Пән: жаратылыстану

Қысқа мерзімді жоспар бөлімі: 2-бөлім Тірі табиғат.

2.2. Жануарлар

Күні: 5.10.18ж.

Сынып: 2

Мектеп: А. Жами атындағы №24

жалпы орта мектебі КММ-сі

Мұғалімнің аты-жөні: Ракишова Ғалия

Қатысқандар саны: 14

Қатыспағандар саны: 0

Сабақ тақырыбы

Жануарлар әлемінің көптүрлілігі

Осы сабақта қол жеткізілетін оқу мақсаттары (оқу бағдарламасына сілтеме)

2.2.2.2 жануарлар класының өкілдерін ажырату: жәндіктер,

балықтар, қосмекенділер, бауырымен жорғалаушылар, құстар

және сүтқоректілер.

Сабақ мақсаттары

Барлық оқушылар: жануарлар класының өкілдерін ажыратады және жәндік-тер, балықтар, қосмекенділер, бауырымен жорғалаушылар, құстар және сүтқоректілерді топтастырады, анықтайды.

Көптеген оқушылар: жануарлар класының өкілдерін ажыратады және жәндіктер, балықтар, қосмекенділер, бауырымен жорғалаушылар, құстар және сүтқоректілердің белгілері бойынша топтарға бөліну себептерін түсіндіреді, зерттейді.

Кейбір оқушылар: жануарлар класының өкілдерін ажыратады және жәндік-тер, балықтар, қосмекенділер, бауырымен жорғалаушылар, құстар және сүтқоректілерді салыстырады, дәлелдейді.

Тілдік мақсаттар

Оқушылар орындай алады: жануарлар өкілдерін ажыратады, салыстырады, сипаттайды.

Түйінді сөздер мен сөз тіркестері: сүтқоректілер, құстар, балықтар, қосмекенділер, бауырымен жорғалаушылар, бунақденелілер.

Сыныптағы диалог/жазылым үшін сай келетін тіл стилі:

Оқушылар өз байқағандарын жазады, зерттеу жүргізу барысында сұрақтарға жазбаша жауап береді.

Талқылауға арналған сұрақтар:

-Тауықты құсқа жатқызуға бола ма?

-Жануарлар қандай топтарға бөлінеді? Неліктен?

Бағалау критерийлері

Өкілдері бойынша жануарлардың класын анықтайды.

Құндылықтарды дарыту

Жалпыға бірдей еңбек қоғамы – қазақстандықтарды әлеуметтік жұмыспен қамтудың ең маңызды шарттарының, қазақстандық отбасылар табысының тұрақты өсуінің, өмір сапасын тұрақты жақсарту.

Пәнаралық байланыстар

Дүниетану, математика, әдебиеттік оқу.

АКТ қолдану дағдылары

Суреттер, электронды оқулық.

Бастапқы білім

Алуан түрлі жануарлар.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

5мин

Ұйымдастыру кезеңі

Оқушылар сүтқоректілер, құстар, жәндіктердің суреттері арқылы топқа бөлінеді.

Қызығушылығын ояту:

Алуан түрлі жануарлардың түрлерін ата.

Қосмекенділерге не жатады?

Балықтарға не жатады?

Бауырымен жорғалаушыларға не жатады?

Олардың айырмашылықтары неде? Оларды салыстырыңдар.

Сүтқоректілер, құстар, жәндіктердің суреттері

Сабақтың ортасы

5 мин

8 мин

5 мин

5 мин

7 мин

«Кластер» әдісі арқылы ұжымдық жұмыс ретінде оқулықты оқып, суреттерді топтастырып, кестеге суреттерді сәйкестендіріп қояды, анықтайды, өз ойларын дәлелдейді.

Кейбір жануарлар баласын тірі туады. Олар өсіп жетілгенше енесінің сүтімен қоректенеді. Сондықтан оларды сүтқоректілер деп атайды. Сүтқоректілердің көпшілігінің басы, мойны, денесі және төрт аяғы болады.

Құстардың басқа жануарлардан өзгешілігі – олардың тұмсығы, қауырсыны, қанаты, екі аяғы мен құйрығы болады. Құстардың көпшілігі ұша алады.

Құстардан басқа көптеген бунақденелілер де ұша алады.

Ұжымдық жұмысты пысықтау үшін төмендегі «Есте сақта» тапсырмасы қосымша түсіндіріледі.

Дескриптор: Білім алушы

- Суреттерді топтастырып, кестеге суреттерді сәйкестендіріп қояды, анықтайды, өз ойларын дәлелдейді.

Жұптық жұмыс «Салыстыр» әдісі арқылы суреттерді салыстырады, олардың айырмашылықтары мен ұқсастықтарын атайды. Суретте қандай жануар бейнеленген? Қарлығаш қандай жануар түріне жатады? Жылқы ше? Жылқының неше аяғы бар? Қарлығаштың неше аяғы бар? Әрбір жануардың денесі немен қапталған? Ұрпағы бар ма? Олар қалай туылады?

Жылқы мен қарлығашты салыстырады.

Қолтырауын мен құрбақаны салыстырады.

Балық пен кесірткені салыстырады.

Жылан мен араны салыстырады.

Құмырсқа мен балықты салыстырады.

Пингвин мен жолбарысты салыстырады.

Бүркіт пен сиырды салыстырады.

Дескриптор: Білім алушы

-Жануарларды суреттері арқылы салыстыра отырып, ұқсас

-тықтарын анықтайды (барлық сүтқоректілер мен құстардың басы, аяқтары және мойны болады).

-Айырмашылықтарын (құстардың тұмсықтары болады және олар ұша алады) атайды.

Мәтінмен жұмыс

Дескриптор: Білім алушы

-мәтінді түсініп оқиды.

-жануарлардың ұқсастықтары мен айырмашылықтарын түсініп, қорытынды пікір айтады.

«Венн диаграммасы» әдісі арқылы өзіндік жұмыс ретінде «Дене мүшелері» тапсырмасы беріледі.

Суреттерге қара. Ара мен құмырсқаның дене мүшелерін салыстыр.

Не байқадың? Олардан қандай ұқсастық байқадың? Қандай қорытынды жасадың?

Дескриптор: Білім алушы

-Суреттерді салыстырып, жәндіктердің дене мүшелерін анықтайды.

-Қорытынды пікірлерін айтады, дәлелдейді.

«Ізден, ойлан, тап» әдісі арқылы топтық жұмыс жүргізіледі.

Жануарлардың топтары:

1 топ сүтқоректілер, құстардың пайдасы мен зиянын зерттейді.

2 топ «Тауықты құсқа жатқызуға бола ма?» сұрағын зерттейді, дәлелдейді.

3 топ балықтар, қосмекенділер, бауырымен жорғалаушылар, бунақденелілер деген сөздердің мағынасын түсіндіреді, белгілері бойынша топтарға бөліну себептерін зерттейді.

Дескриптор: Білім алушы

-сүтқоректілер, құстардың пайдасы мен зиянын зерттейді.

-«Тауықты құсқа жатқызуға бола ма?» сұрағын зерттейді, дәлелдейді.

-белгілері бойынша топтарға бөліну себептерін түсіндіреді, зерттейді.

Суреттер

Оқулық

Құмырсқа мен ара суреті

Суреттер

Сабақтың соңы

5 мин

Қорытындылау.

Кері байланыс: «Бес саусақ» әдісі

Бағалау

Үйге тапсырма: «Сен білесің бе?» тапсырмасы бойынша жануарлар топтарын біліп, мәліметтер жинау.

Кесте

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Барлық оқушылар «Кластер» әдісі арқылы ұжымдық жұмыс ретінде оқулықты оқып, суреттерді топтастырып, кестеге суреттерді сәйкестендіріп қояды, анықтайды, өз ойларын дәлелдейді.

Көптеген оқушылар «Салыстыр» әдісі арқылы суреттерді салыстырады, олардың айырмашылықтары мен ұқсастықтарын атайды.

«Ізден, ойлан, тап» әдісі арқылы белгілері бойынша топтарға бөліну себептерін түсіндіреді, зерттейді.

Кейбір оқушылар «Венн диаграммасы» әдісі арқылы өзіндік жұмыс ретінде «Дене мүшелері» тапсырмасы бойынша суреттерді салыстырып, жәндіктердің дене мүшелерін анықтайды. Қорытынды пікірлерін айтады, дәлелдейді.

Бағалау түрлері.

Геометриялық фигуралар арқылы бағалау:

Жасыл - өте жақсы, сары – жақсы, қызыл – орта.

Қауіпсіздік ережелерін сақтауды қадағалау

Сабақ бойынша рефлексия

Сабақ мақсаттары /оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен? Сабақта саралау дұрыс жүргізілді ме? Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Сабақ мақсаттары мен оқу мақсаттары дұрыс орындалды. Оқушылардың барлығы оқу мақсатына қол жеткізді. Сабақта саралау дұрыс жүргізілді. Сабақтың уақыттық кезеңдері сақталды. Сабақ жоспарынан ауытқулар болған жоқ.

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

дамыды.

1 «Кластер» әдісі арқылы ұжымдық жұмыс ретінде оқулықты оқып, суреттерді топтастырып, кестеге суреттерді сәйкестендіріп қойды, өз ойларын дәлелдеді. Қоршаған әлемнің күрделілігі мен көпқырлылығын, сондай-ақ табиғи құбылыстар мен үрдістердің өзара байланысын анықтады.

2. «Ізден, ойлан, тап» әдісі арқылы топтық жұмыс жүргізілді. Жануарлардың белгілері бойынша топтарға бөліну себептерін түсіндірді, зерттеді. Бұл сын тұрғысынан ойлау, зерттеу жұмыстарын жүргізу, қарым-қатынас жасаудың түрлі тәсілдерін қолдану, топпен және жеке дара жұмыс істей алу, мәселелерді шешу және шешімдер қабылдау сияқты кең ауқымды дағдыларын дамытуға негіз болды.

Сабақты жақсартуға не ықпал ете алады (оқыту туралы да, оқу туралы да ойланыңыз)?

Сабақты жақсартуға оқыту бойынша оқушыларға ашық зерттеуді негізге ала отырып, зерттеудің жеті кезеңі бойынша дәлелдеу ықпал ете алады. Тәжірибелік тапсырмаларды өзіндік жұмыс ретінде берілсе оқушыларда өзіндік идеямен және өз бетінше білім алу қабілеті дамиды.

Зерттеу сабақтарда мысалы ермексазбен жұмыс жүргізу және жануарлардың, жәндіктердің, өсімдіктердің бөліктерінің суретін салғызғанда сипаттағанда, дәлелдегенде оқушылар сабаққа толықтай тартылады.

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?

Сабақ барысында салыстыр әдісі арқылы берілген жұптық тапсырмада оқушылар екі суретті салыстырды, бірақ бұл жерде айтылым дағдысы ғана жүргізілді, келесі сабақта семантикалық карта арқылы жазылым дағдысы жүргізуді жоспарлаймын..

Венн диаграммасы арқылы өзіндік жұмыста құмырсқа мен араны салыстырып сипаттады, келесі сабақта пайдасы мен зияны туралы мәліметтер жинақтап келуді ұсынамын.