Ашық сабақ: "Ғажайып әлеміне саяхат"

Білім беру саласы: Әлеумет

Бөлімі: Қоршаған орта

Өтпелі тақырып: Табиғат әлемі

Тақырыпша: Айналамыздағы табиғат әлемі

Тақырыбы: «Мені қоршаған ортам»

Мақсаты: Қоршаған орта туралы жан – жақты түсінуге ықпал ету

Міндеттері:

Білімділік: Балалардың қоршаған орта туралы түсініктерін арттыру.

Дамытушылық: Балалардың ойлау қабілеттерін, тілдерін дамыту;

Тәрбиелік: Қоршаған ортаны қорғауға, қастерлеуге тәрбиелеу.

Әдіс-тәсілдер: сұрақ-жауап, әңгімелеу, көрнекілік, ойын, ӨТШТ технологиясының әдістері (миға шабу)

Қолданылатын көрнекі құралдар: слайд, суреттер, карточкалар.

Билигвальды компонент: ағаш - дерево, жануар – животное, құс – птица.

Алдын ала жүргізілетін жұмыстар: қыс мезгілі, қоршаған орта туралы әңгімелесу.

Мотивациялық қозғаушылық.

1.Ұйымдастыру кезеңі.

Шаттық шеңбері:

Армысыз , алтын Күн!

Армысыз, Жер ана!

Армысыз, қонақтар,

Армысыз және біз!

Балалар бір – бірлерінің қолдарынан ұстап жылулықтарымен бөліседі.

Қанекей, балалар орнымызға отырамыз.

Балаларға қыстың суретін көрсету арқылы, қыс мезгілінің ерекшеліктерін айтқызу.

Ұйымдастырушылық-ізденіс кезең.

Тосын сәт: Есік қағылып саяхатшы келеді.

-Сәлеметсіңдер ме, балалар?!

Мен сендерге бізді қоршаған ортаға саяхатқа шығуға ұсыныс жасауға келдім.

-Балалар, біз саяхатшымен айналамен танысуға шығамыз ба?

Саяхатшы бізге жол көрсетіп отырады.

-Иә, саяхатқа шығамыз.

Саяхатқа шығады.

-Балалар, қандай әдемі дыбыс! Бұл ненің дыбысы екен?

-Ағаштардың сыбдыры.

-Балалар, қараңдар мен жапырақтар тауып алдым.

-Ал, сендер бұл жапырақтарды сипаттап беріңдерші.

-Мынаны қараңдар, қандай әдемі ағаштар!

-Біз «ағаштар әлеміне» келіп қалыппыз.

-Балалар, бұл ағаштардың атауын айтып беріңдерші.

Балалар ағаштардың атауларын айтады.

-Қайың, шырша, терек, емен.

«Иә, жоқ» ойыны

-Ал, енді қараңдаршы, қайың ағашының жапырақтары - жоқ.

-Жапырақтары суықтан түсіп қалған - иә

-Шырша жыл бойы жасыл түсті - иә

-Жарайсыңдар!

-Енді ары қарай саяхатымызды жалғастырайық.

Саяхатшы:

-Міне менің қолымда қауырсын бар.

Бұл қауырсынмен «Паравоз» ойынын ойнайық.

-Балалар, бұл не нәрсе?

-Қауырсын.

-Түсі қандай?

-Ақ.

Салмағы қандай?

-Жеңіл.

Ал қауырсынға ұқсайтын тағы нені білесіңдер?

-Қар.

Оның түсі қандай?

-Ақ.

Ол суық.

Ал тағы қандай суық нәрсені білесіңдер?

Мұз.

-Дұрыс айтасыңдар, «Құстар» әлеміндегі әуен құлаққа жағымды естіледі екен .

Қимылды ойын: «Құсты ағаштан алып үлгер»

Шарты: Музыка әуені ойнап тұрады. Балалар қимыл – қозғалыста болады. Әуен тоқтаған кезде ағаштан бір құсты алады. Сол құстың атын атайды.

-Қарға, көгершін, сауысқан, торғай.

-Жарайсыңдар, сендер біраз құстардың атауын біледі екенсіңдер!

Саяхатымызды жалғастырайық.

-Балалар, ана жақтан бір дауыстар естіледі. Тыңдап көріңдерші. Сол жаққа қарай барайық.

Мына жерде көп жануарлар бар екен, бұл - «Жануарлар» әлемі.

Балалар сендермен «Бөлшектерден жануарлар құрастыр» ойынын ойнайық.

Шарты: Балаларды 3 топқа бөліп, үш түрлі аңның бөлшектелген фотосуреттері беріледі. Балалар бөлшектерді құрып, сол жауардың атауын айтады, қысқаша сипаттама береді.

-Жарайсыңдар, балалар! Біз сендермен «Өсімдіктер», «Жануарлар», «Құстар» әлеміне саяхат жасадық. Енді саяхатымызды аяқтап, сабағымызды орнымызда жалғастырайық.

Рефлексия – түзетушілік:

Сабақ басталмас бұрын көңіл-күйлерің қандай болды?

Сабақтан алған әсерлеріңнен кейінгі көңіл-күйлерің қандай болды?

Бағалау. Балаларға «мені қоршаған ортам» атты төс белгілер таратамын.

Күтілетін нәтиже:

Білу: Ағаштың, жануарлардың, құстардың түрлерін.

Игеру: өзін қоршаған ортадағы әлемдерді.

Меңгеру: ұқыптылыққа, шапшаңдыққа.