Ашық сабақ Өзін өзі тануды оқытудың аксиологиялық аспектілері 1 курс

Сабақ мақсаты: студенттерге барлық аксиологиялық аспектілер ұғымының рухани-адамгершілік құндылығы ретіндегі мәнін ашу. Олардың бойына рухани - адамгершілік қасиеттерді ұялату үшін мейірбан, ақылды, шыншыл, қайырымды, т. б. адамдық асыл қасиеттерді игерту

Міндеттері:

• Рухани-адамгершілік құндылықтармен қатар жақсылық жасау, басқа дін мен мәдениетті құрметтеу, зиян келтірмеу, әлеуметтік әділеттілік, адам құқығы туралы түсініктерді кеңейту;

• Риясыз жақсылық жасауды, барлық мәдениетті құрметтеу, ой мен сөзбен, іспен тірі жанға зиян келтірмеу қасиеттерін дамыту.

• Студент бойында жақсылық, мейірімділік, ниет тазалығы, басқаларға көмек беруге ұмтылу, жанашырлық, ізгілік таныту сияқты қасиеттерді бойына сіңіре алуды тәрбиелеу.

Ресурстар:(құралдар, мәлiметтер)

Сабақ барысы:

1. Ұйымдастыру кезеңi. Тыныштық сәтi.

2. Үй тапсырмасын тексеру.

Студенттерге Психологиялық кеңестегі гуманистік бағыт тақырыбын оқып келу тапсырылды.

Студенттер мәліметті баяндап, мазмұнын айтып бергеннен кейін, талдауға көшеміз (берген тапсырманы пысықтау мақсатында, еске түсіру мақсатында жүргізіледі).

Студенттерге қойылатын сұрақтар:

• Гуманистік психология тұрғысынан психологиялық көмектің тиімділігі қандай?

• Гуманистік психология бойынша адам өмірінің бар мәні не деп есептейді?

• Психологиялық кеңестің маңызы неде?

Сабақ барысын талдау:

3. Дәйексөз.

Адамның басшысы - ақыл, шолушысы-ой, жетекшісі-талап, қорғаушысы-сабыр, сынаушысы-халық, таусылмайтыны-арман, ең қымбаттысы-ар сақтау, бәрінен ардақтысы-өмір сүру, соның ішінде ең тәттісі-сыйластық.

Абай

4. Әңгiмелеу (аңыз)

Таудың басында естімейтін(саңырау) ауыл болыпты. Ол шын мәнісінде сол тұрғындар саңырау болған жоқ, өйткені басқа дүние олар үшін жат болды. Осы ауылдың тұрғындары бір жанұядай өмір сүріп жүреді. Кішілер үлкендерді сыйлап, құрметтеді, ал ерлер өздерінің әйелдерін құрметтеді.

Олардың сөйлеу мәнерінде өкініш, жек көрушілік, қайғы, мұң, көре алмаушылық, екіжүзділік деген жағымсыз қасиеттер болмады. Олар тіпті мұның не екендігін де білмеді. Олар дүниеге келерде күлкімен, дүниеден өткен кезге дейін күлкі ауыздарынан кетпейтін. Ер адамдар жігерлі, ал әйел болмысы нәзік болды. Балалар үлкендерге үй тұрмысына көмектесіп, ағаштардың басына шығып жеміс-жидектер теріп, таулы суға шомылатын. Ересектер балаларға құстардың, жануарлардың, өсімдіктердің тіліне үйрететін және олар үлкендерден көптеген мәліметтерді біліп үйренетін. Үлкендер мен балалар табиғатпен үйлесімділікте өмір сүреді.

Кешкі уақыттарда оттың жанына жиналып, өздерінің күлкілерін жұлдыздарға жіберіп, әрқайсысы өзіне бір жұлдызды таңдап, сонымен бірге сырларын айтып, сөйлесетін. Олар жұлдыздардан аспан әлемінің заңдылықтары туралы, басқа планетаның тіршілігі жайлы біліп отыратын. Осылайша біршама уақыт өтеді.

Бірде ауылға бөгде жерден бір адам келіп, «Мен мұғаліммін» деп жар салады. Келген жат адамды барлығы қуана карсы алады. Олар өз балаларын аманат етіп, үмітпенен тапсырып, мұғалім балаларға қажетті білімді игертіп, көп нәрсеге үйретеді деп ойлайды. Бірақ олар сол мүғалімді көре сала: «Не себепті ол күлмейді екен? Бұл қалайша ?» деген сұрақтар туындады.

Сонымен мұғалім балаларды оқытуға кіріседі. Осылайша біраз уақыт өтеді, үлкендердің барлығы балаларының мінездері , жүріс – тұрыстары, тіпті өздерін өзгертіп тастағандай болып көрінеді. Балалар жиі бір - бірімен ұрысып, заттарын ұрлап , тартып, өтірік айтуға үйренді. Олардың жүздерінен бұрынғы таза, қарапайым күлкілері кетеді. Ал ересектер мұның дұрыс, бұрыстығын білмеді, себебі олар «жаман» деген сөздің не екендігін білген жоқ. Олар өте сенімшіл болып, осы мұғалімнің үйреткені дұрыс білім шығар деп ойлайды.

Бірнеше жылдар өтеді. Балалар ер жетеді, олардың өмірлері өзгерді. Өздерінің жеке меншік шекараларын қойып, қоршап, жұлдыздарға сенуді қойды. Олар бір – біріне сенуден қалды. Құстардың, жануарлардың, өсімдіктердің тілдерін ұмытты. Әркім өзінің аспан әлеміндегі жұлдыздарын жоғалтты.

Бірақ олардың үйлерінде теледидар, көліктер, компьютерлер, ұялы телефондар пайда болды. Адамдар өздерінің жарқыраған күлкілерін ұмытты, бірақ өтірік, қатал күлкіні үйреніп алды. Осы өмірдің өзгерісіне жат елден келген, осы уақытқа дейін күле алмаған мұғалім мақтана қарап тұрып: «Мен бұл адамдарды жаңа өркениетке бейімдедім» деп ойлайды.

БЕЙНЕ ФИЛЬМ.

1. Мазмұны бойынша не түсіндіңіздер?

2. Сіздің өміріңізде осыған ұқсас жағдай болды ма?

5. Шығармашылық жұмыс, топтық жұмыс.

Студенттерді 3 топқа бөлу. Әр топ интерактивті тақтадан ұяшық таңдап, қай ғалымның ұлағатты сөзін сурет бойынша бейлнелейтінін біліп алады. Бір топ басқа топтарға салынған суретті көрсетеді, ал олар сол бейне бойынша нақыл сөзді құрастырып, айту шарт.

Кун Фу Сзы (Конфуций)

• Сені түсінсе - бұл бақыт, сені сүйсе - бұл үлкен бақыт, ал сен өзің сүйсең - бұл нағыз бақыт.

• Марк Твен

• Жақсылық - бұл, кереңнің ести алатын, соқырдың көре алатын дүниесі.

• Адам өмірі-қамшының сабындай ғана қысқа екен, досы көп, ұрпақ тәрбилеген ұтады екен. Қорқыт ата
  
  

6. Топпен ән айту.

1.Жаным-ау қарайсың мөлдіреп, көз моншағым

Сен ғана айтатын елжіреп, сөзді аңсадым

О менің жүрегім, жүрегім әппақ арым

Мен үшін жайқалған гүл едің бақта жаным

ҚАЙЫРМАСЫ:

Арманым мені аяла, аяла тағы аяла,

Жанымның бағын саяла, сағынғаным

Арманым мені аяла, аяла тағы аяла,

Жанымның бағын саяла, жаным жаным

2. От сезім алаулап көзіңде, жүрші алдымда

Мен сүйген мөп-мөлдір сезімге, кір шалдырма

О менің жүрегім, жүрегім алып ұшқан

Сол жүрек тапқандай бір емін сағыныштан

7. Соңғы тыныштық сәтi.

Бейне фильм

Жүректен жүрекке: Енді өздеріңнін жақындарыңа мына күннің көзі сияқты жылулықтарыңды бере отырып, жүректеріңнен шыққан жылы, қол ұшын беру сияқты адамгершілік қасиеттер бойларыңа дарысын деп тілеймін. Алдарыңдағы шуақтарға асыл сөздерді айта отырып жүрекшені ілейік.