Педагог-логопедтің Т.А.Ә.

Бутанова А.С.

Күні:

16.11.2022

Сынып: 5 «ә»

Қатысушылар саны: 1

Сабақтың тақырыбы

Менің отбасым. С дыбысы машықтандыру.

Сабақтың мақсаты

1. Отбасы туралы түсінік беру. С дыбысының артикуляциясын үйрету, ойын арқылы сөзде анық, дұрыс айтуға үйрету.

2. Балалардың артикуляциялық мүшелерінің қозғалыс

белсенділігін арттыру; дұрыс тыныс алуын, фонематикалық есту қабілетін

жетілдіру; ұсақ қол моторикасын, есте сақтауын дамыту.

3. Логопедті мұқият тыңдауға, өз бетінше жұмыс жасай алуға

тәрбиелеу.Табиғатқа, қоршаған ортаға деген сүйіспеншілігін арттыру.

Сабақтың кезеңі

Логопедтің әрекеті

Оқушының әрекеті

Бағалау

Ресурстар

І. Кіріспе кезеңі

5 минут

-Сәлеметсің бе, Азамат!

-Көңіл-күйің қалай?

-Қазір жылдың қай мезгілі?

-Азамат, бүгін сабағымызға көп қонақтар келіпті.

-Қане бәріміз қонақтармен амандасайық?

-Жарайсыңдар, Азамат!

-Олар Азамат сенің дыбыстарды қалай айтатыныңды тыңдауға келіп отыр

екен.

-Ендеше, оқу іс-әрекетімізге жақсы қатысып, дыбыстарды қалай

айтатыныңды көрсетейік.

-Ендеше, Азамат шаттық шеңберін жасайық.

Шаттық шеңбері:

Сиқырлы айнадан

Өзімді көремін

Бақыттан жайнаған

Көзімді көремін.

-Амандасады

-сабаққа зейін аударады

Сабақтың басы

20 мин

-Азамат, орнымызға отырып алдымызда тұрған айнаға қарап

дыбыстық жаттығуларды жасайық:

Логоформула

А-А-А-А

О-О-О-О

У-У-У-У

И-И-И-И

Ы-Ы-Ы-Ы

Э-Э-Э-Э

Тыныс алу жаттығуы:

-Ал, Азамат, саяхатымызға дайынсың ба?

-Ендеше сиқырлы дыбыстар қалашығына бару үшін біз ең алдымен тыныс

алу жаттығуларымен тіл жаттығуларын жасауымыз қажет, жасап алайық я?

Тыныс алу жаттығуы.

-Алдымыздағы қар ұшқынын алып үрлеп шығайық 1,2,3 кеттік. Кімнің қар

ұшқыны алысқа ұшады екен. Ал енді тіл жаттығуларын жасайық

Артикуляциялық жаттығулар жасау.

-Азамат айнаға қарап жаттығуларды орындайды.

«Бақа» , «Піл», «Бақа мен Піл», «Ат шауып келеді», «Доп», «Қамыр илеу».

Жаңа сабақ.

Міне, Азамат, біз сиқырлы қалашыққа келдік, бірақ бұл жерде қай дыбыс

тұрады екен?

-Қазір бір дыбыс жасырамын, сол дыбыс ненің даусы екенін

табуың керек.

-Бәріміз мұқият тыңдап көрейікші ненің дыбысы?

(аудио жылан дыбысы)

-Жылан қалай дыбыс шығарады, бірге айтайықшы? -ыс-ыс-ыс

-Қандай дыбыс естіліп тұр?

-С дыбысы

-Жарайсың,Азамат!

-Бүгін біз «С» дыбысының қалашығына келдік.

-Енді «С» дыбысынан келетін сөздер осы қалашықта тұрады екен

-Қане суретке қарап атап көрейікші.

-Енді біз «С» дыбысын дұрыс, әдемі айтып үйренейік.

-Алдымыздағы айнаға қарап «с» дыбысын айтайықшы?

-с-с-с-с-с-с

«С» дыбсын қою

-«С» дыбысын айтқан кезде ерініміз, тіліміз, тісіміз қандай қалыпта болады

екен?

- Ерніміз күледі, тісіміз сәл ашық, тіліміздың ұшы астыңғы тіске келіп

тіреледі.

Зондпен дыбыс қою.

Зондты баланың тілі ортасына қойып, балаға «С» дыбысын айтқызу. Балаға осы тапсырманы бірнеше рет орындату.

-Жарайсың, Азамат!

«С» дыбысын логоформулаға салып айтамыз:

Са-са-са- масса

Со-со-со- соқа

Ас-ас-ас-асқабақ

Ыс-ыс-ыс- қыс

Сергіту сәті:

Орнымыздан тұрайық,

Алақанда ұрайық,

Оңға қарай бір иіліп,

Солға қарай бір иіліп,

Бір отырып, бір тұрып,

Сәл тынығып алайық.

-Балалар «С» әріпіміз өз үйіне жете алмай жатыр алдында көптеген

кедергілер тұр екен, әр кедергіде тапсырмалар бар сол тапсырмаларды

орындасақ «С» әріпі өз ұйіне жетер еді.

-Ендеше көмектесеміз бе?

1.Тапсырма:

-Берілген суреттер қиындысынан пазл құрастыру.

Қажетті заттар: суреттер

2.Тапсырма:

-Лабиринттен өту:

Қажетті заттар: А4 қағазда шығарылған «С» әріпін лабиринт арқылы

жүргіздіру.

3.Лексикалық тапсырма «Менің отбасым»

(Отбасы суреті)

• Бір үйде қандай адамдар тұрады?

• Бір үйде бір-біріне жақын адамдар тұрады.

• Атасы, әжесі, әкесі, анасы және олардың балалары.

( Отбасы мүшелерімен жекеше таныстыру)

4.Тапсырма:

-Ермексазбен «С» әріпінен жапсыру.

Қажетті заттар: «С» әріпінің үлгісі, ермексаз.

Ой, жарайсың Азамат! Барлық тапсырманы орындап «с» дыбысын өз

үйіне қайтардық.

ІІІ.Саусақ жаттығуы:

1.От жағу

Екі алақан арасында қарындашты домалату. Бірінші жай жасаймыз, содан

соң тездете жасаймыз, домалатамыз. Ал енді екі қарындашпен жасап көрелік.

2.Үтік

Қарындашты стол үстімен домалату. Қолымызға қалың қарындашты аламыз,

стол үстіне қоямыз. Бірінші оң алақанымызбен, сосын сол алақанымызбен

домалатамыз.

Жаттығулар жасату.

-Жаттығулар жасау

-Аудиодан жылан дыбысын тыңдау

-дыбыс қою

-зондпен дыбыс қою

-сергіту сәтін жасау

-тапсырмалар орындау

-отбасы туралы түсінік беріп, отбасы мүшелерін атау

-саусақ жаттығуларын жасау

Сабақтың соңы

Үйге тапсырма

Қорытынды.

-Жарайсың, Азамат! Барлық тапсырмаларды жақсы орындадың.

Осымен біздің ашық оқу қызметіміз аяқталды.

-Бүгін Азамат сабаққа жақсы қатыстың!

-Сау бол!

-Өз отбасы туралы айтып келу

-оқушыны бағалау