе үстелге қоюға болады. Көздеріңізді жұмуларыңызды өтінемін. Елестетіп көрініз: Күн нұры сіздің төбенізден өтіп, кеудеңізге қарай бойланып барады. Кеудеңіздің орта тұсында гүл түйнегі орналасқан. Гүлдің түйнегі нұрдан бояу ашылып келеді. Балғын және таза әсем гүл сіздің әр ойынызды, әр сезіміңізді, эмоцияныз бен тілек – қалауынызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыныз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұрлы сәуле шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралдарына айналды. Одан әрі нұр сіздің аузынызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарынызға бағыттаныз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты көреді. Сіздің басыныз түгелдей нұрға бөленіп, басынызға тек ізгі, сәулелі ой келеді. Нұр бірте-бірте қарқынмен шұғылана бастайды, сіздің денеңізден шығып, жан-жағынызғы сәуле шашады. Осы нұрды туысқандарымызға, мұғалімдеріңізге, достарынызға, таныстарынызға бағыттаңыз. Нұрды уақытша түсініспей, ренжісіп жүрген адамдарға да бағыттаныз, олардында жүрегі нұрға толсын. Осы нұр бүкіл әлемге: барлық адамдарға, жан – жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаныз. Ойша айтыңыз: «Мен нұрлымын... Нұр менің ішімде... Мен Нұрмын». Осындай Нұр, Махаббат және Тыныштық күйінде отыра тұрыныз..

Енді осы Нұрды жүрегіңізге орналастырыңыз. Нұрға толы бүкіл әлем сіздің жірегіңізде. Оны осындай әсем қалыпта сақтаныз.

Жаймен көзінізді ашуға болады. ( Алған әсерін сұрау)

1. Үй тапсырмасын тексеру

Оқулықтағы «Адам қалай ойлайды?» мәтіні 30 бет

Сұрақтар: ( 2 топқа ковертке салу арқылы бөліп беру)

1 топ

1. Мәтіндегі «Адамның қол жеткізген жетістіктері – өзінің ойы мен ниеті арқылы» деген ойды қалай түсінесіңдер?

2. Автордың «Ойы мен ниетін жақсылыққа бағыттай алмаған адамдар бақытсыз болады..» деген көзқарасымен келісесіңдер ме? Неліктен?

2 -топ

3. Мәтінде айтылған ойлармен қаншалықты келісесіңдер?

4. Өзің «Дәл бүгіннен бастап» нені мақсат етер едің? Мәтіндегі ойға тағы да қандай пікір қосар едің? Әңгімелеп беріңдер

Оқулық, дәптер.

Сабақ слайды

Құрал жабдықтар:

Топқа бөлетін карточкалар.

Интерактивті тақта,

калонка,

бейне жазба

2. Дәйексөз

Жаны мейірімге толы адам бақытты

(Ұлдар, қыздар кезекпен оқу)

Неге жаны мейірімге толы адам бақытты?

Өз ойларымен жеткізеді.

3. Мұғалім сыйы: Патшаның қызы неге бақытсыз?..

Ертеде патшаның екі қызы болыпты. Патша екі қызын да жақсы көріп, қолынан келгенше оларды ештеңеден қақпай, қалағандарын жасап, айқандарын екі етпеуге тырысады екен. Дегенменде, екі қыз өсе келе мінездері өзгере бастапты. Бір күні білімді бір адам патшаға қонаққа келіпті. Патшаның қайғылы түрін көріп, себебін сұрапты. Патша: «Е-е-е… сұрама, күлмейтін бір қызым бар, дертін ешкім білмейді»-дейді. «Патшам, рұқсат етсең, сарайыңызға қонақ болайын. Мүмкін қызыңыздың қайғысының себебін табармын», — дейді жолаушы. Патша қуана рұқсат етіпті.

Сол күннен бастап саяхатшы екі қызды патша рұқсатымен жасырын аңди бастапты. Қараса екеуі түнде жатар алдында жастықтарының астынан бір дәптер шығарып, бір нәрселер жазып, таңертен жазғандарын оқып, орындарынан тұрады екен. Саяхатшы бір күні қыздар ұйықтағаннан кейін дәптерлерін алып оқыса, кіші қыз өзіне жасалған жақсылықтарды, ал үлкен қыз тек болмашы әділетсіздіктерді жазыпты.

Ертеңінде саяхатшы кіші қыздан рұқсат алып, оның дәптерін үлкен қыздың жастығының астына қояды. Таң атысымен патшаның үлкен қызы жастық астынан дәптерді алып оқыпты. Сарайдағылар екеуіне де бірдей қарағандықтан ол дәптерде жазылғандарды жатырқамапты. өзіне жасалған жақсылықтар есіне түсісімен жүзі жадырап, қуанғаннан ән сала бастапты.

Патша үлкен қызының қуанғанын көріп, өз құлағы мен көзіне өзі сенбепті. Бірден саяхатшыны шақырып, бұны қалай жүзеге асырғанын сұрапты. Саяхатшы: «Патшам, өмір айна сияқты. Оның жақсы жақтарын ойласақ, бізге әдемі көрінер. Сіздің үлкен қызыңыз өмірінің жаман жақтарын ойлағаны үшін бақытсыз болған», — деп жауап береді.

Патша үлкен қызын шақырып, оған енді дәптеріне тек жақсылықтарды ғана жазуға кеңес беріпті.

Сол күннен бастап, патшаның екі қызы да бақытты өмір сүріпті.

Сұрақтар:

1. Әңгіме кімдер жайында?

2. Қыздар өздерін қалай сезінді?

3. Неліктен саяхатшы қыздардың дәптерлерін ауыстырды?

4. Патшаның екінші қызы қалай өзін бақытты сезінді?

5. Өздеріңді бақытты сезінген уақытты естеріңе түсіріңдер

Бейнекөрсетілім «Бақытты сәт» - бейнекөрсетілімнен қандай ой түйдіңдер?

Шығармашылық жұмыс ,

1 топ

• Мен бақыттымын, үйткені ...(жалғастырып жазу)

2 топ -Бақытты отбасын сахналау

3. Үй тапсырмасы

3 бет., 4 тапсырма , сөзтізбекті шешу

3. Топпен ән айту.

Өміріңе немқұрайлы қарама.

Сөзін жазған Серік Сейтман, әнін жазған Сәкен дәрібаев

Тыңда, досым, мен айтайын от тілек,
Дүниеден кетті бай да, өтті бек.
Өміріңе немқұрайлы қарама
Дәулетіңмен тұрсаң-дағы көк тіреп!
Әр күн сайын тек сен үшін атып таң,
Зерлі шапан киінсең де, жақұттан.
Өміріңе немқұрайлы қарама,
Шақша басың айналса да бақыттан.
Қайырмасы:
Бақ құсыңды қонған кезде бағала,
Қолда мәңгі тұрмайтын ол шағала.
Кенелсең де, досым, қанша шаттыққа,
Өміріңе немқұрайлы қарама.
Тұсау салып, бастатқызбай көш дара,
Етсе-дағы дұшпан күлкі, дос таба.
Өміріңе немқұрайлы қарама,
Тағдыр желі қарсы алдыңнан соқса да.
Күн сағатта сақтау үшін өз басын
Сатып кетсе, сеніп жүрген жолдасың.
Өмірңе немқұрайлы қарама.
Айдын көлге айналса да көз жасың.

Қайырмасы: Бақ құсыңды қонған кезде бағала,
Қолда мәңгі тұрмайтын ол шағала.
Кенелсең де, досым, қанша шаттыққа,
Өміріңе немқұрайлы қарама.

Қортынды:

7. Соңғы тыныштық сәті.

Бүгінгі сабақтан алған әсерлеріңізді жүректерімізге саламыз.

Терең 2- 3 рет демаламыз

Бәріңізге сабаққа қатысқандарыңызға үлкен рахмет!!!