Мақсаты:Балаларды жылдың күз мезгілімен , табиғаттағы күзгі ерекшеліктермен таныстыру. Табиғаттың сұлулығын түсініп, табиғат аясындағы қарапайым мінез-құлық ережелерін сақтап,табиғатқа қамқор болуға тәрбиелеу.

Көрнекілігі: Күз мезгілінің суреттері.

Билингвалды компоненттер: Күз-осень, жапырақ-листья, жаңбыр-дождь,құстар-птицы.

Шаттық шеңбері:Біз балдырған тең басқан,

Дос құшағын кең ашқан.

Тілегіміз тыныштық,

Ашық болсын кең аспан.

Мықты болсын іргеміз,

Бәрімізде біргеміз!

Балалар орындарынан тұрып шаттық шеңберін қимыл- қозғалыс арқылы жасайды.

Тәрбиеші: -Балалар қазір жылдың қай мезгілі?

Балалар:- Күз мезгілі.

-Күздің неше айы бар?

-Күз мезгілінде үш ай бар. Олар қыркүйек, қазан,қараша.

Тәрбиеші: Жарайсыңдар балалар. ( Күз мезгілінің ерекшеліктері бейнеленген сурет бойынша балаларға сұрақтар қою)

-Балалар күзде жапырақтардың түсі қандай болады?

-Жапырақтар сарғаяды,гүлдер солады.

-Құстар қай жаққа ұшады?

-Құстар жылы жаққа ұшып кетеді.

Тәрбиеші:Күзде күн суытады, жаңбыр жауады, жапырақтар сарғаяды,құстар жылы жаққа ұшып кетеді.

Тәрбиеші: Ендеше көздеріңді жұмып тұрып, менің айтқанымды қайталаңдар.

Релаксация:

Кәне, кәне айтайық,

Әжеге барып қайтайық!

(Балалар көздерін жұмып тұрып тәрбиешінің айтқанын қайталайды)

Көздерін ашып қалғанда,әженің ауылына келіп қалады.

Алдарында әже, бау-бақша. Бау-бақшада әже тұрады.( Балалар таң қалады)

Сәлеметсізбе, әже! Біз балабақшадан келіп тұрмыз,жәй келгеніміз жоқ, арнайы сізге көмектесуге, сондай-ақ жемістер мен көкөністер туралы көп мағлұматтар алуға келдік.

Әже жеміс талдарымен таныстырып шығады. Жемістер , көкөністердің пайдасы туралы, олардан әртүрлі тағамдар дайындауға болатыны туралы түсінік беріп өтеді

-Мынау суреттегі қандай жеміс?( алма)

-Түсі, пішіні қандай?

-Мынау не?(алмұрт)

-Түсі пішіні қандай?

-Жемістер қайда өседі?

-Ағашта, бақта өседі.

-Ал мынау суретте қандай көкөністер?

-Ал мынау не?(сәбіз)

-Ал мынау не?(қырыққабат)

-Ал мынау не?(пияз)

-Көкөністер қайда өседі?

-Бақшада.

Тәрбиеші:Жарайсыңдар балалар.(Балалар жемістермен көкөністермен танысып,олардың пайдасы туралы көп түсінік алдық. Сондай-ақ олардың түсі,пішіні туралы үйрендік)

Дидактикалық ойын:, ,,Талда өсе ме, бақшада өсе ме?,,

Ойын шарты:Ағашта жемістер мен көкөністердің суреті араласа ілініп тұрады, ортаға бір бала шығып жемістердің арасынан көкөністерді тауып бөлек жерге жинауы тиіс.

Билингвалды компоненттер: Күз-осень, жапырақ-листья, жаңбыр-дождь,құстар-птицы.

Сергіту сәті: Ормандағы аюдың,

Құлпынайы көп екен.

Теріп-теріп алайық,

Қалтамызға салайық.

Қайтадан көздерін жұмып, сиқырлы сөзді айтады.

Релаксация:(Сиқырлы әуен ойналады)

Қане,кане айтайық,

Балабақшаға қайтайық.

(Балалар көздерін жұмып тұрып, сиқырлы сөзді қайталайды) Балалар әжелерімен қоштасып, топтарына қайта оралады.

Қорытынды:

-Балалар біз бүгін қонаққа қайда бардық?

-Әженің ауылына бардық.

-Әженің бақшасында қандай жемістермен таныстық?

-Алма, алмұрт.

-Жемістер қайда өседі?

-Ағашта,бақта.

-Ал көкөністер қайда өседі екен?

-Бақшада, жерде.

Жылулық шеңбері.

Қол ұстасып тұрайық,

Шеңберді біз құрайық.

Көріскенше күн жақсы,

Сау-саламат болайық.