Ашық сабақ: Ғажайып математика

Мақсаты: Оқушылардың пәнге қызығушылығын арттыру, ойлау қабілеттерін дамыту, ынтымақтастықта болуға тәрбиелеуде сыныптан тыс жұмыстардың берері көп. Математикалық кештер оқушылардың білімдерін тереңдете отырып, шығармашылық ойлау қабілеттерін дамытады.
Сабақтың мақсаты:
1.Білімділік.Оқушылардың өз бетімен тапсырмаларды орындауға үйрету.
2.Дамытушылық. Оқушылардың жекелеме ерекшеліктеріне байланысты оқу үрдісінің логикалық құрылымына, оқушылардың ойлау қабілетін есте сақтау, сөйлеу мәнерін, ынтасын дамыту.
3.Тәрбиелік. Оқушылардың өз бетінше жұмыс істеуге үйрету, еңбекке баулу.
Сабақтың түрі: Тәлімдік.
Көрнекілігі:  жаңылтпаштар, жұмбақтар, есептер, кеспе әріптер.

1-ші жүргізуші: Қымбатты оқушылар және ұстаздар бүгін өткізіліп отырған «Ғажайып математика» атты сайысқа қош келдіңіздер!

Бүгінгі сайыс төрінде,
Математика тілінде,
Есеп шешіп жарысып,
Жұмбақ шешіп аңдысып,
Шабыт тасып шалқысын.
Мұнда қызық тағы бар,
Жаңылтпаш, сурет бәрі бар,
Жиналған ылғи дарындар,
Жүректе от, көздерінде жалын бар.

2-ші жүргізуші: Біліктілігі мен білімін,
Сараптап өздеріңіз көріңіздер,
Ұқыптылықпен тыңдай отырып,
Оларға баға беріңіздер!

1-ші жүргізуші: Сайыстың шарттары:
I. «Кім көп біледі?» (сұрақтарға жауап беру)
II. «Зерделілер» сайысы

IІІ. Формулаларды білесің бе?
ІY. Жұмбақтар сайысы (топтарға сөзжұмбақтар)
Y. Топ жетекшілерінің сайысы (жаңылтпаш айту).

2-ші жүргізуші: І. «Кім көп біледі?» (сұрақтарға жауап беру)

Алгебра

10. ұпай – 1/3, 7/10 т.с.с сандар қандай сандарға жатады (рационал сандар)

20. ұпай – ах²+вх+с түріндегі көпмүше қалай аталады? (квадрат үшмүше)

30. ұпай - Сағаттың төрттен бір бөлігі неше минут? (15 минут)

40. ұпай – Параболланың төбесінің координаталарын қалай табамыз? (m= -b/2a;

n= am²+bm+c)

50 ұпай – Әріпті өрнекті енгізген XVI ғасырдың көрнекті математигі кім? (Франсуа Виет)

Геометрия:

10. ұпай - Төрт қабырғасы тең төртбұрыш? (квадрат)

20. ұпай – Тіктөртбұрыштың ауданы (S=aв)

30 ұпай – sin 60 мәні (3/2)

40ұпай - Тікбұрышты үшбұрыштың катеттері 4 см және 6 см, гипотенузасы нешеге тең? ()

50 ұпай - х²+у²=R² қандай фигураның теңдеуі (шеңбер)

Қоршаған орта:

10 ұпай - Қазақстандағы ең тұщы көл? (Алакөл)
20 ұпай – «Екінші Швецария» атанған жер? (Бурабай)
30 ұпай – Қазақстанда неше қорық бар? (10 қорық)
40 ұпай – Арал теңізінің қасындағы қорық? (Барсакелмес)
50 ұпай – Дүние жүзіндегі ең ұзын өзен (Ніл өзені – Африка)

Логика:

10. ұпай - Бес майшам(свечья) жанып тұр оның 2 сөндірсек,неше майшам қалады? ( 5 майшам)

20. ұпай - Ұзындығы 10 метр жіпті әр бөлігі 2 метр болу үшін неше рет қию керек? (4 рет)

30. ұпай - Тауықты таразыға бір аяғымен тұрғанда өлшегенде 3кг,ал екі аяғымен тұрғанда неше кг болады? (3кг)

40. ұпай - Дорбадағы 10 асықты 10 бала алды. Сонда дорбада 1 асық қалды. Ол қалай? (соңғы бала асықты дорбасымен бірге алады)

50. ұпай - Сағат түнгі 10-да жауын жауып тұрса, 24 сағаттан кейін күннің жарқырап тұруы мүмкін бе? (жоқ)

1-ші жүргізуші: ІІ. «Зерделілер» сайысы

Екі топқа 5 суреттен беріледі, сол суреттегі бейнені топ мүшелері кезектесіп шығып өзінің тобына сөзбен емес қимылмен көрсетіп, жеткізу керек.

Суретте берілген жасырын сөздер: циркуль, сызғыш, калькулятор, конус, корректор, шеңбер, тақта, бор, ғаламтор.

Әр сөзге 5 баллдан беріледі.
2-ші жүргізуші: IІІ. Формулаларды білесің бе?

1. ( a – b ) ( a + b ) = a² - b²

2. ( a + b )² = a² + 2ab + b²

3. a^m * aⁿ = a ^m+n

4. a^m : aⁿ = a^m-n

5. а³ + в³ = (a+b)(a² – ab + b²)

6. ах²+вх+с = 0

7. а³ - в³ = (a+b)(a² + ab + b²)

8. D = b² – 4ac

9. ax⁴ + bx² + c = 0

10. n = am² + bm + c

1-ші жүргізуші: ІY. Жұмбақтар сайысы. Екі топ сөзжұмбақты шешеді

Сөзжұмбақ сұрақтары:

1.Ақ алтын (мақта)
2. Қазақтың бас ақыны (Абай)
3. "Абай жолы" романының авторы кім? (Мұхтар)
4. ХХ ғ есептеуіш құрал қалай аталады? (есепшот)
5. Барлық қабырғалары тең болатын параллеограмм қалай аталады? (ромб)
6. Махаббат пен сұлулықтың нышаны (аққу)
7. Қазақстанның ең үлкен қаласы (Алматы)
8. ХХІІ қысқы олимпиада ойындары қай қалада өтті? (Сочи)
9.Мемлекеттік туымыздың ортасында бейнеленген символ (күн)
10. Ең ақылды тіршілік иесі (адам)

Жұмбақтар:

1-ші жүргізуші: Біз санбыз сызықпен бөлінген,
Математиканы ұқпас адамға
Құбыжық боп көрінген.
Дұрыс, бұрыс, аралас,
Ондық болып бөлінген.
(бөлшек сан)

2-ші жүргізуші: Түзудің бір бөлігі
Екі шеткі нүкте көрігі
Ұзындығы және бар
Айтшы сыйлық сенікі
(Кесінді)

1-ші жүргізуші: Санау үшін адамды, талды, малды,
Ертеден мұра болып қалды,
Көбейтіп, бөліп, азайтып,
Қосамыз күнделікті ол санды. (натурал сан)
2-ші жүргізуші:Айқасқан екі таяқ,
Тұрады жоқты сұрап.
(х-икс )

1-ші жүргізуші: Нүктеден екі сәуледен
Құрылған айтшы бұл не екен?
(бұрыш)

2-ші жүргізуші:Y. Топ жетекшілерінің сайысы (жаңылтпаш айту).

Шеңбер, шеңбер доп емес.
Доп сияқты, доп емес.
Доп, доп, доп сен оны
Ойлама шеңбер ол емес.

1-ші жүргізуші: Рационал сан, иррационал сан,
Иррационал сан, рационал сан.
Біріккен сан болған соң
Нақты сан деп аталған сан.

2-ші жүргізуші: Айқыш бұрыш, айқыш бұрыш,

Тең, тең бұрыш тұтас бұрыш.

Тұтас бұрыш тұстас бұрыш

Сәйкес бұрыш құрған бұрыш

Жазыңқы бұрыш құрған бұрыш.

Қорытынды.
Сайыста көп ұпай жинаған топ жеңіске жетеді. Жеңімпаздарды марапаттау.

1-ші жүргізуші: Жүзген кеме тұманда,
Неге адасып кетпейді.
Немесе ол бір маңда,
Төмен неге шөкпейді,
Оны сақтап қалатын,
Математика - ғылым бұл,
Сондықтан да ерінбей,
Сол ғылымның тілін біл!

2-ші жүргізуші:Көңіл бөліп бұл кеште,
Келгендерге көп рахмет,
Шын сезінген көрерменге
Мың рахмет, мың рахмет!!!