Шығыс Қазақстан облысы, Катонқарағай ауданы, Ақсу ауылы.

Окапова Асель Сыдыковна «Еркетай» бөбекжай-бақшасы» КМҚК-ның тәрбиешісі.

Геометриялық пішіндер әлеміне саяхат.

Білім беру саласы: Таным, Қатынас.

Бөлімі: Қарапайым математика ұғымдарымен танысу.

Мақсаты: Балалардың алған білімдерін, геометриялық пішіндер туралы ұғымдарын тиянақтау. Үшбұрыш, дөңгелек, төртбұрыш тәрізді пішіндермен таныстыру, оларды ажыратуды үйрету. Сөздік қорын молайту, бойындағы мүмкіндігі мен қабілетін анықтау. Жылдам ойлауын, ептілігін, шығармашылығын дамыту. Енбексүйгіштікке, ұйымшылыдыққа тәрбиелеу.

Әдіс-тәсілдер: Сұрақ-жауап, әңгімелесу, түсіндіру, магнитті тақта.

Ойын технологиясы: Логикалық ойындар, «Логикалық есептер».

Заттың дамыту ортасы: Хат, геометриялық пішіндер, сандар, суреттер, андардың атрибуттары.

Қостілділік компонент: Сандар-цифры, пішін-фигура.

Тосын сәт: Тиін жүгіріп шығады.

Тиін: Балалар, сендер өте ақылдысыңдар. Маған көмектесіндерші. Мен анамнан адасып қалдым.

Тәрбиеші: Балалар, тиынға көмектесеміз бе?

Балалар. Ия, көмектесейік.

Тәрбиеші: Тиін, сенің анан қайда?

Тиін: Анам орманда өмір сүреді.

Тәрбиеші: Балалар, ендеше тиіннің анасын табуға көмектесу үшін біз орманға жол тартамыз.

Жол-жөнекей алдарынан аю шығады. Қолында хат бар.

Тәрбиеші: Аю, тиіннің анасына барар жолды көрсетіп жіберші.

Аю: Балалар бұл хаттың ішінде тапсырма бар, сол тапсырманы орындасандар ғана тиіннің анасына барар жолды көрсетемін.

Тәрбиеші: Хатты ашып, тапсырманы оқиды. Тапсырмада Тазша баланың суреті салынған.

Сұрақ: балалар, тазша баланың шалбарындағы жыртықты жамау үшін қандай геометриялық пішіндерді қолданған?

Балалар: Ұшбұрыш, дөңгелек, төртбұрыш.

Аю: Сұраққа дұрыс жауап бердіңдер, деп жолды көрсетіп жібереді.

Алдарынан түлкі, қасқыр шығып, оларда балаларға тиіннің анасына барар жолды көрсету үшін тапсырма береді.

Түлкінің тапсырмасы: Бір аптада неше күн бар? Бүгін аптаның нешінші күні?

Қасқырдың тапсырмасы: Балалар, мен сендермен «Кім шапшаң» ойының ойнағым келіп тұрмын. Мен сендерге пішіндерді көрсетемін, сендер шапшандық танытып айтасыңдар. Мынау қандай пішін? Ол қандай затқа ұқсайды?

Балалар: Бұл ұшбұрыш, ол үйдің шатырына ұқсайды.

Қасқыр: Мынау қандай пішін, оның түсі қандай?

Балалар: Бұл шеңбер, ол допқа ұқсайды.

Қасқыр: Бұл суреттерде неше геометриялық пішіндер көрсетілген?

Балалар: Суретте үш геометриялық пішін көрсетілген. (ұшбұрыш, дөңгелек, сопақша).

Қасқыр: Логикалық ойын. Қазір осы үш пішінді қолдана отырып, мысықты құрастырамыз. (мысықты құрастырады)

Сергіту сәті:

Саусақтарым тұрындар,

Сапты бірге құрындар.

Желмен бірге майысып,

Оңға, солға бұрындар.

Саяхатымызды әрі қарай жалғастырайық.

Тәрбиеші: Балалар, біз тиіннің анасына да келіп қалдық.

Осы кезде жүгіріп түлкі келеді.

Түлкі: Менің тапсырмаларымды орындағаннан кейін ғана тиінді анасына жеткізесіндер.

Тәрбиеші: Ол қандай тапсырма?

Түлкі: Сендер екі тілде 10-ға дейін тура және кері санай аласыңдар ма?

Балалар: Ия, санай аламыз.

Балалар сандарды екі тілде тура және санайды.

Тәрбиеші: Тамаша балалар сендер орманды мекендеуші аңдардың тапсырмаларын дұрыс орындап, тиінді анасымен қауыштырдыңдар.

Тиіннің анасы: Рахмет балалар, сендер өте ақылды екенсіңдер. Сендердің білімдеріннің арқасында мен жоғалтып алған баламмен қауыштым.

Қорытынды.

Күтілетін нәтиже:

Біледі:Геометриялық пішіндерді.

Түсінеді: Логикалық есептерді шығаруды.