Ашық сабақ "Астана- көрікті қала"

Сабақ жоспары: Қазақ тілі 4-сынып

Мерзімі:

Сабақтың тақырыбы: Астана - көрікті қала. 

Грамматика: Септік жалғау
Сабақтың мақсаты: 
Білімділік: оқушыларға Көкшетау қаласы жайында түсінік беру, мәтінмен жұмыс жасауға, сұрақ қоя білуге, жауап бере алуға үйрету.
Дамытушылық: оқушылардың ой – өрісін, сөздік қорын, шығармашылық, ізденімпаздық қабілеттерін дамыту. 
Тәрбиелік: өз елін, жерін сүйетін, өз елінің қалаларының өркендеуіне үлес қосатын азамат етіп тәрбиелеу. 
Сабақтың түрі: жаңа сабақ 
Сабақтың әдісі: түсіндіру, әңгімелесу, сұрақ-жауап, монолог.
Көрнекіліктер: суреттер, кітап. 
Сабақтың барысы: 
I. Ұйымдастыру кезеңі. 

Сәлемдесу. Гимн айту. Балалардың көңіл- күйлерін сұрау.

Міндеттері:

Сабақта жұмыс жүргізу үшін қалыпты сыртқы жағдайды қамтамасыз ету;

Оқушыларды қарым-қатынасқа психологиялық дайындау;

Оқушылардың сабаққа дайындығын тексеру;

Оқушылардың көңілін сабаққа аударуды ұйымдастыру.

II. Үй тапсырмасын тексеру: «Ақтау қаласы» мәтін әңгімелеу.
III. Жаңа сабақ
1. Сөздікпен жұмыс: 
а) берілген сөздердің оқылуымен, аудармасымен, қолданылу аясымен таныстыру 
ә) сөздерді хормен, жекелеп оқытып шығу 
б) сол сөздерді қатыстыра отырып, сөз тіркестерін, сөйлемдер құрату 
көру алаңы – смотровая площадка,

деп аталады – называется,

ішінде – в, внутри,

мейрамхана – ресторан,

нысан – объект.

2. Мәтінмен жұмыс: 
-оқушыларға мәтінді жекелеп, кезекпе-кезек оқытып шығу, 
-мәтінді аударту 

Астана 1998 жылдан «Астана» деп аталады. Астана есіл өзенінің бойында. Қаланың басты нысаны – «Бәйтерек». Оның биіктігі – 97 метр. Басында алтын шар бар. Ішінде сурет галереясы, аквариум және мейрамхана бар.

Мәтіннен зат есімдерді теріп жазу.

Сергіту сәті: «Көңілді күн»

Жұптық жұмыс. Диалогты оқыту:

-Астана қандай қала?

-Астана таза қала.

-Астанада қандай өзен бар?

- Астанада Есіл өзені бар.

-Астананың басты нысаны не?

Астананың басты нысаны – «Бәйтерек».

ІҮ.Сабақты бекіту: 
«Астана» сөзіне фонетикалық талдау жасау, «Астанаға бару» сөз тіркесін жіктеу, «Бәйтерек» сөзін септеу, тәуелдеу.

Ү.Қорытынды:

Астана қандай қала?

Астанада нелер бар?

Астана қаласы Қазақстанның қай жағында орналасқан?

Астананың басты нысаны не?

YІ. Үйге тапсырма: «Көкшетау қаласы» тақырыбында диалог құру.
YIІ. Бағалау: үй тапсырмасы бойынша және сабаққа белсенді қатысқаны бойынша. 
YIІI. Рефлексия. 

Сабағымыз аяқталды, сау болыңдар!