Ашық сабақ. Әйел құқығы. Себеп-салдар салалас құрмалас сөйлем. 9- сынып

Ұзақ мерзімді жоспар бөлімі:

«Адам құқығы мен бостандығы».

Синтаксис.

Тұрар Рысқұлов атындағы № 20 жалпы білім беретін мектеп

Күні:

Мұғалімнің аты-жөні: Демесінова Сағынкүл Демесінқызы

Сынып: 9

Пәні: қазақ тілі

Қатысқандар саны:

Қатыспағандар саны:

Сабақ тақырыбы:

Әйел құқығы.

Себеп-салдар салалас құрмалас сөйлем

Осы сабақ арқылы жүзеге асатын оқу мақсаттары:

9.1.1. мәтін мазмұны бойынша дайындалған сұрақтарға болжаммен жауап беру, түпнұсқамен салыстыру.

Сабақ мақсаттары:

Барлық оқушылар орындай алады: мәтін бойынша дайындалған сұрақтарға себеп- салдар салалас құрмалас сөйлемдер арқылы болжаммен жауап береді.

Оқушылардың көпшілігі орындай алады: мәтін бойынша дайын сұраққа болжаммен жауап беріп, түпнұсқамен салыстырады.

Кейбір оқушылар орындай алады: түпнұсқадан себеп-салдар салалас құрмалас сөйлемді табады, жасалу жолдарын түсіндіреді.

Бағалау критерийлері:

- сұрақтарға болжаммен жауап береді;

- болжамдарын түпнұсқамен салыстырады;

- түрлерін ажыратады;

- себеп - салдар салалас құрмалас сөйлемді қатыстыра отырып эссе жазады.

Ойлау деңгейі

білу, түсіну, қолдану

Тілдік мақсаттар:

Оқушылар орындай алады:

мәтін мазмұны бойынша дайындалған сұрақтарға болжаммен жауап береді,түпнұсқамен салыстырады.

Пәнге қатысты сөздік қор мен терминдер:

бостандық, әйел тағдыры, еншілестік, енші, кемеңгерлік, аманат, ұсыныс

Диалог құруға / шығарма жазуға арналған пайдалы тіркестер:

қазақ әйелінің тағдыры, мал-мүлік, жүйрік ат, аманат құда, көшпелі елдер, қыз көру, әмеңгерлік, пышақ кесті тоқталу, мәжіліс

Талқылауға арналған сұрақтар:

Әйел тағдыры қай заманда да неге өзекті мәселе болып саналады?

Бостандық, адам бостандығы дегеніміз не?

Құндылықтарға баулу

3. Зайырлы қоғам және жоғары руханият

Мемлекет және қоғамдық өмірдің зайырлы сипатын, адам құқығы мен отбасы құндылықтарын түсіндіре отырып, салт- дәстүрді сақтауға тәрбиелеу.

Пәнаралық байланыстар

Тарих

Алдыңғы оқу

Әйел құқығы.

Сабақ барысы

Сабақтың басы

5 минут

Ұйымдастыру. Сәлемдесу.

«Заряд алу» әдісі арқылы психологиялық ахуал туғызу. Шеңберге тұрып бастаушы бір рет, екінші айналымда екі рет қысады, соңында үш рет қысады, басына келгенше қанша заряд бергенін айтады.

Мақсатым: зейінін шоғырландыру, қызығушылығын ояту.

І топ «Ұлпан» тобы,

ІІ топ «Есеней» тобы,

ІІІ топ «Артықбай» тобы.

Ширату жаттығуы:

«Сен білесің бе?»

1. Әйел тағдыры қай заманда да неге өзекті мәселе болып саналады?

2. Бостандық, адам бостандығы дегеніміз не?

3. Адам құқығы қалай қорғалады?

4. ХІХ ғасырдағы қазақ әйелінің басында қандай бостандықтар болды?

5. Жесір әйелдің жүгі қандай?

6. Әмеңгерлік дегеніміз не?

7. Ер азамат пен әйел адамның құқықтары бірдей ме?

Оқушыларды оқу мақсаты және бағалау критерийлерімен таныстыру.

Ресурстар

Кейіпкерлер есімі арқылы топқа бөлінеді. «Сен білесің бе?»

Слайд, экраннан сұрақтар беріледі

Сабақтың ортасы

10 минут

8 минут

9 минут

5 минут

_{1-тапсырма. ТЖ.}

Дайындалған сұрақтарға себеп салдар салалас құрмалас сөйлем арқылы болжаммен жауап беріңдер.

_{«Бұрқасын сұрақ»} әдісі.

І топ.

1. Ер адам неге жоғары бағаланған?

2.Енші берудің сыры неде?

3. «...Әлі туылмаған балаларды атастырып, аманат құда болысып қалады.Әйел тағдыры осыдан басталмай ма?» деген сөз астарын қалай түсінесің?

ІІ топ.

1. «Қыз көру» дәстүрін дұрыс деп санайсың ба?

2. Әмеңгерлікке ұшыраған әйел бақытты бола ала ма?

3. Әйел атын атап сыйыну әбестік пе?

ІІІ топ.

1. Сол кезеңде қазақ әйелінің тағдыры қандай болған?

2. Есеней неге Ұлпанға сенімді?

3. Ұлпан бүкіл Сибанды басқара ала ма?

Ықтимал жауаптар:

І топ.

1. Қазақта ер адамды жоғары бағалаған, себебі отбасының иесі, асыраушысы, қамқоршысы деп есептеген.

2. Енші берудің өзіндік сыры бар, себебі үйленген баласын отауға шығарғанда берілетін мал – мүлікті «енші беру» деп айтады.

3. Әлі туылмаған балаларды атастырып, аманат құда болысып қалады, себебі әр ата – ана өз ұлының болашақ қалыңдығын ерте ойластырған.

ІІ топ.

1. «Қыз көру» дәстүрін дұрыс деп санаймын, себебі «қызды кім көрмейді, қымызды кім ішпейді» деген мақал бар.

2. Әмеңгерлікке ұшыраған әйел бақытты болады, өйткені өсіріп отырған баласы ешкімге жәутеңдемей өз руының қамқорлығында болады.

3. Әйел атын атап сыйыну әбестік, неге десеңіз қазақ қашанда ер адамға ғана сыйынған.

ІІІ топ.

1. Сол кезеңде қазақ әйелінің тағдыры ауыр болған, себебі өз басының билігі болмаған әйел тағдырын бүкіл ел шешкен.

2. Есеней Ұлпанға сенімді, өйткені Ұлпанның ақылдылығына көзі жетеді.

3. Ұлпан бүкіл Сибанды басқара алды, өйткені оған Ұлпанның ақылы мен адамгершілігі сай болды.

Дескриптор:

- сұрақтарға жауап береді;

- болжамдарын түпнұсқамен салыстырады;

- жауап беруде себеп-салдар салалас құрмалас сөйлемді қолданады.

Саралау тапсырмасы: (оқушыға жеке қолдау көрсету арқылы саралау)

Қолдауды барынша қажет ететін оқушы: Дайындалған сұрақтарға себеп салдар салалас құрмалас сөйлем арқылы болжаммен жауап беруде 1-2 ықтимал жауап ұсыну арқылы қолдау көрсетемін.

ҚБ: дескриптор нәтижесінде “Екі жұлдыз, бір тілек” әдісі арқылы топ бірін-бірі бағалайды. Екі жұлдыз = жұмыс істеген кезде оларға ерекше ұнаған 2 зат, Бір тілек = бұл жақсартуға болатын нәрсе.

2-тапсырма. ЖЖ.

Берілген мәтін бойынша себеп-салдар салалас құрмалас сөйлемнің жасалу жолын талдаңдар.

«Құрастыр, сосын жауап бер, талда» әдісі

Дескриптор:

- себеп-салдар салалас құрмалас сөйлемнің жалғаулықты-жалғаулықсыз түрлерін ажыратады;

- талдау шеберлігі артады.

Саралау тапсырмасы. Таңдау бойынша саралау.

Қолдауды орташа қажет ететін оқушы:

Таңдалған сөйлемінің нәтижелі шығуына қолдау көрсетемін.

ҚБ: дескриптор нәтижесінде «Қошемет сөздер» әдісі арқылы жұп бірін-бірі бағалайды. «Жарайсың», «Жақсы», «Бұдан да жақсы істей аласың»

3- тапсырма. Ж.

Бүгінгі таңдағы қазақ әйелінің құқықтарын анықтап, өз пікіріңді «Төрт сөйлем» әдісі арқылы түйіндеңдер.

1. Пікір. (мәтін бойынша туындаған өзіндік пікірін бір сөйлеммен айтады) – менің ойымша ...

2. Дәлел. (пікірін дәлелдеп шығады) – себебі ...

3. Мысал. (мысал келтіреді) – мысал...

4. Қорытынды. (қорытынды шешім шығарады) – сол себепті, сондықтан...

Дескриптор:

- өзіндік пікірін айтады;

- дәлелдейді;

- мысал келтіреді;

- қорытынды шығарады.

Саралау тапсырмасы: (Оқушыға жеке қолдау көрсету арқылы саралау)

Қолдауды орташа қажет ететін оқушы: мәтін бойынша туындаған өзіндік пікірін бір сөйлеммен жеткізе білуге қолдау көрсетемін.

ҚБ: дескриптор нәтижесінде бағалау парағы арқылы өзін - өзі бағалайды.

Бағалау парағы

4- тапсырма. Ж.

“Әйел – өмір тірегі” тақырыбына себеп-салдар салалас құрмалас сөйлемдерді қатыстыра отырып, эссе жазыңдар.

“Автор орындығы” әдісі

Дескриптор:

- ақпарат көзіне сүйенеді;

- себеп - салдар салалас құрмалас сөйлемді қатыстырады;

- өз көзқарасын білдіреді;

- эссе жазады.

Саралау тапсырмасы: (таңдау бойынша саралау)

Қолдауды аз қажет ететін оқушыға: эссе құрылымы жүйесінің кіріспе бөлімінің жазылуын түсіндіру арқылы қолдау көрсетемін.

ҚБ: дескриптор нәтижесінде өзін – өзі бағалайды.

_{«Бұрқасын сұрақ»} әдісі.

770 ₸ - Сатып алу

Материал ұнаса әріптестеріңізбен бөлісіңіз

Ватсапта бөлісу Телеграммда бөлісу Фейсбукта бөлісу Сілтемені көшіру

Ресми байқаулар тізімі

Республикалық байқауларға қатысып жарамды дипломдар алып санатыңызды көтеріңіз!

Тізімді көру

Материал іздеу

Сіз үшін 400 000 ұстаздардың еңбегі мен тәжірибесін біріктіріп, ең үлкен материалдар базасын жасадық. Төменде пәніңізді белгілеп, керек материалды алып сабағыңызға қолдана аласыз

Барлығы 663 959 материал жиналған

Пән

• Жүктелуде...

Бағыт

• Жүктелуде...

Сынып

• Жүктелуде...

Іздеу

Ұқсас материалдар

Дайын ҚМЖ. Барлық пәндерден 2024-2025 оқу жылына, жаңа бұйрыққа сай жасалған

Сертификатталған тренер жасаған

01.01.2023

17 863

13 694

ҚР Білім және Ғылым министірлігінің стандарты бойынша жасалған.

Барлық пәндер

Барлық материалдар

Барлық сыныптар

Қазақ тілі пәні бойынша барлық материалдарды көру

Аттестацияда (ПББ) 100% келетін
тақырыптармен дайындаймыз

Аттестацияда (ПББ) келетін тақырыптар бойынша жасалған тесттермен дайындалып, бізбен бірге тестілеуден оңай өтесіз

Өткен жылы бізбен дайындалған ұстаздар 50/50 жинап рекорд жасады

Толығырақ