Күні: 17.01.2018 жыл

Тақырыбы: Ғарышқа саяхат. Ғ дыбысы және әрпі.
Мақсаты: Ғ дыбысы және оның әріп таңбасымен таныстыру. Балалардың ойлау қабілеттерін, қиялын дамыту. Балалардың ғ дыбысы бар сөз, сөйлем ойлап табуына назар аудару, сөздік қорына мән беріп, байланыстыра сөйлеуге үйрету. Жазуға қолдарын жаттықтыру.
Көрнекі құралдар: кеспе әріптер мен буындар, жұлдыз, зымыран мен ғаламшарлардың суреттері, дидактикалық материалдар.

Жылулық шеңбері.
- Балалар, қане, бәріміз күнмен, достарымызбен амандасайықшы.
Қуанасың сенде,

Қуанамын менде.
Қуанады достарым,
Арайлап атқан күнге!

Әңгімелесу.

Балалар,сендерге жұмбақ жасырғым келіп тұр.Дайынсыздар ма?

Жұмбақ

Ұшқыш емес,бірақ ол

Зымыранмен аспанда қалықтайды.

Жауабын ,қане айтып көр?

(Ғарышкер)

Балалар, «ғарышкер» сөзі қандай әріптен басталып тұр?

Олай болса,бүгін біз Ғ ғ дыбысы мен әрпімен танысамыз.

Ғ дыбысын айтқызу (әріп таңбасымен таныстыру). Кеспе әріптен ғ - ның бас әрпі мен кіші әрпі көрсетіледі.
- Ғ дыбысы қандай дыбыс екен?
- Неліктен дауыссыз?
- Қандай текшемен белгілейміз?

Ғ ғ әрпінен келетін сөздер айтқызу.

Ғ ғ дыбысы мен әрпін ауада жаздыру.

Олай болса, Дүйсенбайұлының өлеңін мұқият тыңдасақ.

Балалар, өлеңде кім туралы айтылған?

- Қазақстаннан алғаш ғарышқа ұшқан ғарышкерлер – Тоқтар Әубәкіров пен Талғат Мұсабаев. Олар ғарышқа ұшып, зерттеу жұмыстарын жүргізді. Бұл кісілер біздің еліміздің мақтаныштары. Олар - ержүрек, батыр, халық қаһармандары. Осы кісілер сияқты батыл, ержүрек болу үшін, білімді, тәртіпті үлкен азамат болуымыз керек.
- Сендер де ғарышқа ұшқыларың келе ме?

Ғарышқа ұшу үшін № 1 тапсырманы орындауымыз қажет.
І тапсырма. Суретке қарай отырып, телескоп, ғарыш, қарға,ғарышкер сөздеріне дыбыстық талдау жасау.
1 топ - телескоп, ІІ топ - ғарыш, ІІІ топ- ғарышкер  сөздеріне дыбыстық талдау жасайды.

Балалар ғарышқа қонумыз үшін № 2 тапсырманы орындауымыз қажет. Өткен дыбыстармен ғ дыбысын қатыстырып буын, сөздерді оқу.
ғ – а ға ға ға ға ға ға
а - ға аға аға аға аға аға
а – та а - та а – на а – ға а - па нан

Сергіту сәті.

Балалар енді ғарышты аралау үшін № 3 тапсырманы орындайық.

Жеке жұмыс.Ұшатындарды бір бөлек,ұшпайтындарды бір бөлек қоршауымыз қажет.

Балалар енді кемемізге мініп қайту үшін соңғысоңғы № 4 – тапсырманы орындаймыз .

Жұптық жұмыс.

Санамақтардан екі бала бірігіп Ғ әрпін саламыз.

Тіл ұстарту жаттығуы:

Ға - ға - ға
Атқа тақты таға.

- Ғ әрпін ауада барлығымыз жазып көрелік.
- Дәл ауада жазғандай, қазір дәптерден үлгіге қарап үзік сызықтарды қосып,
ғ әрпін жазамыз.

Оқу - іс әрекетін қорытындылау.
- Балалар, бүгін біз қайда саяхатқа шықтық?

-Ғарышқа саяхат ұнады ма?
- Қандай дыбыспен таныстық?
- Ғ дыбысы қандай дыбыс екен?
- Ғ дыбысына сөз ойлаңдар.
Балаларды мадақтау,смайлик,жұлдызшалар арқылы бағалау.