Білім беру саласы: «Таным»

Ұйымдастырылған оқу қызметі: Құрастыру.

Тақырыбы: «Автобус»

Мақсаты:

Білімділік: Балаларды көлік туралы және олардың түрлерімен таныстыра отырып, автобус туралы мағлұмат беру.

Дамытушылық: Үлгіге қарай отырып, автобустың бөлшектерін құрастыра білуге дағдыландыру.

Тәрбиелік: Бастаған ісін аяғына дейін жеткізуге тәрбиелеу.

Көрнекіліктері: Көліктердің суреті, желім, түрлі- түсті қағаз, видео бейне.

Әдіс-тәсілдер: Көрсету, түсіндіру, сұрақ-жауап,ойын, кіріктірілген.

-Балалар бүгін біз оқу қызметіне автобуспен барамыз.

Сәлеметсіңдерме балалар!

-Балалар, бүгін біз оқу орынымызға көлікпен барамыз.

Бип-бип..... Ал балалар тобымызға да келдік, барлығымыз орнымызға жайғасайық.

-Балалар, бүгін бізде ерекше күн. Қараңдаршы, бізге көп қонақтар, апайлар келіпті. Қане барлығымыз орнымыздан тұрып сәлемдесейік.

Сәлеметсіздерме! Здравствуйте! Good morning!

Шаттық шеңбері:

Үлкенге де сіз,

Кішіге де сіз.

Баршаңызды құрметтеп,

Бас иеміз біз.

-Жарайсыңдар, балалар қане орындарымызға жайғасайық.

-Балалар, қазір жылдың қай мезгілі?

-Қыс мезгілі.

-Қыс мезгілінде ауа-райы қандай болады?

-Күн суық болады, қар жауады.

-Жарайсыңдар балалар!

-Балалар бүгін біз тобымызға немен келдік?

-Автобуспен.

-Дұрыс айтасыңдар балалар!

-Балалар бүгінгі өтетін оқу қызметіміз құрастыру. Балалар қазір автобус құрастыратын боламыз.

-Балалар автобустың түрлері көп екен. Барлығымыз теледидарға мұқият назар аударайық. Автобустың түрлерімен таныс болайық.

-Балалар барлығымыз тақтаға назар аударайық. Қараңдаршы суреттен нені байқап тұрсыңдар?

-Көліктер.

-Балалар – көліктерді түрлеріне қарай нешеге бөлеміз?

-Үшке

Дұрыс, әуеде, суда, жерде жүретін болып үшке бөлінеді.

-Әуе көліктеріне қандай көліктер жатады? (ұшақ, зымыран т.б.)

-Ал су көліктеріне қандай көліктер жатады? (кеме, қайық)

-Ал жер көліктеріне қандай көліктер жатады? (жеңіл машина, автобус, жүк көлігі, пойыз т.с.с.)

Автобустың бөліктерімен таныстыру.

1. Қаңқасы

2. Есігі

3. Терезесі

4. Төрт дөңгелегі

Балалар бүгін сендерге түрлі ойындар алып келдім. Осы ойындарды топ-топқа бөлініп орындайтын боламыз. Ойындарды орындамас бұрын топтарға бөлініп алайық. Ол үшін мына қорапшадағы түрлі-түсті көліктерді алайық және сол көліктің түстеріне қарай өз орнымызға жайғасатын боламыз.

1. Автобусты фетрмен құрастыру.

2. Түрлі-түсті қағазбен жұмыс.

3. Автобусты дьениш блок арқылы орналастыру.

4. «Лего» ойыншығы арқылы автобус құрастыру.

Сергіту сәті:

Бала, бала, балақан,

Қане қайсы алақан?

Саусақтары әйбат,

Былай-былай ойнат.

Ойын:

«Өз орнын тап»

Мақсаты: Балаларға суреттің айырмашылығын таба білуге, өз орнына қоя білуге және өз ойын айта білуге үйрету. Ақыл-ойларын дамыту.

Қорытынды:

Балалар біз қандай көлік құрастырдық?

-Автобус.

Автобустың құрылысы қандай екен?

Қаңқасы-кузов

Есігі-двер

Терезесі-окна

Дөңгелегі-колесо

Жарайсыңдар балалар, сендер бүгінгі оқу қызметіне жақсы қатыстыңдар, сол үшін мен сендерге мынандай бағалай күлкілерін сыйға беремін .Ол жай сыйлық емес артында ата-аналарыңмен бірге жаттап алатын автобус өлеңі бар. Рақмет сендерге. Барлығымыз келген қонақтармен қоштасайық.

-Сау болыңыздар!

Күтілетін нәтиже:

Біледі: көлік түрлерін ажыратады;

Түсінеді: жұмысты ұқыпты, реттілікпен жасауды, автобустың басқа көліктерден айырмашылығын;

Қолданады: түрлі-түсті қағазды пайдалана отырып, бөлшектерді жапсырып құрастыруды..