Ашық сабақ "Лепті сөйлем" 2 сынып

«Атбасар ауданының білім бөлімінің

Атбасар қаласы №7 қазақ орта мектебі » КММ

Ашық сабақ

Тақырыбы:

Өткізген:Халел М

«Лепті сөйлем»

Сабақтың тақырыбы Лепті сөйлем 
Мақсаты Оқушыларға лепті сөйлемнің мағынасын түсіндіру,
көңіл - күйді, сезімді білдіретін сөздер туралы алғашқы түсініктерін қалыптастыру.

Жұмыс нәтижесі 1. Лепті сөйлемді тиісті дауыс ырғағымен оқуға жаттығады;
лепті сөйлемнің қандай мағына білдіріп тұрғанын анықтай алады.
2. Өз бетімен жұмыс жасай білуі артады және өзін бағалай білуге үйренеді,
байланыстырып сөйлеуі, жазба тілі дамиды. Сөздік қорлары молаяды

Қолданылатын әдіс-тәсілдері Power Point презентациясы.
Жаңа тәсілдер: зерттеушілік, топтастыру, жеке, топтық жұмыс. СТО стратегиялары

Сабақ жоспары 
1. Ұйымдастыру: Үй тапсырмасын сұрау
2. Сабақ барысы 
3. Рефлекция
4. Үйге тапсырма

Сабақ кезеңдері
І Кіріспе
Психологиялық ахуал
Ұйымдастыру кезеңі
Ынтымақтастық атмосферасын орнату.

Өзімізге: Сәттілік, қуаныш!
Қонағымызға: Жақсы көңіл - күй!
Елімізге: Ашық аспан, молшылық!

Балалар бір-бірінің алақанына алақандарын тигізе отырып

Бүгінгі күн терезеден бізге күн тұр көп қарап,

Сондай жақсы көңіл – күймен басталады бұл сабақ.

Топқа бөлу. Бағдаршам түстерін таңдау арқылы топқа бөлу.
Жұмбақтар шешу

Әр топқа жұмбақ беру. Шешуін топпен оқып айту.
Сөзді құрап, доп тіземін,
Қоя салсаң, бір тары.
Жаңалықты жеткіземін.

1.(Хабарлы сөйлем) тобы
Ойды аяқтап орақ тұрады,
Жауап сөз қалап тұрады.
2.(Сұраулы сөйлем) тобы
Ұранда, шаттықты,
Өкініш аптықты.
Білдіріп ойын талайдың,
Шарға ине қалаймын.
3.(лепті сөйлем) тобы . Топ басшыларын сайлау
Алтын ережені қайталатамын.
Алтын ереже:
-Бір-бірінің пікіріне сыйластықпен қарайды.
-басқаның пікірін тыңдау;
-уақытқа бағыну;
-тапсырмаларды тиянақты орындау. 
Негізгі бөлім
Блум бойынша 
І. Білу. Мақсаты: өтілген материалдар бойынша алған білімдерін тексеру
Тапсырма: Сөйлем туралы не білеміз? Белгіленген уақыт ішінде сұрақтар беру.

«Миға шабуыл»

Оқушылар жауаптарын тыңдау
Оқушыларды бағалау. Топтар бір-бірін саусақ әдісі бойынша бағалайды.
Келісемін

Келіспеймін

Қосарым бар немесе сұрағым бар.

Диалог құру. Үй тапсырма.

Жаңа тақырыпты ашу
Мақта қыз бен мысық ертегісі видео көрсету арқылы жаңа сабақты ашу.

ІІ. Түсіну
Мақсаты: Лепті сөйлем туралы жаңа түсінік . Сәйкестендіру.

1. Жұмбақ шешу арқылы көркем жазу жазады

Көркем жазу Ля  /көңілдену/

-Не айтуға болады ?
Л-дауыссыз, үнді
Я-қосарлы дауысты
Ля- 6-шы нота

 Өзіндік жұмыс
Адасқан сөйлемдердің үйін тауып беру

ІІІ. Қолдану
Мақсаты: Лепті сөйлем туралы білімдерін нақтылай түсу
Оқулықпен жұмыс.
1 – жаттығу. (ауызша)
Сурет астында жазылған сөйлемдерді салыстырып оқы. Сөйлем түрлеріне қарай ажырат.
2 – жаттығу.( тақтаға жазбаша орындау)
Сөйлемдердің орнына тиісті тыныс белгілерін қойып жаз.

Сергіту сәті. Қане енді орнымыздан тұрып бойымызды жазып алайық,

3– жаттығу.

Өлеңді рөлге бөліп оқыңдар.Өлеңде сөйлемнің қандай түрлері бар?

Шығармашылық тапсырма.

Топқа тапсырма беріледі, үзіндіні оқып сәйкес бет – бейнесімен көрсету
1. Топ. Жолаушы жылауықтар еліне тап болады. Жылауықтарды әрі жұбатады, бері жұбатады, бірақ олар жылауын бәрібір қоймайды. Жылауықтар еліне келгеніне жолушы қатты өкінді.
- Қалай ойлайсыңдар, жолаушының бет-пішінінде қандай өзгерістер болды? Соны бейнелеп көрсетіңдер.
2. Топ.Сиқыршы бос шабаданға мысықты салып, қақпағын жапты, Біраздан кейін ашып еді, ішінен күшік шықты. Көрермендердің бет пішіні қандай болды?
3.Топ.Мараттың досы жазғы демалысында ауылға кетті. Марат қалада қалды. Ол досын қатты сағынды. Бір айдан кейн досымен көшеде кездесіп қалды. Екеуінің қуанғандарын көрсеңдер!Олардың бет-пішінінде қандай өзгерістер болды? Сол көріністерге сәйкес сөйлем құрауға тапсырып, тиісті дауыс ырғағымен оқу.

Оқушылардың жауаптары, көріністі тиісті бет бейне пішінімен көрсету
Сөйлемдерді мәнерлеп, дауыс мәнерін келтіріп оқу. Оқушыларға осы сөйлемдерге қатысты сұрақтар қою арқылы ереже шығару.
1. Әр сөйлем қалай оқылды?
2. Сөйлемдегі ой қандай көңіл - күйде айтылып тұр?
Адамның көңіл - күйін, сезімін білдіретін сөйлемді лепті сөйлем дейтініміз белгілі ал қандай көңіл күй дегенде өкіну, армандау, таңдану, ұрандату, қуану т.б
Лепті сөйлем көтеріңкі дауыспен айтылады.
Лепті сөйлемнің соңына леп белгісі (!) қойылады. (Слайд. Кестемен жұмыс)

"Жарайсың,"Өте дұрыс",арқылы деген қолпаштау сөздерін қолдану арқылы формативті бағалау.

ІҮ. Талдау
Мақсаты: Берілген сөздерден лепті сөйлем құра білу дағдысын жетілдіру
Тапсырма: Орны ауыстырылып берілген сөздерден сөйлем құрап жаз
3-топқа тапсырма Шашыраған сөздерден сөйлем құра.

1. Біз, алақай, жеңдік
2. Бекер, ренжіттім – ау, қап
3. Мәңгі Тәуелсіздігіміз жасасын!
Алдарындағы параққа орындалады. Топпен жұмыс. Әр топ бір-бірін бағалайды.
Ү. Жинақтау
Мақсаты: Лепті сөйлем туралы білімдерін қорыту, бекіту
«Артығын тап» ойыны. Топпен жұмыс артық сөйлемді сызып тастау.

Лепті сөйлемнің өзіндік белгілерін әр топ парақшаға толтырып жазып оқиды, салыстыру жасап ортақ белгілерді белгілейді:
- Адамның көңіл - күйін, сезімін (қуану, ренжу, өкіну, ұран т. б.) білдіреді;
- Лепті сөйлем үнемі көтеріңкі дауыспен айтылады;
- Лепті сөйлемнің соңына леп белгісі (!) қойылады.
Өздері түсінген байқаған барлық белгілерді талқылай отырып жазады Интерактивті тақта
Рефлексия

Оқушылар тақырыпты қаншалықты меңгергенін топшылау.

Үйге тапсырма 4- жаттығу 
Бағалау Ұпай парақшалары арқылы бағалау жүргізу

Математикалық сөзжұмбақ арқылы мұғалімнің «Жарайсыңдар !» сөзі шығады