11-15.11.2013ж

Айлық тақырып: Бізді қоршаған орта..

Сабақтың тақырыбы: Жануарлар.

Сабақтың мақсаты:

Түзете-дамыту: Жануарлар туралы түсініктерін беру. Жануарлардың қоректенуі, тіршілігі туралы әңгімелеу. Мәтін бойынша түсініктерін айтуға үйрету. Ой-өрісін, моторикаларын, математикалық қабілеттерін дамыту.

Тәрбиелік: Жануарларға қамқор болуға, оларды қорғай білуге тәрбиелеу.

Көрнекілігі: Жануарлардың суреттері, ойыншықтар.

Сабақтың барысы:

І. Ұйымдастыру бөлімі:

Біз көңілді баламыз,

Айтқан тілді аламыз.

Достарымызды көргенде,

Қуана қарсы аламыз.

ІІ. Негізгі бөлімі:

1.Жабайы жануарлармен таныстыру.

-Балалар,жабайы аңдардың тіршілігімен танысайық.

-Орманда, тауларда мекендейді.

-Жабайы аңдарға нелер жатады?

-Аю, қасқыр, түлкі, жолбарыс, арыстан, жылан, піл т.б.

-Үй жануарларынан айырмашылығы қандай?

- Жылқы, түйе, сиыр, қой, ешкі, ит, мысық адамның үйінің маңайында тіршілік етеді. Сондықтан олар үй жануарлар деп атайды, ал жабайы жануарлар орманда өмір сүреді . Сондықтанда олар жабайы.

Күзде аңдардың барлығы қысқа дайындық жасайды.Аю,кірпі қысқы ұйқыға кетеді.Қоян,түлкі жүндерін ауыстырады.

«Бауырсақ» ертегісін сурет бойынша әңгімелеп айту.

2.Жұмсақ-қатты сөздерін ұғындыру.

Мамық,мақта,жүн жұмсақ болады.

Тас,бор,ағаш қатты болады.

3.Математикалық жаттығу.

Сандарды қайталау.

4.Дыбыс,әріп «ң» танысу.

Ң-дауыссыз дыбыс.Ң әрпінен сөз басталмайды.

Мысалы:аң,шаң,тозаң,таң.

ІІІ.Сергіту сәті:

Кі-кі бұлғаңдайды түлкі,

Ян-ян секіреді қоян.
Ю-Ю қорбаңдайды аю,

Ыр-ыр ырылдайды қасқыр.
4. Ойыншықтармен ойнату.

Ұзын құлақ сұр қоян,

Ойлы-қырлы жерлермен.

Ытқып-ытқып жүгірді,

Қарап еді артына.

Келе жатқан томпаңдап,

Көжегі екен өзінің.

5.Жабайы жануарлардың суретін бояу.

6.Ойын: «Бір,екі,үш»

Шарты:оқушылар бірін-бірі көретіндей дөңгелене отырады.Әрбір оқушы өзін бір жануардың орнына қойып,соның атынан сөйлейді.

Мыс:қасқыр ыр-ыр.

7.Ойын: «Мынау ненің баласы?»

Еліктің баласын-еңілік.
Жолбарыстың баласын-шөнжік.
Аюдың баласы-қонжық.
Бұғының баласын –бұғышақ.
Түлкінің баласын-түлкішек,мыршай.
Қоянның баласы-көжек.
Барыстың баласы-алан.
Киіктің баласы-құралай.
VI.Қортындылау:

1.Балалардың жұмысын ,мақтау, мадақтау.

2.Тәрбиешіге тапсырма.

Жануарлардың аттарын сурет бойынша қайталап айту.