Сабақтың тақырыбы: Музыкалық аспап – домбыра.

Сабақтың мақсаты:

Білімділік: қазақтың ұлттық музыкалық аспабымен таныстыру

Дамытушылық: сөздік қорын байыту. Меңгерген сөздерді ауызекі сөйлесуде қолдана білуге дағдыландыру.

Тәрбиелік: музыкаға деген сүйіспеншіліктерін арттыру.

Сабақтың барысы:

I.                  Ұйымдастыру кезеңі. Сөйлесім.

А) сәлемдесу «Сәлем – сөздің анасы, сәлем берер әр қазақтың баласы», демекші бүгінгі сабағымыз жақсы өту үшін бір-бірімізге сәттілік тілейік.

Ә) оқушыларды сабаққа бейімдеу.

Б) үй жұмысын тексеру

II.               Кіріспе. Музыка тыңдау. Тыңдалым. Сөйлесім. (үнтаспадан Құрманғазы Сағырбайұлының «Сарыарқа» күйі тыңдатылады)

-         Үнтаспадан тыңдаған музыка қалай аталады?

-         Күй.

-         Күй қандай аспапта орындалады?

-         Домбырада.

-         Домбыра қай халықтың аспабы?

-         Домбыра қазақ халқының аспабы.

-         Балалар, бұл күйдің авторы -  Қ.Сағырбайұлы. Құрманғазы атамыз – қазақтың атақты күйші, композиторы. (Қ.С. және қазақтың ұлттық аспабы домбыраның суреті көрсетіледі)

III.           Жаңа сабақ. Суретпен жұмыс. Тыңдалым. Айтылым.

а) қазақ халқының ұлттық аспаптарының бірі- домбыра. Ол-қос ішекті. Домбыра ағаштан жасалады. Домбыраның дауысы майда қоңыр құлаққа жағымды. Қазақ халқының ақындары әншілері, күйшілері домбырамен ән салып, күй тартқан. Күй-домбырада тартылатын музыкалық туынды.

Ә) Бүгінгі сабақтың сөздігі. Айтылым. Тыңдалым. Сөйлесім. Жазылым.

Аспап.Қос ішекті.Ағаштан жасалады .

Үні майда қоңыр, құлаққа жағымды. Күйші – күйді орындаушы.

Б) Сергіту сәті

Домбыра, қайда барсам тастамаймын,

Ән менен сенсіз өмір бастамаймын.

Екі ішек, он бір перне, бір тиекпен

Сайрасам қызыл тілмен асқақтаймын. (Қ.Әзірбаев)

В) Кітаппен жұмыс.

Сұрақтарға жауап бер.

Жұмбақты шеш.

Тиіп кетсе жырлаған,

Дауысы көпке ұнаған. (Домбыра)

Домбыра қай халықтың музыкалық аспабы?

Ол қандай?

Домбыра неден жасалады?

Домбыраның дауысы қандай?

Күй деген не?

Г) Дәптермен жұмыс.

Нотаны дәптерге түсіруді үйрену: бүтін нота, жарты нота, төрттік нота, сегіздік нота, он алтылық нота.

IV.            Сабақты қорыту.

Күй қандай аспапта орындалады?

Домбыра қай халықтың аспабы?

 V.               Бағалау.

VI.            Үйге тапсырма беру: - домбыра құрылысын жаттау,

-ноталарды ажыратып үйрену.

Құрастырған Опабекова Ж.Н.- Теміртау қалалық

№2 балалар музыка мектебі