Ашық сабақ: Буын .

Сыныбы: МАД 2

Мұғалімі: Мұқанбетқазина Алтынгүл

Ұ.О.Қ: «Сауат ашу»

Сала: 4 К-коммуникативтілік

Бөлім: Тыңдалым және айтылым

Бөлімше:Сөздердің дыбыстау формаларын ажырату.

Тақырыбы: Буын

Оқу мақсаттары:

Сөзді буынға бөлу, сөздегі буын санын және орналасу ретін анықтау.

Ұ.О.Қ мақсаты:

Дауысты, дауыссыз дыбыстарды ажыратады, дыбыстық талдау жасайды. Сөздерді буынға бөледі.

Қолданылатын әдіс-тәсілдер:

«Сәулетші», «Пантомимо» әдістері.

«Мені түсін», «Күннің көзін ашайық». «Әріптерді тап» «Кім жылдам» тапсырмалары.

Ресурстар, дамытушы орта:

Бағдарлама, Жануарлар мен құстардың суреттері, макеттер, боямақтар.

Жоспарлау

Ұ.О.Қ кезеңдері

Мұғалімнің іс-әрекеті

Баланың әрекеті

Ұ.О.Қ басталуы

Оқу қызметіне балалардың назарын тарту

Жақсылықтан үйреніп

Боламыз біз жақсы адам

Жамандықтан жиреніп

Үлгі аламыз жақсыдан

Сергіту сәтін орындайды.

Ұ.О.Қ негізгі бөлігі

ҰОҚ «сәулетші» әдісі арқылы өтеді. Бұл әдісте әр тапсырманы орындаған сәтте бір ғимарат салынады. Нұр-Сұлтан қаласындағы ғимараттар макеттерін өз қолдарымен қойып отырады. Ғимарат пішіні мен аты айтылып отырады.

1-тапсырма. «Күннің көзін ашайық» ойны арқылы сабаққа назарын аударамын.

Балалар өздері білетін Отан жайлы тақпақтарын еске түсіріп айтады.

2-тапсырма. Әріптерді тап әдісі. Түрлі әріптер жасырынған табиғаттын суреті бейнеленген боямақ береміз. Балалар топпен бояйды және әріптерді табады, талдайды.(Дауысты, дауыссыз, өкпеден шыққан ауаның кедергіге ұшырап, ұшырамауы,сөздің басында, ортасында, аяғында келуі) Дауысты дауыссыз дыбысты айтқанда ауыз қуысының озгеруін көрсетіп дыбыстарды хормен айтып көреді. Буын құрайтын дыбыстарды атап өтеді.

3-тапсырма. Мені түсін ойыны. Жұптық жұмыс:

Жіберілген дыбыстардың біреуі таңдатып, сол дыбысты аяқ,қол, дене мүшесі дыбыс көрсетеді. Балалар қандай дыбыс екенін тапса, тапсырма дұрыс орындалған болып есептеледі. Қалған балалар бұл дыбыстарды неге ұқсайтынын айтады. Бұл дыбысты буын құрайтын немесе құрамайтынын айтады.

Сергіту сәтін орындайды

4-тапсырма. Кім жылдам. Түрлі заттар бейнеленген суреттерді әр топқа береміз.

І топ. Бір буынды сөздерді

ІІ топ. Екі буынды дыбысты сөздерді

ІІІ топ.Үш буынды дыбысты сөздерді жинайды.

5-тапсырма. «Понтамимо» ойыны

түрлі жануарлар мен құстар суреттері тұрады. Бір оқушы қимыл қозғалыс арқылы жануарларды көрсетеді. Қай топ тапса сол топ , жануардың атын айтып буынға бөледі. Буын санын анықтайды.

Отан жайлы тақпақтар айтады

Боямақ бояйды, қандай әріптердің жасырынғанын тауып, оларды талдайды.

Дене мүшелері; қол, аяқ, бастың көмегімен әріптерді көрсетеді

Сергіту сәтін орындайды

Суреттегі заттарды буын санына қарай топтайды.

Табылған жануарлардың атын буынға бөледі

Ұ.О.Қ

қорытынды бөлімі

Белсене қатысқан балаларды смайликтермен бағалап отырамын.

Қай топтың қаласы толық бітсе сол топ марапатталады Басқа топтың белсенділігі үшін алғыс айтылады.

Сәулетші әдісінде әр тапсырмадан өткен топ ғимарат макетімен бағаланып отырады.

Бұл әдісте балалардың білімнің маңыздылығы түсіндіріледі. Өз білімінің арқасында үлкен бір қаланы салып бітіргені айтылады.