Тренинг: «Алғыс айту»

Мақсаты: Оқушыларды «сыйластық» құндылығы туралы түсініктерін кеңейту
Міндеттері: ризашылық пен алғыс туралы түсінік беру; үлкен-кішіге деген сүйіспеншілігін, сыпайылық қарым-қатынасын дамыту; әдептілікке, кішіпейілділікке, ізеттілікке тәрбиелеу.

Шаттық шеңберіне шақырамын.
Оқушыларды шеңберге тұрғызып Ризамын деген сөзді алып мен өмірге ризамын деген сөзбен бастау керек.

І. Ұйымдастыру кезеңі:
Сәлеметсіздер ме оқушылар, бүгін ерекше күн! Бүгін қандай күн оқушылар? Қалай ойлайсыңдар? 1-наурыз Алғыс айту күні болып белгіленді. 1-наурызда бір-бірімізге алғыс айтуымыз керек. Сонымен, рақметке лайықты кімдер? Тізімді бірге құрайық! Бастысы – алғыс айта білу
Анаға – өмір сыйлағаны үшін рахмет
Әкеге – қорғаны болғаны үшін рахмет
Күнге – шуағы мен назары үшін рахмет
Әжеге – ыстық алақаны үшін рахмет
Суға – тіршілік көзі болғаны үшін рахмет
Отқа – жылулығы үшін рахмет.
Қане оқушылар, Алғыс айту дегеніміз не? Бір-бірімізге алғыс айтып көрейікші?
Әңгімелесу. -Алғыс дегенді қалай түсінесіңдер? -Адам өзінің ризашылығын, алғысын қандай сөздермен білдіреді? -Сендерге кім қандай жағдайда алғыс айтты? -Өздерің қандай жағдайда алғыс айтып көрдіңдер? Балалардың жауаптары тыңдалады
І-топ – Үйге келген қонақтарды күтіп алу сәтін сахналау
ІІ-топ – Сыныптағы Аружанның бүгінгі туған күнімен құттықтау сәтін сахналау
«Өмірге риза болып,алғыс айт » “Адам өз ісіне қанағаттанып, сүйсінген кезде ризашылық сезімге бөленеді.

Қорытынды:
Оқушылар, жылы сөз, қайырымды іс, жақсы ой, кіршіксіз сезімдеріңді ешкімнен ешқашан аямаңыздар. «Рахмет» деген қасиетті сөзді жиі айтыңдар. Адам алғыс пен ризашылықты естіген сайын, жақсылық жасағысы келіп тұратынын есте сақтаңдар. Өмірдің әрбір сәтін бағалай білуге үйреніңдер және Табиғат –Анаға мейірімді күні үшін, көңілді жаңбыры мен ақ қары үшін, жұмсақ ақ ұлпа бұлты үшін, жақын адамдарға қайырымдылығы мен риясыз махаббаты үшін алғыс айтуды ұмытпаңдар.
«Ризамын» әнін бірге орындау
Ризамын бүгінге,
Ризамын бүгінге,
Ризамын бүгінге,
Ризамын бүгінге!
Ризамын, ризамын, ризамын, ризамын,
Ризамын, ризамын, ризамын, бүгінге,
Ризамын, ризамын, ризамын қазірге.
Шаттық шеңберге тұрып бір-бірімізге рахмет сөзімен апайларға рахмет тренингімізді аяқтаймыз.