Ашық сабақ Мұғали Мақатаев ғасыр ақын 6 сынып

№94 жалпы орта білім беретін мектептің

Қазақ тілі мен әдебиет пән мұғалімі:Джамалбекова Ж.А.

«Мұқағали Мақатаев ғасыр ақыны »

Ашық тәрбие сағат тақырыбы:

«Мұқағали Мақатаев ғасыр ақыны »

1. Білімділік: Оқушыларды қазақтың лирик,мұзбалақ ақыны,өз заманында лайық бағасын ала алмаса да өзінен кейінгілер үшін мәртебесі биік ақиық ақын атанған Мұқағали бейнесімен таныстыру.

2. Дамытушылық: Оқушының шығармашылық ізденісін қалыптастыру.

3. Тәрбиелік: Халқына қалдырған шоқтығы биік туындыларына шәкірт жүрегінде сүйіспеншілік сезімін ояту, үлгі алуға,құрметтеуге тәрбиелеу.

Сабақтың түрі: ізденіс,зерттеушілік сабағы,шығармашылық жұмыс.

Сабақтың көрнекілігі: Мұқағали суреті, шығармалар көрмесі,слайдтар,Мұқағалидың жанды дауысы жазылған бейнежазбалар.

Пәнаралық байланыс: Әдебиет,тарих,музыка,сурет.

Сабақтың эпиграфы: «Өзге емес, өзі айтады, өз жайында»:

-«Ойлы жас, өлең менің сырласымдай,

Сырлассам да құмарым тұр басылмай.

Айтып өткен ақында арман бар ма,

Жүрегінің түбіне кір жасырмай»

.Мұғалімнің кіріспе сөзі: Ой-қозғау.

Мұқағали Сүлейменұлы Мақатаев (1931-1976, шын аты Мұхаммедқали) – қазақтың лирик ақыны, мұзбалақ ақын, өз заманында лайық бағасын ала алмаса да өзінен кейінгілер үшін мәртебесі биік ақиық ақын.

Мұқағали өлгенімен жез қылыштай жырлары өлген жоқ.

1-жүргізуші: - Қара саз, қара шалғын өлеңде өстім,

Жыр жазсам оған жұртым елеңдестің.

Өлсе өлер Мұқағали Мақатаев

Өлтіре алмас алайда өлеңді ешкім.

Ән: Шерхан Аманғалидің орындауында.

2-жүргізуші: Енді сұрақ-жауап кезеңіне тоқталсақ,

1.Мұқағалидың шын есімі? Мұқаметқали

2.Мұқағали дүниеге келген ауыл? Қарасаз

3. Мұқағалидың анасының есімі? Нағима

4.Мұқағалидың қандай әндерін білесің?

5.Мұқағали өмір сүрген жылдар? (1931-1976)

6.Мұқағалидың қандай өлеңі саған ұнайды?

7.Мұқағалидың туған күні? 9-ақпан

8.Мұқағалидың туған жері? Алматы обл,Қазіргі Райымбек ауданы Қарасаз ауылы.

9.Мұқағалидың әкесінің есімі? Сүлеймен

10.Мұқағалидың балаларының есімі? Алмагүл, Шолпан атты екі қызы, Айбар, Жұлдыз атты ұлдары келді. Ал, Майгүл есімді қызы 10 жасында қайғылы қазаға ұшырады.

1-жүргізуші: Жыр кеңістігі – шексіз, ал сен дарасың,

Ғасырыңды жырлап өткен данасың.

Табындырып,, сағындырып біздерді.

Хантәңірідей биіктеп сен барасың, — деп жырлап өткен ақынның өлеңдеріне кезек берейін.

ІІ арнау Ақбота мен Айзада

2-жүргізуші: Қуат алып Абайдың тіл күшінен,

Жыр жазамын Абайдың үлгісімен.

Абай болып табынсам бір кісіге,

Абай болып түңілем бір кісіден, — деп жырлаған ақын биыл тірі болса ақпан айының тоғызында 87 жасқа толар еді.

1-жүргізуші. Би «Вальс»

2-жүргізуші: Сен қазақтың қазақтығын жырладың,

Ашып айттың қазағымның мұң-зарын.

Сол даңқыңды ұрпағыңа жеткізген

Қара өлеңнің – жалындаған жырларың. Оқушылар ақын өлеңдерінен үзінділар оқиды.

1-жүргізуші: Қазаққа тән қара өлеңге табынды,

Ата – баба дәстүрінен ап үлгі.

Ұшан – теңіз ұлылықты паш еткен,

Мұқағали – поэзия алыбы, — деп Мұқағалидың поэзиямен қалай сырласқанын тыңдап көрейік.

2-жүргізуші: Көрініс: « Мұқағалидің балалық шағынан үзінді»

1-жүргізуші: Импровизация. 5 минут ішінде төмендегі тақырыпта 1 шумақ өлең шығару.

1.Рухани жаңғыру, 2. Абай даналығы, 3. Мұқағали Мақатаев, 4. Мектеп

1-жүргізуші: Табиғат!

Жанымды алсаң, алшы менің

Бір үзік жерге түскен тамшың едім.

Мұқағали жоғалса не істер дейсің,

Артымда қалсын елім, қалсын жерім. « Қазақ биі» қыздар тобы

2-жүргізуші:

Зулап күндер, жылдар аунап барады,

Жырларыңнан қазақ бақыт табады.

Қадіріңді сәл кешірек білсек те,

Мәңгі есімің жадымызда қалады.

«Есіңе мені алғайсың» әні орындайтын Нұрдос.

Қорытынды: Рахмет, балалар! Өнерлерің өрге жүзсін! Ақын мұрасы, маржан поэзиясы – мәңгілік болашақ ұрпақтың еншісі, қастерлеп, қадірлейтін қазынасы. Құрметті қонақтар,ұстаздар мен оқушылар!

«Ақын болсаң, алмас бол тайпалмаған,

Сен айт менің ойымды, айта алмаған» — деп болашақ ұрпаққа жол сілтеген Мақатаев жырлары, бүгінгі кеш барысында оқушыларға шабыт беріп, өз бойларындағы таланттарын шыңдауына арқау болады деген сенімдеміз.