Ашық сабақ: "Ойна әрі шымыр бол!"

«Тексерілді»

№ 23 «Айзере» балабақшасының әдіскері

___________ Ажигалиева С.О.

«_____»___________2019ж

№ 5 «Нұрлы»

ортаңғы тобының ұйымдастырылған ашық оқу қызметі

Тақырыбы: «Ойна әрі шымыр бол!»

Дайындаған: дене шынықтыру пәнінің нұсқаушысы

Өскембаева Гауhар Бақытқызы

№ 5 «Нұрлы» ортаңғы тобының дене шынықтыру ашық оқу қызметі

Білім беру саласы: Денсаулық. Әлеумет

Ұйымдастырылған оқу қызметі: Дене шынықтыру

Тақырыбы: Ойна әрі шымыр бол!

Мақсаты: спорттық қозғалыс жаттығуларымен қимылды ойындарды үйрету және сол үйренгендерін өз еріктерімен орындауға жаттықтыру, негізгі қимыл әрекеттерін жетілдіру. Денсаулығын күте білуін қалыптастыру.

Керекті құралдар: доптар (балалардың санына қарай), қақпалар ені-60 см - 3 дана, ұзындығы 3 метр жіп - 4 дана.

ҰОҚ барысы:

1. Ұйымдастыру кезеңі. Жұмбақ жасыру.

1. Бала біткен соғады,

Жеңіл шарды домалақ.

Ұрсаң ұшып жоғары,

Жерге түсер домалап. (Доп)

2. Тепсең-ақ секіріп,

Ұстатпай қашады.

Бір жерге бекініп,

Тұра алмай сасады. (Доп)

2. Негізгі кезең.

Бір бірден тізбекке тұру,жүру,жүгіру; доппен жасалатын реттеу жаттығулары допты оң қолға ұстап, аяқтың ұшымен жүру-допты басынан асырып ұстайды,өкшесімен жүру-допты алдына шығарып ұстайды.

Негізгі қимыл-қозғалыстарды орындайды:

1. Допты 2 метр қашықтықтан қақпаға домалату. Балалардың назарын допты саусақтардың күшімен итеру керектігіне және доптың қозғалыс бағытын сақтау қажеттілігіне аударады.

2. Секіру: бір аяқты алға-екіншісін артқа қойып секіру. Ойын түріндегі жаттығу «Шапалақтап секір».

3. Тепе-теңдік сақтау-қос сызықтың ортасымен жүру. Ойын түріндегі жаттығу: «Жолмен жүріп өт». Нұсқау жолдың шетіне шығып кетпеу, дене сымбатын сақтау.

Доп жайлы ойындар

Допты ұста.

Нұсқаушы ашық түсті үлкен допты алады да 2-3 балаға онымен ойнауды ұсынады. Балалар тәрбиешіге қарама-қарсы 80-100см жерде тұрады. Нұсқаушы әрқайсысына кезек-кезек доп лақтырып: «Ұста» - дейді. Балалар допты қайтадан нұсқаушыға лақтырады.

Доп шеңберде.

балалар жерге дөңгеленіп отырады да допты бір-біріне домалатады. Нұсқаушы балаларға екі қолымен қалай және қай бағытқа қарай итеруді үйретеді.

8-10 баладан құрылған топта ойын қызықты да ширақ өтеді.

Допты қақпаға түсіру.

Нұсқаушы балаларды доп (немесе әртүрлі шарлармен) ойнауға шақырады да ойнағысы келген немесе ойынға тартылған балалар жиналған жерде сызық жүргізеді. Сызықтан 1-1,5м жерде кішкентай қақпа тұрғызылады. Балаларға бір-бір доп таратып бергеннен кейін, нұсқаушы оларға допты қақпадан өткізуді ұсынады. бала допты домалатып, қуып келеді де сызыққа жеткеннен кейін кері оралады.

Ойынға 5-6 бала қатысады. Ойнаушы топтардың ауысуына болады; 2-3 рет ойнаған балаға нұсқаушы енді дем алуды, басқалардың қалай өткізетінін көруд і ұсынады.

Қақпаны ірі құрылыс материалынан жасауға немесе оның орнына балалардың орындығын пайдалануға болады. Олардың аяғының арасынан балалар доп өткізеді.

Допты кәрзеңкеге түсір (дәл көзде).

Балалар дөңгеленіп тұрады. Әр баланың қолында бір-бір кішкентай доп. Шеңбердің ортасында жәшік немесе үлкен кәрзеңке. (Балалар мен меженің арасы бір жарым-екі метрден аспайды.) Нұсқаушының сигналы бойынша балалар допты жәшікке лақтырады, одан кейін ол доптарды қайтадан алады да өз орындарына барып отырады.Егер бала межені дәл көздемесе, допты жерден (еденнен) көтереді де басқалар сияқты шеңберге тұрады.

Ойын қайтадан басталады.

Ойында бір мезгілде 8 -10 бала қатысады.