Ашық сабақ "Біз -тәуелсіз елдің ұланымыз"

Шымкент қаласы, №85 Х. Әлімжан атындағы

жалпы орта мектебінің қазақ тілі пәні мұғалімі

Бекжанова Мадина Асиловна

Сабақтың тақырыбы: Біз -тәуелсіз елдің ұланымыз

Сабақтың мақсаты : Оқушылардың бойында ұлттық рухты ,патриоттық сезімдерді ұялату, еліміздің тәуелсіздік алғалы 25 жыл ішіндегі жеткен жетістіктерімізбен таныстыру, бүгінгі тәуелсіздікке қалай қол жеткенін зерделеу, оларды Отаны үшін отқа түсетін ел жанды, ел Азаматы етіп тәрбиелеу,мәнерлеп оқу дағдыларын қалыптастыру , білімдерін кеңейту

Көрнекілігі: Сыныпты тақырыпқа лайық безендіру, нақыл сөздер, АКТ,ноутбук,слайд

Әдісі: Мәнерлеп оқу

Мұғалім: Кіріспе сөз

- Құрметті ұстаздар мен оқушылар! Сіздерді келе жатқан Тәуелсіздігіміздің 25 жылдық мерейтойы мерекесімен құттықтаймыз!Осы жылдар ішінде егемен еліміз біршама жетістіктерге жетіп өзге мемлекеттермен тереземіз теңелді. Сіздерге зор денсаулық, мол бақыт, еңбекте жеміс, оқуда озат болуларыңызға тілектеспіз

Жүргізуші-Қазақстан Республикасы 1991жылы 16 желтоқсанда өз тәуелсіздігін алып,дербес мемлекет болды.Біз еліміздің рәміздерімізбен мақтанамыз .Қазақстан Туымен тұғырлы,Елтаңбасымен еңселі,Әнұранымен айбатты.

жүргізуші: Әнұраным – жан ұраным

Айтар әнім – сөйлер сөзім

Туған жерім – сағынарым

Мәңгі-бақи шырқалады.

Республикам әнұраным. Хор:Әнұран орындалады

1-оқушы –Сайдмурат 5-Б . Негізгі бөлім. Сахнаға Қаз дауысты Қазыбек би шығып сөйлейді. –

Біз Қазақ мал баққан елміз,

Ешкімге соқтықпай жай жатқан елміз.

Басымыздан құт-береке қашпасын деп,

жеріміздің шетін жау баспасын деп,

найзаға үкі таққан елміз.

Ешбір дұшпан басынбаған елміз,

басымыздан сөз асырмаған елміз.

Достықты сақтай білген елміз,

дәм-тұзды ақтай білген елміз. .........

жүргізуші: Мен өз ұлтымның осындай бай,байтақ өлкеде өмір сүріп жатқанына қуаныштымын .Өйткені ,мен бүгін тәуелсіз ,еркін елдің ұланымын!

Жүргізуші- Арамандарды жақындатып тым алыс,

Біздің жаққа жеткен екен жылы ағыс.

Егемендік-ел бақыты ,ертеңі,

О,халайық ,құтты болсын қуаныш!!

«Еліміздің еркіндігі – тәуелсіздік» тақырыбына оқушыларымыз өздері ізденіп,жаттап келген жыр,шумақтарын мәнерлеп айтады.

2-оқушы: Сүндет

Мен- қазақпын ,мың өліп,мың тірілген

Жөргегімде таныстым мұң тілімен

Жылағанда жүрегім күн тұтылып

Қуанғанда күлкімнен түн түрілген

Мен –қазақпын,бір биік белеспін мен

Еуропа да,Азия да емеспін мен.......

Жүргізуші: Қазақ дейтін менің бар елім,

Жатыр алып жарты дүние әлемін,

Бұл даланы анам жаспен суарған,

Бұл далаға жылап келіп қуанғам,-

,деп Қасым Қайсенов атамыз жырлағандай,кең байтақ жерімізде қазақ халқының басынан не өтпеді десеңші ,талай қиындықты бастан кешірсе де мойымай күресе білді.Азаттық таңы туатынына кәміл сеніп,үміттерін үзбейді.

Жүргізуші:Халқымыздың қасіреті мен ар намысына сонымен бірге мақтанышына айналған оқиға—1986жылғы Желтоқсан оқиғасы.Қазақ халқын дүние жүзіне танытқан бұл оқиғаның алғашқы құрбандары Қайрат Рысқұлбеков,Ляззат Асанова,Жансая Сәбитова,Ербол Спатаевтарды еске алып, олардың рухына тағзым ету парызымыз!

3-оқушы Қанды қырғын-қалған іс ,

Бейне теңіз сел соққан.

Жарқылдайды ар намыс

Алматы.Аяз.Желтоқсан.

Дүрсілдейді жүректер

Сесі күшті қарудың,

Жүзіне мұң түнетті

Үлбіреген арудың.

Арманы алда, сенім көп,

Орманды отқа үміттер.

Мұрты жаңа тебіндеп,

Келе жатты жігіттер.

Жүрегінен қан жылап,

Улады дерт ұлыңды

Ақ махаббат сан құлап,

Қырқылды ерте бұрымы.

4-оқушы Хуршида

Желтоқсанның мұзға жанған алауы,

Қайсар рухты ұл-қыздардың қалауы,

Сағым болып ерліктерге шақырды

Көз ұшында тәуелсіз ел жалауы.

Күн шыққанда түнерген бұлт астынан,

Қанат қақты қиялға жас қыран

Шықты алаңға ,бейбіт шеру жасауға

«Туған жерім ,Қазақстан!» боп ұран.

Мұз жастанып ,ұрды соқты,сабады,

Ұлтшылдар деп түрмелерге жабылды.

Ерліктерін ,батырлардың Қайраттар,

Ербол,Ляззат,Сәбиралар жалғады

Жүргізуші

Қадірлі көрермендер, ата-бабамыздың шұғылалы арманы, сарғайып күткен сағынышы, елдігіміздің белгісі Тәуелсіздік күнінің қарсаңында Қазақстаным, Тәуелсіздігім, Азаттығым деп жырлаған қаламгерлеріміздің бір топ өлеңдерін ұсынғалы отырмыз. Келесі кезекті жырларға береміз

5-оқушы Салиха

Тәуелсіздік

Еркіндігім. Қасиеттім. Қастерлім.

Өзің барда өзегімде жоқ шер мұң!

Кеше сенің келбетіңді арман ғып,

Боданына бұғауландық басқа елдің.

Бабалардың басын тігіп бәйгеге,

Аналардың жанарына жас бердің!

Уа, Еркіндік,

қош келдің!Өзегімді өртке ораған қоғамда,

Өз үйіме өзім өгей болам ба?!

Алшаң басып жүре алмаса алты алаш

Азаттығым! Қадірің де жоқ онда!

...Саған жету қиын болса қаншалық,

Сақтап тұру қиынырақ одан да!

Алла берген азаттықтың әр сәті-

Аманат қой Маған, Саған

Оған да!

6-Одина

Саясатқа сермей алмай семсерді,

Езгі күнге тері қылдым еңсемді!

Желтоқсанда жалын атып жастығым,

Құрсау болған темір қоғам теңселді!

Есте даңқы қыршындардың қалды ма,

Сексен алты ерлігім бе-ей, ең соңғы!?

Уа, еркіндік,

Құның немен өлшеңді!?

Уа, еркіндік!

Құның немен өлшенді?!

Сені көксеп

Боздақтарым өлсе өлді!

Сенсің менің ең ғажайып өлеңім,

Ең шуақты,Ең шырайлы,Ең шерлі!

Әр таңыңды сүйіншілеп тұрайын-

Құдай берген ғұмырымда өлшеулі!

7-оқушы Мақинур- Тәуелсіздік, тәтті үмітім едің сен...

Бостандығым! Тосқан күнім азалдан,

Жиырма жыл – аспан кірсіз, ажарлы ән.

Сен келгенде серпілгенмін қайғыдан,

Сен келгенде сары мұңнан тазарғам.

Ессіздерде есем кетті қаншама,

Кездерде өтті шындық іздеп шаршаған.

Тәуелсіздік тәтті үмітім едің ғой,

Талай таңдар таңдайымда тамсаған.

Беу, Азаттық! Болсаң бізге баянды,

Аранына кетпей тұрып аярдың.

Бодан болып көз ілгенмін кеше мен,

Бүгін таңда бостан болып ояндым.

Базарында мұң мен шаттық бір жүрген,

Гулмира-

Дүрмек күннің алдамшысын кім білген?..

Желтоқсанда мұз шайнаған көкемнен,

Тамған қанға өсіп шыққан гүлмін мен.

Жебесімін көбе бұзар түркінің,

Егесімін күллі түркі жұртының.

Назарына түспесе де дұшпанның,

Жанарыма тұнған шықты іркідім.

Буырқанса, күнді тұтып, ай жапқан,

Намысының найзағайын ойнатқан.

Ұлы көштің үзілмеген арқауы,

Қарға бойлы Қазтуғаннан – Қайратқа.

Дастаным бар балбал тасқа қашаған,

Аспаным бар ала бұлттан босаған.

Асылына ие болған Алаштың,

Айналайын менің алтын босағам.

8-оқушы

Тәуелсіздік – тірегім

Көзіме бүгін жас келіп тұр, халайық,

Әрбір істі зердеге алып қарайық.

Тәуелсіздік жолына жан пида еткен,

Ерлерімізді есімізге алайы

Жүрмейікші жүнжіп босқа түнеріп,

Еске алайық, есімдерін білелік.

Тәуелсіздік бізге оңай келген жоқ,

Алмайықшы екі қолдан жіберіп.

Жиырмадағы жалындаған жасында,

Қаншама жас азап шекті расында.

Желтоқсанның ызғары өтіп кеудеден,

Қарсы тұрды Колбин қосқан қосынға.

9-оқушы Хамит

Тәуелсіздік аларда

Кие бітген хан болсам тақта маған,

Бара-бара жан қалмас жақтамаған

Күнәм қалса тарыхты кері аударып,

Салт бойынша өзімді ақтап алам…

10-оқушы Муслима Диалог

– Көңіл пердесін аштым ба түріп,

Көкжиек көрінді нұрлы?..

– Көгілдір аспанның астында тұрып,

Көтердім көгілдір Туды!

– Кезген бір тылсым Даланы мәңгі,

Кие боп кеудеме енді ме?

– Көгілдір туға оранып алды,

Күн күліп сәулеленді де!

– Керуен жолдан мың адасыпты,

Көнерген жылдар аңсар боп...

– Көзұшындағы Қыран да асықты,

Көгілдір туға қонсам деп!

Көңіл пердесін аштым ба түріп,

Көкжиек көрінді нұрлы?..

– Көгілдір аспанның астында тұрып,

Көтердім көгілдір Туды!

(Көркем бір бейне кетер деп үнсіз,

Көкіректе әуен үздікті...)

– Көгілдір туды көтерген... кімсіз?

– ТӘУЕЛСІЗДІКПІН!!!

Қалмаханбет Мұқаметқали

11-оқушы Нигора-

Қазақстаным!

Бір Алла атты теңдессіз ғажап Ұстаның,

Бойына жиған имани тазалық нәрін.

Төріңе қанша төнсе де қара дұшпаның,

Болашағы үшін бастарын бәйгеге тігіп,

Қорғады сені серт беріп сан Арыстарым –

Қазақстаным!

Төндіріп тағы басыңа қара бұлттарын,

Тарихтан білем ұлтымның жан ауыртқанын.

Ұрпақтарыңның былғаған балалық шағын,

Қариялардың ұрлаған даналық шамын,

Замандар да өтті-ау, жататын тоналып бағың –

Қазақстаным!

Рухшана -Өмір-өзеннің бұлқынған долы ағыстарын,

Елең де қылмай, еңкеймей, алабұртпадың.

Қап-қара жерге қып-қызыл көп ағып қаның,

Ақырып теңдік сұрап ең, Алашыңды айтып,

Ақыры келіп қолыңа жалау ұстадың – Қазақстаным!

Босатып тордан, зарыққан дала құстарын,

Алдыңнан атты нұр шашып, ағарып таңың.

Соның үшін де қолыма қалам ұстадым...

Жүрегімменен жүремін үнемі сезіп,

Бойыңда сенің асқақ рух, дара күш барын –

Қазақстаным!

12- оқушы Гулназа

Солмайтын гүл, бұл алаңға қойған гүл,

Солмайтын гүл ойсыздарды ойландыр.

Орысшалап қала қызы қарқылдап ,

Бір-біріне қар лақтырып ойнап жүр....

Кім бар енді тағдырына үңілер,

Босамаған болат жүрек, сірі қол.....

Мадина

Тәуелсіздік

Тәуелсіздік Тәуелсіздік жыр әнім

Ел іргесі берік болсын ұраным

Тәуілсіздік өзіңді еркін сезінуің

Салт-дәстүрім қолдан түспес құралғым

Тәуелсіздік!

Не деп оны түсіндік

Тәуелсіздік ар ожданың кісілік

Адамға адам жолдас бауыр туыс қой

Ел жұртымның алма құнын түсіріп

Тәуелсіздік менің байтақ отаным

Бір өзіңсің Мұхтар,Абай , Шоқаным

Тәуелсіздік сәбилердің шаттығы….

Қорытынды сөз-жүргізуші Қазақстан тәуелсіз ел, қанатын жайған әлемге,

770 ₸ - Сатып алу

Материал ұнаса әріптестеріңізбен бөлісіңіз

Ватсапта бөлісу Телеграммда бөлісу Фейсбукта бөлісу Сілтемені көшіру

Ресми байқаулар тізімі

Республикалық байқауларға қатысып жарамды дипломдар алып санатыңызды көтеріңіз!

Тізімді көру