Тақырыбы: Аялайық ананы

Сабақтың мақсаты: 1.Балалардың анаға деген құрметін, балалық сезімдерін сөз арқылы жеткізе білуді дамыту.

2. Сөйлеу мәдениетін қалыптастыру, шығармашылық қабілеттерін дамыту.

3. Ананы құрметтеуге, ана еңбегін қадірлеуге тәрбиелеу.

Ертеңгілік барысы

I. Ұйымдастыру кезеңі
1. Мұғалімнің алғы сөзі:

Ақ тілеулі, кең пейілді аналарымыз өмірдің бастауы, тіршіліктің сәні. Аналар біздің басты байлығымыз. Ана - адамзат мекен еткен жер шарының әр түкпірінде, әр үйде мейірім мен мерейдің, достық пен туыстықтың туын тіккен аяулы жан.
Бәйшешек соншалықты нәзіктігіне қарамастан қардың астынан бүршік жарады. Біздің асыл аналарымыз да соншалықты нәзіктілігіне қарамастан барлық қиындық атаулыға төзімді.
Адам ең алдымен ана алдында қарыздар. Ана қарызы алтынға бөлеуді, ақ орда салуды қаламайды. Ана баласының ер жетіп адал болуын қалайды. Анаға осыдан артық тарту таралғының керегі жоқ.

2 .« Жыл мезгілдері» Сұрақ - жауап (слайд 1)

3. Бейне ролик «Ана жүрегі» (слайд 2)

4. «Суреттер сөйлейді» сурет бойынша әңгіме (слайд 3)

5. «Аналарға арнау» тақпақтар айту

6. «Жалғасын тап» мақал – мәтелдер айту (слайд 4)

Ана ақылы ант, сөзі бал

Анасыз үй, көңілсіз күй

Ананың сүті бал,баланың тілі бал

Ақ жаулығы ананың – ақ көрпесі баланың

Ағайын - алтау, ана - біреу

Ана сүтін ақтамағанды, ешкім мақтамайды

7. Дидактикалық ойын «Гүл теру» Сұрақтарға жауап беру (слайд 5)

Аяулы жан?

Бағдаршамның көздері нешеу?

Бір аптада неше күн бар?

Дауысты дыбыс қандай түспен белгіленеді?

Еліміздің бас қаласы?

Еліміздің президенті?

Көктемгі жапырақтың түсі?

Үшбұрышта неше бұрыш бар?

Ана сөзінде неше буын бар?

Бала сөзінде неше буын бар ?

8. Шығармашылық жұмыс «Өнерлінің қолы алтын» Қағаздан гүл жасау (слайд 6)

9. Көрініс; Не тәтті?

Жиренше шешен жолда келе жатса алдынан екі бала кездеседі.

Жігіттер: Ассалаумалейкум, биаға!
Шешен: Уалейкумассалам! Жол болсын, жігіттер!
-Дүниеде не тәтті?— Бал

-Жұмсақта не жұмсақ

— Мамық?

— Осы сұрақтарынызға мен жауап берейін.
Шешен; Айта, ғой, балам.
2-жігіт: Тәттіде ананың сүті тәтті.
Жұмсақта ананың алақаны жұмсақ.
Шешен:Өзің бір болайын деп тұрған бала екенсің!
Жарайсың, балам.Мұратына жет, қатарыңның алды бол.

II. «Өнерлі бала сүйкімді» Балалардың өнерін тамашалау

Өмірге – ана бұлақ, ана - пана,
Өмірді өркендетер ана ғана
Өсірген талай шешен, талай көсем
Талай ер, талай ақын, талай дана
Ана! ол - біздің елге ардақты адам.

Ардақты анам, асылым
Теңдігіңді жырлаймын.
Жырымның ең асылын
Мерекеңе сыйлаймын.

Шуақты көктем келді гүлін алып
Көктемнің мерекесі бүгін анық.
Өмірдің көктемі де, гүлі - аналар,
Ана деп бас иеді күллі халық.
Біз ғана емес,
Қадыр тұтқан бабалар
Аналардан туған небір даналар
Ана деген тіршіліктің тірегі
Армысыздар қасиетті аналар!

Би «Көктем вальсі»

Ән «Сағындым әже»

Айтсаң болды тіл алам

Әйбат мамам, ақ мамам.
Сені көрсем қуанам,
Сен керексің қайда да

Жүре берсем қасыңда
Әйбат анам қуанам
Ботам деген дауысыңнан
Мен мәз болып оянам
Кір түсірмей жағама
Шашымды да тарайсың
Мектебіме барарда
Мейірлене қарайсың.

Тау қопарып, тасты үгіп
Тұрғыздың сен не қала
Саған қандай жақсылық
Жасай алам мен ана!

Мамам менің ақ мамам,
Балын маған сақтаған,
Әнін маған сақтаған
Бәрін маған сақтаған.
Мамам менің ақ мамам
Гүлді маған баптаған
Жырды маған жаттаған
Мен ұйықтамай жатпаған.

Ән «Ана» Шабетов Нұрғиса
Шалқып тасып әніміз
Жадырасын жанымыз
Ана сені құттықтап
Әндетеміз бәрім