Ашық сабақ Әліппе пәні Ө ө дыбысы мен әрпі

Бөлім:

Әліппе кезеңі

Педагогтің аты- жөні:

Т.М.Бейбитова

Күні:

Сынып: 1

Қатысушылар саны:25

Қатыспағандар саны:

Сабақтың тақырыбы

Ө дыбысы және әрпі

Мақсаты:

1.1.5.2 сөйлеу барысында дауыс ырғағын, екпін, әуен, қарқын, кідірісті сақтау, ойды ым-ишара, қимыл арқылы жеткізу;

1.2.1.2* оқу түрлерін (буындап оқу, тұтас оқу, мәнерлеп оқу, түсініп оқу) қолдану;

1.2.5.1* мұғалімнің қолдауымен мәтіннің, сюжетті суреттің мазмұны бойынша сұрақ қою, сұраққа жауап беру;

1.3.6.1 жазу жолын, жоларалықты, жолдың жоғарғы және төменгі сызықтарын сақтап, әріп элементтерін, әріптердің бір-бірімен байланысын көркем жазу

Оқу бағдарла- масына сәйкес күтілетін нәтижелер

сөйлеу барысында дауыс ырғағын, екпін, әуен, қарқын, кідірісті сақтау, ойды ым-ишара, қимыл арқылы жеткізе алады, әріпті таниды, дыбыс пен әріпті бір-бірінен ажыратады; дыбысты дұрыс айтуға жаттығады; оқу түрлерін (буындап оқу, тұтас оқу, мәнерлеп оқу, түсініп оқу) қолданады; мұғалімнің қолдауымен мәтіннің, сюжетті суреттің мазмұны бойынша сұрақ қояды, сұраққа жауап береді, жазу жолын, жоларалықты, жолдың жоғарғы және төменгі сызықтарын сақтап, әріп элементтерін, әріптерді, әріптердің бір-бірімен байланысын көркем жазу талаптарына сай жазады.

Сабақ барысы

Сабақтың кезеңі/уақыты

Педагогтің әрекеті

Оқушының әрекеті

Бағалау

Ресурстар

Сабақтың басы

(1–5 мин)

(Ұ) Ұйымдастыру кезеңі:

1. Сәлемдесу.

Психологиялық ахуал орнату.

Армысың, алтын күн!

Армысың, көк аспан!

Армысың, достарым

Бәріңді көрсем, қуанам!

Жоғарыға қарап күн көрдім,

Төменнен байтақ ел көрдім.

Оңға, солға қарадым,

Егеменді ел көрдім.

Миға шабуыл. (Қойылған проблеманы оқушылардың шығармашылық белсенділігіне сүйене отырып шешуге бағытталған, оқушыларға проблеманы шешуге жауап нұсқасын таңдауға еркіндік беріліп, оны шешудің неғұрлым көп жолдарын көрсетуге негізделген.)

• Иә, балалар, өлең шумақтарына қарап, тыңдап не айтуға болады?

• -Біздің Отанымыз - ? –Қазақстан

• -Қазақстан қандай ел?

• Тәуелсіздікке – 30 жыл

• Тәуелсіздік күні – 16 желтоқсан

Жұмбақтар шешеміз. Шешуіндегі сөздерге дыбыстық талдау жасалады.

1. Тоқыған ауы – шыбынның жауы. (Өрмекші)

2.Гүлден-гүлге қонады,

Ақ, сары боп, бау-бақшаға сән береді. (Көбелек)

3.Сарғыш түсті, дөңгелек,

Ортасында дәні бар

Көрсең егер оны жеп

Балдай тәтті дәмі бар. (Өрік)

Амандасады, жаттығуларды бірлесе орындайды.

Қойылған сұрақтарға жауап береді.

Жұмбақтар шешеді. Шешуіндегі сөздерге дыбыстық талдау жасайды.

Қолдау

Ауызша мадақтау.

Сабақтың ортасы

(30 мин)

• Бүгін сабақта Ө ө әрпі және дыбысымен танысамыз.

• Ө қандай дыбыс?

Сабақтың күтілетін нәтижесімен таныстыру:

– Балалар, сендер бүгін сюжетті сурет бойынша әңгіме құрайсыңдар. Құраған әңгімелеріңнен сөйлемді, сөйлемнен жаңа үйретілетін дыбысы бар сөзді бөліп аласыңдар. Бөлініп алынған сөзге дыбыстық талдау жасайсыңдар. «Ө» дыбысының айтылу ерекшелігін білесіңдер. Оны дауысты, дауыссызға ажыратасыңдар.

«Ө ө» дыбысының таңбасы – оның әрпімен танысасыңдар.

«Ө ө» әрпін көркем жазып үйренесіңдер.

«Құпия зат» әдісі.

(Оқушыларға затты көрсетіңіз. Олардан оның не екенін жəне сабақпен қалай байланысқанын анықтауды сұраңыз.)

• Бұл заттардың бәрінде ортақ нәрсе – ою- өрнек. Және бұлардың бәрінде адамдаржасаған. Яғни, бұл – ӨНЕР.

1. Дыбыстық талдау дағдыларын дамыту жұмысы.Сурет бойынша әңгіме құрау.

2. Әңгімені сөйлемдерге талдау. Сөйлем санын анықтау.

3. Бір сөйлемді сөздерге талдау. Сөйлемдегі сөз санын анықтау.

4. Өтілетін жаңа дыбысы бар «өрнек» сөзіне дыбыстық талдау жасау.

5. Сөзді буынға бөліп, жаңа дыбыстың орнын анықтау.

6. «Ө» дыбысының айтылу ерекшелігімен таныстыру.

7. «Ө» дыбысының таңбасы – оның әрпімен таныстыру.

8. Жіптен «ө» әрпін жасау.

Жұптық жұмыс.

Ө.Тұрманжанов «Туған өлкем» өлеңін мәнерлеп оқыту.

Ө дыбысы кездесетін сөздерді табу.

Оқылым.

1. Оқулықтың 76-бетінде берілген сөздер мен мәтінді буындап, тұтастай оқу.

2. «Ө» дыбысының сөз алдында, ортасында келетін орнын өздіктерінен табуына мүмкіндік жасау.

3. Сөз мағынасымен жұмыс.

Сөздің соңына (өнер– өнерлі), сөз алдына (бөрік – көрік), сөз ортасына (өрнек – өрмек) тиісті дыбысты немесе буынды қосу арқылы оның мағынасы өзгеретінін түсінеді.

Ойын: «Допты ұтып ал»

Ө дыбысы кездесетін сөздер айту.

Топтық тапсырма:

Адасқан әріптер

реӨн -

неӨз –

некӨр-

кірбӨ –

Сергіту сәті.

«Төлдер» әні

Күтілетін нәтижені мұқият тыңдайды.

1. Оқушылар сюжетті сурет бойынша әңгіме құрайды: «Әсем қағазға өрнек салды. Өрнегі өте көркем болып шықты. Апасы оны мақтады».

2. Әңгімені сөйлемдерге талдайды: Құраған әңгімелерің неше сөйлемнен тұрады? (3).

3. Осы сөйлемдердің ішіндегі бір сөйлемді ( Әсем қағазға өрнек салды) сөздерге талдайды: Бұл сөйлемде 4 сөз бар.

4. Өтілетін жаңа дыбысы бар «өрнек» сөзіне дыбыстық талдау жасайды: алдымен «өр-нек» деп буынға бөледі.

5. «Өр-» бірінші буынын айтып, қай дыбыс созылып айтылып тұрғанын табады.

6. «Ө» дыбысының айтылу ерекшелігімен танысады.

7. Жіптен «ө» әрпінің сұлбасын жасайды.

1. Әр буындағы дыбыстарды тұтастырып, «бір дыбыс» сияқты қосып, яғни дауыссыздан дауыстыға қарай және дауыстымен үндестіріп оқиды.

2. Буындарды жеке тұтас сөздегі айтылуымен оқиды.

3. Әрбір дыбысты естіп, әріпті көріп, өздігінен саналы оқиды.

Сергіту сәті жасалады.

Қолдау

Қолдауды қажет ететін оқушыларға көмек беру.

Суреттер, оқулық Сызба

Жіп.

Оқулық

«Балапан» Тв «Төлдер» әні

Жазылым

1. Оқулықтағы «ө» әрпінің таңбалануына назар аудару.

2. «Ө» әрпін тақтаға жазып көрсету.

3. «Ө» әрпін ауада жазып көрсету.

4. Жазу дәптерімен жұмыс.

1. Оқушылар жазу дәптеріндегі тапсырмаларды орындайды: сызықтарды бастырып жазу арқылы

«ө» әрпінің бас және кіші әрпін жазады. Үлгі бойынша сөздер мен сөйлемдерді жазады.

2. Әр сабақ соңында өз іс-әрекетіне (каллиграфиялық талапқа сай дұрыс және сауатты жазу) кері байланыс жасап, өзін-өзі бағалауы үшін әр беттің соңында берілген дөңгелек- шартты белгілерді бояйды: «жасыл» түс – «Бәрекелді!», «көк» түс –

«Жарайсың!», «қызыл» түс –

«Ойлан!».

Оқушыларға әріпті жазуда қажет болған жағдайда көмек беру.

Қолдауды қажет ететін оқушыларға көмек беру.

Мақтау, қолдау

Әріптің баспа жазылу түрі

Жазу дәптері

Сабақтың соңы

(10 мин)

Бекіту және саралау

Топтық жұмыс. «Пазлдар»

(Ойын барысы: Әр топ «миқатырғыш пазлдар» алады. Мақсат – бөліктерді жылдам жинау. )

• -Бұларды бір сөзбен қалай атайды?

• -Төлдер туралы не білесіңдер?

Саралау тапсырмасымен жұмыс:

1. деңгей:

Дыбыс сызбасындағы жасырынған сөзді тап.

2-деңгей: «Ө» дыбысы сөздің қай жерінде келетінін анықта.

3-деңгей:

Төлдер сөзімен сөйлем құра.

Пазлдармен жұмыс жасап, суретті құрастырады.

1-деңгейдегі оқушылар дыбыс сызбасында жасырынған сөзді табады:

төл.

2. деңгейдегі оқушылар «ө» дыбысының сөздегі орнын (ортасында, алдында, соңында) анықтайды.

3. деңгейдегі оқушылар төлдер

сөзімен сөйлем құрайды.

«Сөз тану» тыңдау материалымен жұмыс Мақалмен жұмысты QR немесе үнтаспадан тыңдату.

Сабақты «Өнерлі бала сүйкімді» деген қорытынды пікірмен аяқтау.

1. Оқушылар мақалды тыңдайды.

2. Мақалдың мағынасын өз ойларымен түсіндіруге тырысады.

3. Адамға пайда әкелетін, қуаныш сыйлайтын өнермен шұғылдануға

талпынады.

Саралау тапсырмалары

Әліппе. Үнтаспа.

«Атамұра», 2020

Рефлексия. «Бағдаршам» әдісі».

• «Ө ө» дыбысын танимын, ажыратамын.

• «Ө ө» дыбысының сөз ішіндегі орнын анықтай аламын.

• «Ө ө» әрпін көркем жаза аламын.

• «Ө ө» әрпіне дыбыстық талдау жасай аламын.

Бағдаршам түстерін көтереді:

Қызыл – қиналамын.

Сары – орташа деңгейде білемін.

Жасыл – бәрі түсінікті.<