Ашық сабақ "Бағдаршам" тақырыбында

Сабақ жоспары: Қазақ тілі 4-сынып

Мерзімі:

Сабақтың тақырыбы: «Бағдаршам».

Грамматика: Септік жалғау
Сабақтың мақсаты: 
Білімділік: оқушыларға бағдаршам, көше ережелері жайында түсінік беру, мәтінмен жұмыс жасауға, сұрақ қоя білуге, жауап бере алуға, септік жалғауларын дұрыс жалғай алуға үйрету.
Дамытушылық: оқушылардың ой – өрісін, сөздік қорын, шығармашылық, ізденімпаздық қабілеттерін дамыту. 
Тәрбиелік: жол жүру ережелерімен таныстыра отырып, балалардың өз қауіпсіздіктеріне мән берулеріне тәрбиелеу. 
Сабақтың түрі: жаңа сабақ. 
Сабақтың әдісі: түсіндіру, әңгімелесу, сұрақ-жауап, диалог, монолог.
Көрнекіліктер: суреттер, оқулық, тірек сызба.
Сабақтың барысы: 
I. Ұйымдастыру кезеңі. 

Сәлемдесу. Гимн айту. Балалардың көңіл- күйлерін сұрау.

Міндеттері:

Сабақта жұмыс жүргізу үшін қалыпты сыртқы жағдайды қамтамасыз ету;

Оқушыларды қарым-қатынасқа психологиялық дайындау;

Оқушылардың сабаққа дайындығын тексеру;

Оқушылардың көңілін сабаққа аударуды ұйымдастыру.

II. Үй тапсырмасын тексеру: Өткен тақырыптарды қайталау.

III. Жаңа сабақ
1. Сөздікпен жұмыс: 
а) берілген сөздердің оқылуымен, аудармасымен, қолданылу аясымен таныстыру 
ә) сөздерді хормен, жекелеп оқытып шығу 
б) сол сөздерді қатыстыра отырып, сөз тіркестерін, сөйлемдер құрату 
бағдаршам – светофор,

көше – улица,

2. Мәтінмен жұмыс: 
-оқушыларға мәтінді жекелеп, кезекпе-кезек оқытып шығу, 
-мәтінді аударту 

-мәтін бойынша сұрақ-жауап ұйымдастыру.

Бағдаршамда үш түс бар. Олар: қызыл, сары және жасыл түстер. Бағдаршамның қызыл түсі жанғанда – жолдан өтуге болмайды дегенді білдіреді. Сары түсі жанғанда - жолдан өтуге дайындаламыз. Ал бағдаршамның жасыл түсі жанғанда – жолдан өтуге болады дегенді білдіреді. Жолдан өтер кезде, өте мұқият болу керек.

Жазылым әрекеті: Мәтіннен зат есімдерді теріп жазу.

Сергіту сәті: «Көңілді күн»

- Сәлеметсің бе, Гүлжан!

- Сәлеметсің бе, Жандос!

- Бағдаршамда неше түс бар?

- Бағдаршамда үш түс бар.

- Олар қандай түстер?

- Олар: қызыл, сары және жасыл түстер.

- Қызыл түс нені білдіреді?

- Қызыл түс жолдан өтуге болмайды дегенді білдіреді.

-Сары түс нені білдіреді?

- Сары түс жанғанда - жолдан өтуге дайындаламыз.

- Жасыл түс нені білдіреді?

- Жасыл түс - жолдан өтуге болады дегенді білдіреді.

- Жарайды, жолың болсын!

- Рақмет, сау бол!

ІҮ.Сабақты бекіту: 
«Бағдаршам» сөзін септеу, «Бағдаршам» сөзіне фонетикалық талдау жасау.

Ү.Қорытынды:

Сұрақ – жауап:

Бағдаршам не үшін қажет?

Бағдаршамның түстері нені білдіреді?

YІ. Үйге тапсырма: деңгейлік тапсырмалар:

«Бағдаршам» тақырыбында диалог құрау немесе әңгімелеу.

YIІ. Бағалау: үй тапсырмасы бойынша және сабаққа белсенді қатысқаны бойынша. 
YIІI. Рефлексия. 

Сабағымыз аяқталды, сау болыңдар!