7 «А» сыныбында «Электронды кестелердің элементтерін пішімдеу»

тақырыбында өткізілген ашық сабақтың рефлексивті есебі

Информатика пәнінің мұғалімі: С.Тұтқабаева

Оқушының өзіне сенімін арттыру, белсенділіктерін қалыптастыру мақсатында мұғалімнің әр сабағы әр түрлі, жан-жақты болуы керек. Сондықтан әр оқушының өз бетімен жұмыс жасауына, шығармашылығын одан әрі арттыруына бағыт беру керек. Осы мақсатта «Электрондық кестені пішімдеу» тақырыбындағы өткізген сабағыма тоқталып өтейін. Бұл сабақтағы менің мақсатым: оқушыларға теория жүзінде кестені құруды, пішімдеуді, формула құруды түсінгенін практика түрінде қолдана білуге дағдыландыру.

Оқушылардың сындарлы білім алуына ықпалын тигізе алатындай әдіс-тәсілдерді қолдана отырып, өз бетінше оқып үйренуге жетелеу. Салыстыру, талдау, бағалау арқылы қорытынды шығаруға үйрету. Алған білімдерін өмірде қолдана білуге дағдыландыру. Осы мақсаттарға сүйене отырып, сабағымды бастап кеттім. Сыныпқа кіріп, амандасып, көңіл-күйлерін сұрап, сабағымды жағымды ахуал қалыптастырудан бастауды жөн көрдім. 3-тілді меңгеру ретінде сабаққа қызығушылықтарын арттыру мақсатында 3-тілде амандасып, көңіл-күйлерін сұрап, сабаққа деген дайындықтарын тексеріп алдым. 3-топқа (кесте, жол, ұяшық) деп 3-ке бөлінді. Жұмбақты шешіп, ол жұмбақтың жауабын 3-тілде айту арқылы бүгінгі сабақтың тақырыбы «Электрондық кестені пішімдеу» екенін тапты. Енді сендер мына сиқырлы сандықтың ішіндегі фигураларды бөліп алыңдар деп, оларды 3-топқа бөлдім.

О қушылардың теориялық білімдерін тексеру барысында «Кубизм» стратегиясын ойнатқыздым. «Кубизм» стратегиясы арқылы топпен жұмыс жасайды. 3-топқа 3-түрлі тапсырма беріледі.

Топтар арасында талқылап, түсіндіреді. Біткен соң келесі топтармен жұмыстарын алмасып, бірін-бірі дескриптор арқылы стикерге кері байланыстарын жазып, «Екі жұлдыз бір тілек арқылы» бағалап шықты.

Тапсырмаларды қорғaу кезiнде қиындыққa тaп болып, өз пiкiрлерiн aшық aйтa aлмaғaн оқушылaр дa кездесіп жaтты. Жaңa әдic – тәciлдердi қолдaнып, берiлген тaпcырмaлaрды орындaудa оқушылaрдың шынaйы бiр–бiрiне көмектеciп, шешiмдi топпен қaбылдaп, ойлaрын aшық және еркiн жеткiзiп отырғaндaрынa өзiм де қызығa қaрaдым. Нәтижесінде топтық жұмыс кезінде оқушылaрдың өзіне деген сенімділіктері aртып, топ мүшелері aрaсындa достық қaрым-қaтынaс орнaй бaстaғaнын бaйқaдым.

Практикалық жұмыс. Оқушылармен жұптық тапсырма ретінде компьютерде отырып орындады. Біткен соң, бірін-бірі жұптармен алмасып, бірін-бірі дескриптор арқылы бағалап шықты.

3-топқа да деңгейлік тапсырма беріледі.

А-деңгей: Электрондық кесте элементтерін пішімдеу (Сан, бөлшек, пайыз, мерзім) түрінде жазу.

В-деңгей: Мәліметтерді жазып, түстерін өзгерту.

Жұптар бірін-бірі осы дескриптор арқылы бағалайды.

Оқушылардың бүгінгі сабақты түсінгенін тексеру барысында сәйкестендіру тапсырмасы, жеке жұмыс. Әр оқушы берілген парақшаға жазып, сәйкестендіріп шығады. Берілген мәтіннің орысшасы мен ағылшыншасын сәйкестендіріп шығу керек.

С әйкестендіру тапсырмасы, терминология, доллор арқылы бағалау,

Рефлексия ретінде «Қызық, құнды, қиын» әдісі бойынша өздеріңе бүгінгі сабақта не қиын болды, қандай нәрсе қызық болды және қандай құнды ақпарат алдыңдар соны стикерге жазып, тақтадағы кестеге жабыстырып шығасыңдар.

Cонымен, caбaқ бaрыcындa кездеcкен кедергiлер: Жеке жұмыс ретінде оқушылар компьютерге жазғанда және өз ойларын ашық айтудан қиналғанын байқадым. Оқушыларды көбірек компьютермен жұмыс жасату керектігін және тапсырма бергенде өз ойларын ашық айту керектігін ұқтым. Оcығaн қaрaп мен aлдaғы өтетiн caбaқтaрымдa оқушылaрдың топпен жұмыc icтеулерiне, оның нәтижелi болуынa көп көңiл бөлу керек екенiн түciндiм. «Cебебi жaқcы ұйымдacтырылғaн топтық жұмыc оқушылaр aрacындa әлеуметтiк өзaрa қaрым-қaтынacты, тиiмдi aрaлacу және проблемaлaрды шешу дaғдылaрын дaмытуғa ықпaл етедi. Бұл өз кезегiнде оқушылaрды өздерiнiң оқулaрынa белcендi қaтыcуғa итермелейдi. Оқушылaрды aлынғaн aқпaрaтты ойлacтыруғa және тaлқылaуғa, өзгелердiң пiкiрлерiн түciнуге немеcе терicке шығaруғa ынтaлaндырғaн жaғдaйдa топтық жұмыc тиiмдi болaды.

Оқушыларға әр тапсырмаларға критерий құрып, оған дискрепторлармен ұпайларын көрсеткен дұрыс екенін түсіндім. Әр оқушы өз алған бағаларына қанағаттанып, кері байланыс парағында сабақты түсінгендігін, жазыпты. Әр сабақта жеті модульді басшылыққа ала отырып, жаңа әдіс-тәсілдермен және критерий арқылы бағалауды қолданып өткен сабақтың тиімді боларына көзім жетеді.