Ашық сабақ "Бейбіт Оралұлы және оның шығармалары"

С/тақырыбы: Бейбіт Оралұлы және оның шығармалары

С/мақсаты: Жерлес композитордың өмірі мен шығармашылығымен таныстыру,

оқушыларға белгілі композитор туралы мәлімет беру,

әндерін орындау арқылы оқушы бойына патриоттық сезім ұялату.

Музыкаға деген қызығушылықтарын арттыру, ізденімпаздыққа баулу.

С/түрі: ашық

С/көрнекілігі: үнтаспа,видеролик,плакаттар,суреттер,шарлар,т.б.

С/барысы:

Балалар,музыкада неше нота бар? (7) Ендеше бүгінгі сабағымыз 7 бөлімнен тұрады.

До нотасында Ұйымдастыру бөлімі (көңіл-күй анықтау)

Ре нотасында Топқа бөлу (тәтті арқылы бөлу)

Ми нотасында Миға шабуыл (сұрақтар)

1. Музыка дегеніміз не?

2. Туған жер,туған өлке дегенді қалай түсінеміз?

Ән: "Жем бойында"

Балалар, бұл "Жем бойында" деген ән.Бұл әнді неге тыңдадық? Бүгінгі сабағымыздың тақырыбына арқау боп отырған осы керемет ән, өзіміздің туған өлкеміз туралы әннің авторы яғни композиторы Бірімғазы Бейбіт Оралұлы.

Фа нотасында Жаңа сабақ.

Бірімғазы Бейбіт Оралұлы - сазгер, 1955 жылы маусымның 2жұлдызында,  Ақтөбе облысы, Мұғалжар ауданы, Ембіқаласында дүниеге келген.Ленинградтағы мәдениет институтын бітірген (1987). Алматы қаласында "Жас дәурен" өнерпаздар тобын ұйымдастырды.Сазгерлікпен шығармашылық жолын бастап, 200-ден астам ән жазды. "Нұр бейнең", "Ауылға", "Түркістан", "Боз жорға", "Аяулым", "Алғашқы көктем", "Сол бір кездер", "Сүйеді екем" т.б. әндері кеңінен тараған.

Қазақстан Композиторлар одағының мүшесі.1997 ж. ҚР Президенті сыйлығына ие болды. 1999 жылы Халықаралық "Азия дауысы" конкурсында ең үздік композиторы атағына ие болды. Халықаралық "Азия дауысы"-Қазақстан әндері фестивалінің 7 дүркін жеңімпазы. 2004, 2005, 2006,2 011-2014 жылдары "Елім менің", "Тәуелсіздік толғауы" конкурстарының жеңімпазы. әндерін, инсрументальды шығармаларын Р.Рымбаева, Н. Есқалиева, М. Жүнісова, М.Мұхаметқызы, Б. Тайлақбаев, Ж. Дұғалова, А Жорабаева, Г.Қаспақова, М.Арынбаев, Ж. Орынбасарова, Г.Оразымбетова, Ж.Жексенұлы, т.б.әншілер орындайды. Жұртшылық әншілік өнерін кеңінен таниды. 1999 ж. бір әнін Египетке алып барды.

"Боз жорға" (1999 ж), "Сол бір кездер", "Мен сені баладым", "Жан анашым" жинақтары баспадан шығарылған.

2015 жылдың Ақпан айында Ақтөбе қаласында кастинг жасап өз продюсерлік орталығына талантты 15 жас өнерпаздарды таңдаудан өткізді. 2015 жылдың мамыр айынаң бастап Тамсан тобының және де Арман Берікұлының, Ернар Алтын мен Акімжан Шәкіровтың продюсері.Халықаралық конкурстардың лауреаты, Қазақстан Композиторлар одағының мүшесі.Құрмет орденінің иегері, Мұғалжар ауданы, Ақтөбе облысының құрметті азаматы.

Видеролик

Ресейлік "На-на" тобының орындауымен кеңінен таралған "Боз жорға" әні бар.

Ән: "Боз жорға" Сражадинов Ж.

Соль нотасында Ойын "Шатасқан әндер" әндерді теріс оқу

1. Ұрпақ,бойтұмары,Астана,қазағымның,иман жиған,Жүрегіне,күні-түн,

Жұпар ,гүлдене,аңқыған,шалқыған, бер,шаттық . (Т.Төреғали Астана)

2. Ойнап жүр-ау,өзгелермен,ойлап жүр-ау,сенімен де, (Қ.Нұртас Байқа)

3. Ұялып жүрсің,соншама кімсің,Мен көрмедім,тербелмедің,сендей сұлу (Н.Абдуллин Сен қорқақсың)

4. Қонғанда сәл бақ басыма,менің мақталғанда атым,таңдарда ақ арайланған (Т.Төреғали Бол жанымда)

5. мен,тек,бір сөйлеп еркекпін,туатын ғасырда мен туатын еркекпін. (Ғ.Шекербеков Еркекпін мен)

Балалар,көп рахмет,бір сергіп қалған сияқтымыз.

Ля нотасында Хор: "Ауылға" Б.Оралұлы

Си нотасында Қорыту. Хронологиялық кесте

Көңіл-күй стратегиясы.

С/бекіту. Жерлес композитор Бейбіт Оралұлы туралы мәліметтер мен оның әндерін үнемі есімізде сақтап жүрейік.