Ашық сабақ Жүгіру эстафетасын өткізу жолдарын құрастыру 10 сынып

Сабақ 9

Мектеп: №41 Қ.Сәтбаев ж.б.б.м.

Күні

Мұғалімі: Жолдасбеков Е.Е.

Сынып 10 сынып

Қатысқаны Қатыспағаны

Сабақтың тақырыбы

Жүгіру эстафетасын өткізу жолдарын құрастыру

Осы сабақта қол жеткізілетін оқу мақсаттары

10.3.5.5. Дене белсенділік тәжірибесі үшін білім мен дағдыны дамыту

Сабақ мақсаттары

Барлық оқушылар: Эстафеталық таяқшамен жүгіре алады. Эстафеталық жүгірудің әдіс-тәсілдерін үйренеді.

Оқушылардың басым бөлігі: Эстафеталық жүгіру тәсілдерін ережелеріне сай орындай алады.

Кейбір оқушылар: Негізгі дене қозғалыстарын қарапайым жаттығулармен байланыстыра алады. Эстафеталық жүгіру тәсілдерін түсінеді.

Жетістік критерийі

Басқа адамдардың дене жаттығуларының тәжірибелерін байытуға арналған дағдыларды қолдана біледі

Құндылықтарды дамыту

Денсаулықты нығайту жаттығулары барысында қауіпсіздік техникасын хабардар ету

Пән аралық байланыс

Дүниетану, математика, физика

Сабақтың жоспарланған кезеңдері.

Сабақтың барысы

Сабақта жоспарланған іс-әрекет

Ресурстар

Сабақтың басы

10 минут

Сапқа тұрғызу. Қатар түзету. Кезекшінің баяндамасы, журнал бойынша түгелдеу. Жаңа тақырыпты түсіндіру. Психологиялық қатынас, оқушылар арасында жағымды ахуал орнату. Техникалық қауіпсіздік ережелерін түсіндіру.

Саптық жаттығу: Түзел, тік тұр, оңға, солға, кері бұрылу. Оңға бұрылып саптық лекпен жүру. Қолды жоғары көтеріп аяқтың ұшымен жүру. Қол белде, өкшемен жүру. Қол белде, табанның ішкі, сыртқы қырымен жүру. Қолды алға созып, жартылай отырып жүру. Жүгіру кезіндегі ережелерін ескерту. Спорттық жүріс, біртіндей баяу жүгіруге өту. Белгі ишара бойынша 20-25 метрге екпіндей жүгіру. 10-15 метрге дейін аяқты артқа серпе жүгіру. 10-15 метрге дейін тізені жоғары төмен көтеріп аяқ ұшында жүгіру, 2-3 реттен қайталау. Аяқты артқа лақтыру.Түзу аяқты алға лақтырып жүгіру. Оң жағы мен жүгіру. Сол жағы мен жүгіру. Сол, оң, аяқпен биікке секіріп алға қозғалу. Теріс қарап жүгіру. Жылдам жүгіру. Тыныс алу жаттығулары.

Сұрақтар

Ысқырық

Спорт алаңы

Эстафеталық таяқшалар, жалаушалар

Сабақтың ортасы

20 минут

Белсенді оқу әдістері бойынша

Оқушыларды сапқа тұрғызу. Эстафеталық таяқшасын беруді және қабылдау тәсілдерін көрсету түсіндіру. Жүгірген кезде ережені сақтап таяқшамен жүгіру. Қауіпсіздік ережені түсіндіру.Эстафетада қысқа қашықтыққа жүгіргенде әр жүгіруші өзіне сызылған сызық арқылы жүгіреді. Оқушыларды екі топқа бөліп, 1-топты алаңның басына, 2-топты алаңның ортасына қойып, сызықша сызып бойына жалауша белгілеп, 2-ші топ таяқшаны қабылдаушы болып есептеледі. Ойынға катысатын командалар сөреде сызық болып түрады мұғалім жалауша арқылы ишара береді. Эстафетаны бастаушы оң қолында эстафета таяқшасын ұстап жүгіргенде екінші этаптағы ойыншыға сол қолымен эстафета таяқшасын береді. Жүгіру кезінде эстафета таяқшасын беру ыңғайына қарай сызық бойлап жүгіруі керек . Эстафета таяқшасын өзіне тиімді жағымен шетке алып жүгіруі қажет, себебі кейінгілерге кедергі келтірмеуі шарт. Эстафетаны қабылдаушы мен берушінің арасы 1- 1,5 м аралықта қабылдануы керек. Эстафета таяқшасы 30 см ден кем болмайды. Эстафета таяқшасын қолынан түсіріп алмауы шарт,түсіріп алған жағдайда артына қайтып таяқшаны жерден көтеріп ойынды жалғастыруы шарт.Мәреге бірінші болып келген ойыншының командасы жеңімпаз болып есептеледі.

«Диалог сабағы»

Негізгі эстафеталық жүгіру мен қарапайым жаттығулардың немесе эстафеталық жүгіруге дайындау жаттығуларының немен байланысты екенін бір-біріне түсіндіре алады.

«Жарыс сабағы»

Жарыстың сабақтың барлық кезеңдерінде және оқудың барлық сатыларында болғаны дұрыс.?

Қ.Б. арналған тапсырмалар: Эстафеталық жүгіруді жүгіре алады және эстафеталық таяқшаны беру және қабылдау ережелерін бір-біріне түсіндіре алады.

Дескриптор: Білім алушы

Эстафеталық жүгіру қарапайым жаттығулармен ұқсастығын және айырмашылығын салыстырады. Негізгі дене қозғалыстарын айтады

Сабақтың соңы

5 минут

Сабақты қорытындылай келе сабақ барысында өткізілген сайыстардың жетістіктерімен кемшіліктері айтылады.

Кері байланыс: Бүгінгі сабақта болған көңіл – күйді смайліктер арқылы бағалаймын

Рефлексия: Смайлік суреттерін пайдаланамын

Қорытындылау

Үйге тапсырма

Эстафеталық жүгірулердің түрлері

Бағалау 5 минут

Смайліктер арқылы бағалаймын. Оқушылардың сабаққа деген қызығушылығын арттыру мақсатында мақтау сөздерін көп айтамын

Оқушылармен қоштасу