Кенжекулов Әлімжан Ағабекович

Сабақтың тақырыбы: М. Шахановтың «Отырар» поэмасы
Сабақтың мақсаты:
АКТ- ның көмегімен шежіресі мол Отырар қаласы жөнінде мәлімет алу, топта жұмыс жасау барысында поэманың мазмұнын өз бетінше меңгеру, ақын, жазушы Мұхтар Шаханов шығармашылығын зерттеп зерделеу, өзінің және сыныптасының жұмысына сыни көзбен қарап пікір айта білу, бағалаудың маңызын түсіну.
Күтілетін нәтиже:
ақын шығармашылығын зерделеп, керекті ақпаратты алады;
поэма мазмұнын меңгереді;
орындалған жұмысқа сыни пікір айта біледі;
берілген ақпараттан нені, қалай оқу керектігін меңгереді;
өзін және сыныптастарын бағалай алады.
Түйінді идея.
«Отаныңа опасыздық еткенің – өз түбіңе жеткенің» (халық мақалы).
Ресурстар: плакат, түрлі - түсті маркерлер, «Аңыз адам» журналы

Сабақтың барысы.
І Ұйымдастыру бөлімі. Шаттық шеңберінде «Сәттілік» атты тренинг. Оқушылар шеңберде өзінің көршісіне бүгінгі күнге сәттілік тілейді.
Кері байланыс. «Қозыкүрең» әңгімесі бойынша сұрақ - жауап.
1. Қазақ пен қырғыз ежелден қай таудың бөктерін қатар жайлап келді?
2. Әңгімедегі кейіпкерлерді ата?
3. Ағыбай Төреқұлдың ауылына кімдерді ертіп барды?
4. Төреқұл алдымен кіммен амандасты?
5. Ержан қырғыз бен қазақты қалай ұқсатты?
6. Қырғыз елінен майданға аттарды қай жылы апарды?
7. Жылқышылар жирен айғырды не себепті «Қозыкүрең» атады?
8. Қозыкүреңнің түсі қандай?
9. Қозыкүреңнің қашқалы жүргенін байқаған кім?
10. Саяқбай ауырған Қозыкүреңді қалай емдеді?
11. Қозыкүрең әңгімесі аяқталғаннан кейінгі Ағыбай әрекеті?
12. Қырғыз бен қазақ салтындағы айырмашылықты қай жерден байқадың?
13. Ағыбай мен Төреқұл достығы қашан, қалай басталған?
14. Әңгімеде қандай мақалдар кездесті? (алтын алқа, күміс алқа, қола алқа тағу)