Ашық сабақ "Дара және күрделі етістік" Қазақ тілі 2 сынып

Пәні: Қазақ тілі

Мектеп: №188 мектеп-гимназия

Сынып: 2

Мұғалімнің аты-жөні: Адилбекова Шырай Тастемировна

Қатысқан оқушылар саны:

Қатыспаған оқушылар саны:

Сабақтың тақырыбы:

Дара және күрделі етістік. Нұсқаулық жазамын

Осы сабақта қол жеткізетін оқу мақсаты:

2.4.2.5 дара және күрделі (зат есім, сын есім, сан есім) етістікті анықтау

Бөлім

4. Тілдік нормалардың қолданысы

Бөлімше

4.2 Грамматикалық нормаларды сақтау

Ортақ тақырып

Қоршаған орта

Сабақ мақсаты:

SMART

Етістіктің дара және күрделі түрін түсінеді, айтады, дәлелдейді, жазған сөйлемдерін қоршаған ортамен байланыстырып, мәтін құрастыра алады.

Бағалау критерийлері

Барлық оқушылар:

• Етістіктің ережесін айтады және мысалдар ұсынады.

• Қоршаған ортада етістікке қатысты тірек сөздерді пайдаланып әңгіме құрастырады,сұрақтар арқылы етістікті анықтайды.

• Дара және күрделі етістіктерді бөліп көрсетеді.

Көптеген оқушылар:

• Қоршаған ортада «Бағбанның іс-әрекеті» тақырыбына нұсқау хат жазады.

• Мәтінді оқиды, қорытынды жасайды және мәтінді аяқтап,мәтінге, өлеңге ат қояды.

Кейбір оқушылар:

• Мәтінді оқу арқылы мәтін түрлерін ажыратады.

• Дара етістікті күрделі етістікке түрлендіреді.

-Мәтінге қатысты дәлелді пікір айтады, мәтіннің мазмұнын болжайды.

Сөздік қор

Дәрумендер, көзі шалып қалды, сотқар мысық, қан саулады, тақады

Құндылықтарды дарыту

Елбасының «Болашаққа бағдар: Рухани жаңғыру» жолдауы бойынша қоршаған ортаны танып, біліп, табиғатты аялай білуді түсінеді.

Пәнаралық байланыс

Дүниетану, көркем еңбек, өзін-өзі тану, АКТ

Бастапқы білім

Қоршаған ортаны қорғау керектігін түсінеді. Етістіктің дара және күрделі түрінің ара-жігін ажыратады.

Сабақтың жоспары

Жоспарланғануақыт кезеңі

Сабақта қолданылатын іс-әрекет

Ресурстар

Басталуы

5 минут

Сабақтың ортасы

30 минут

Психологиялық ахуал қалыптастыру:

«Күн! Тас! Қоршау!» ойыны.

Ойынның мақсаты: Оқушылардың зейіні мен қозғалыс жылдамдығын дамытуға бағытталған.

Ойынның шарты: себеттегі «Күн, тас, қоршау» сөздерін алу арқылы балалар 3 топқа бөлініп отырады.

Кезек-кезек балаларға «Күн!», «Тас!», «Қоршау!» атты бұйрықтар беріледі. Сөздердің айтылу ретін үнемі өзгерту қажет. Оқушылар әрбір сөзге қимылмен жауап берулері шарт. Егер «Күн!» деген сөз айтылса, олар алақандарын ашып, саусақтарын тарбитып, қолдарын жоғары көтереді. «Тас!» сөзінде қолдарын түюлі жұдырықтарымен көтереді. «Қоршау!» сөзінде алақандарын ашып, қолдарын көтереді, бірақ саусақтары бір-біріне тығыз жанасып тұруы керек.

Бастапқы білім

«Ой қозғау» әдісі.

Ертеде аспанды қою бұлт торлап алыпты. Ол күннің көзін көрсетпей, тығып тастайды. Барлық әлемдегі тіршілік иелеріне қиын жағдай туыпты. Кенеттен самал жел есіп, бұлттарды ыдыратпақшы болыпты. Сонда қою бұлт көкейіміздегі бір-бір сұраққа жауап берсең, күнді босатамыз депті.

Балалар, біз самал желге бірігіп көмек берейік. Ол қандай сұрақ екенін шешімін тауып көрейік. «Шапалақ» әдісі бойынша ертегіден дара және күрделі етістіктерді тауып, егер ол дара етістік болса, бір рет, күрделі етістік болса екі рет шапалақ ұрамыз.

«Сұрақтар себеті» әдісі.

1-топ «Күн» тобы

Сөз таптарын атаңдар. Етістік дегеніміз не?

2-топ. «Тас» тобы

Етістіктің түрлерін және сұрақтарын білесің бе?

3-топ. «Қоршау» тобы

Дара және күрделі етістікті қатыстырып сөйлем құраңдар.

Критерийлер

• Мәтінді оқиды, қорытынды жасайды және мәтінді аяқтап, ат қояды.

• Мәтінді оқу арқылы мәтін түрлерін ажыратады.

1-тапсырма

Оқулықпен жұмыс. «Постер» әдісі

Дескриптор.

• Мәтінді тізбектеп оқиды, түсіндіреді.

• Мәтіннің түрін анықтайды, дәлелдейді.

• «Жемістерді қалай пайдалану қажет?» тақырыбына нұсқаулық құрастырады.

• Нұсқаулықты қоршаған ортамен байланыстырып, дәлелдейді

• Қ.Б. «Бас бармақ»

Критерийлер

• Өлеңді оқиды, қорытынды жасайды, мазмұнын талдап тақырыбын анықтайды.

2- тапсырма

«Ойлан, тап!» әдісі. Өлеңді түсініп оқы.

1-топ «Күн» тобы

Өлеңде кім туралы айтылған?

Автор бұл өлеңде не айтқысы келеді?

2-топ. «Тас» тобы

Өлеңге ат қой және сен автордың орнында болсаң, өлеңді қалай аяқтар едің?

3-топ. «Қоршау» тобы

Өлеңдегі негізгі ойды анықта.

Осы оқығаныңды өмірмен байланыстырып, дәлелде.

Дескриптор.

• Өлеңде кім туралы айтылғанын анықтайды.

• Өлеңнің мазмұнына қарай ат қояды.

• Өлеңдегі негізгі ойды зерделейді.

Қ.Б.

Ынталандыратын сөздер арқылы бағалау.

Жарайсыңдар! Тамаша! Талпын!

Сергіту сәті

Еркін ұста денеңді,

Тарсылдатпай еденді.

Орнымыздан тұрып ап,

Жүгірейік бір уақ.

Бір, екі, үш. Бір екі, үш.

Аяқты алға созайық

Тік көтеріп, қозғайық,

Тым сылбыр да болмайық,

Алға қарай озбайық.

Бір, екі, үш. Бір, екі, үш.

Дәптермен жұмыс.

Ұжымдық жұмыс

Критерийлер

- Кейіпкерге қатысты дәлелді пікір айтады.

- Сөйлеу барысында тілдік нормаларды сақтайды.

«Жалғасын тап!» әдісі

3-тапсырма. «Жас бағбанның есіне» тақырыбындағы нұсқаулықты әрі қарай жалғастырып көр.

1.Үстіңе қозғалуға ыңғайлы киім ки. Баскиім киюді ұмытпа.

2.Еңбек құралдарын қалай пайдалануды үлкендерден сұрап ал.

3. ...

4. ...

5. ...

Дескриптор

• Нұсқаулық құрастырып жазады.

• Нұсқаулықтан дара және күрделі етістіктерді табады.

Қ.Б. «Стикерлер» арқылы бағалау.

Критерийлер

• Етістіктің ережесін айтады және мысалдар ұсынады.

• Дара және күрделі етістіктерді бөліп көрсетеді.

4-тапсырма. Жеке жұмыс.

«Кім жылдам?» ойыны

Жұмбақты көркем жаз, шешуін тап.

Шөпшілердің шөбін шашты,

Қалпағымды ала қашты.

Дескриптор

• Жұмбақтың шешуін табады.

• Сауатты, көркем жазады.

• Етістіктердің астын сызып, дара, күрделі екенін айтады.

Қ.Б «Жұлдызшалар» арқылы бағалау

Критерийлер

• Қоршаған ортада етістікке қатысты тірек сөздерді пайдаланып, мәтіннің мазмұнын болжайды.

• Мәтіннің негізгі ойын анықтайды, мәтін мазмұны бойынша бір сұрақ құрастырып жазады.

5 – тапсырма. Жұптық жұмыс. «Ойлан, Бірік, Бөліс!» әдісі

Тірек сөздерді пайдаланып, тақырып бойынша әңгіме құра.

Тақырып: Сотқар мысық.

Тірек сөздер: мысық, кірпі, көзі шалып қалды, қасына тақады, қозғалта алмады, арқасына салып қалды, қан саулады, әзер жетті.

«Артығын тап!» әдісі бойынша жараланған «Сотқар мысыққа» көмектесейік

Дескриптор

• Тірек сөздерді пайдаланып, әңгіме құрайды.

• Сұрақтар қою арқылы ойын жинақтайды.

Қ.Б. Ауамен бағалау

Сабақтың соңы

5 минут

Кері байланыс

«ТВ шоу» әдісі.

Топтар бір- бірне сұрақтар дайындайды.Сол сұрақтарға жауап береді. Мысалы:

1. Бүгінгі оқып білгендердің ішіндегі ең маңыздысы не болды?

2. Қай сұрақ есіңде қалды?

3. Сен үшін қиындық тудырған тапсырма болды ма?

4. Қай жаттығуды орындау барысында сен қиналдың? Бұл неліктен деп ойлайсың?

5. Қоршаған ортаға адамзаттың тигізер пайдасы жайлы не айта аласың?

Рефлекция

«Ауа райы» әдісі арқылы балалардың бүгінгі көңіл – күйін анықтау.

Ықшам сабақтың сабақ жоспарын құруға ықпалы:

• Курсқа келгенше білетінім:

Мен курсқа келгенше, менде жаңартылған білім мазмұны, бағалау түрлері, әдіс-тәсілдер және Блум таксономиясы туралы жалпылама мәліметтер болды.

• Курс барысында білгенім:

Салыстыра қарап, дәстүрлі оқу мен жаңа бағдарлама жүйесіндегі өзгерістерді айқын байқадым. Жаңартылған білім мазмұны бойынша тренерімнен көптеген жаңа әрі түсінбеген мағлұматтарды меңгердім. Оның ішінде: сындарлы оқу теориясын, дискрепторды, бағалау критерийлерін, саралаудың тәсілдерін және ең бастысы ҚМЖ жасауды, SMART мақсат қоюды, спиральді оқу бағдарламасын үйрендім.

• Келешекте көрсетер нәтижем:

Осы жаңартылған білім аясында бастауыш сынып мұғалімдерінің білімдерін жетілдірудегі «Өрлеу» біліктілік арттыру курсынан алған білімімді одан әрі шыңдап, жұмыс жүйесінде сенімді қолданамын