Ұзақ мерзімді жоспар

3.В. Метрикалық қатыстар

Геометрия

Мерзімі:

«Д.Қонаев атындағы орта мектеп»

Мұғалімнің аты-жөні: Бахова Тоқсұлу Жақсылыққызы

Сынып: 8

«Өзіңе сен, өзіңді алып шығар,

Білімің мен ақылың екі жақтап». Абай

Қатысқандар саны: 20

Қатыспағандар саны: 0

Сабақтың тақырыбы:

Параллелограмның, ромбтың ауданы формулаларын қорытып шығару және қолдану.

Осы сабақта қол жеткізетін оқу мақсаттары

8.3.3.11 Параллелограмның, ромбтың ауданы формулаларын қорытып шығару және қолдану.

Сабақтың мақсаттары

Барлық оқушылар:

Төртбұрыштың түрлерін біледі, элементтерін ажырата алады, шамалардың белгіленуін, формуласын, өлшем бірлігін біледі. Параллелограмм, ромб тақырыбына күнделікті тұрмыста кездесетін мысалдар келтіреді.

Оқушылардың басым бөлігі:

Параллелограмның, ромбтың ауданының формуласын қолданып есеп шығара алады.

Кейбір оқушылар:

Параллелограмның, ромбтың ауданының күрделі есептерін түсініп, тұжырым жасап шығара алады.

Бағалау критерийлері

Оқушылар:

• Төртбұрыштың түрлерін атайды;

• Параллелограмм, ромб тақырыбына күнделікті тұрмыста кездесетін мысалдар келтіреді;

• Параллелограмның, ромбтың анықтамасын біледі;

• Өлшем бірліктері, олардың арасындағы байланыстарды ажырата алады;

• Параллелограмның, ромбтың ауданын есептеуде формуланы пайдалана алады;

• Ойларын тұжырымдап нақты жеткізе алады.

Тілдік мақсаттар

Оқушылар істей алады:

Формулаларды дұрыс оқи алады, анықтамаларды дұрыс айта алады.

Негізгі сөздер мен тіркестер:

Параллелограмм, ромб, ұзындығы, ені, периметр, диагональ, аудан, бұрыш.

Сыныптағы диалог/жазылым үшін пайдалы тілдік бірліктер: Формулалардың дұрыс оқылуы, өлшем бірлігі, есептің жазылымы.

Талқылауға арналған тармақтар:

Аудан деген ұғымын жалпы қалай түсінесіздер?

Параллелограмм, ромб ауданына қандай мысалдар келтіре аласыздар?

Сіз неліктен ... екенін айта аласыз ба?

Параллелограмм, ромб ауданы ұғымы неліктен енгізілген?

Ұсынымдар:

Дәптерге формулаларды қатесіз жаз. Берілген есептің шартын мұқият оқып, шартын дұрыстап жаз.

Құндылықтарды баулу

Оқушылар ынтымақтастық ортада жұмыс жасайды.

Бір-бірімен қатынасқа түсе отырып, басқалардың пікірлерін тыңдауға, өз пікірін ашық айтуға дағдыланады.

Алдыңғы білім

Оқушылар: Төртбұрыштар түрлері, өлшем бірліктері.

Жоспар

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басталуы

2 мин

2 мин

І.Ұйымдастыру кезеңі:

а) - Оқушылармен амандасу;

- Психологиялық ахуал туғызу: жаттығу «шар». «Кімнің шарға қолы тисе 2018 жылы арманына жетеді» деген сөздерді айта отырып, оқушыларға шар жіберіледі.

ә) Топқа біріктіру әдісі: ішінде фигуралар бейнеленген кішкентай конверттерді таңдау арқылы топқа бөлемін.

Әр тапсырма орындалғанда оқушылар өздерін, бірін-бірі бағалайды және марапаттау мақсатында смайлик беріледі.

б) «Барлық істің басшысы – білім мен ұғым». Миға шабуыл әдісі.

Оқушылардың үй тапсырмасын қалай меңгергендерін тексеру:

Сұрақ-жауап әдісі: «Қар лақтырып ойнау».

Оқушыларға ақ қағаз беріледі, оның ішіне әр оқушы сұрақ жазып қағазды бумаждап, домалақтайды да бір мезгілде бір-біріне қар лақтырады, әр оқушы өзінің алдына түскен қарды алып ішіндегі сұрағын оқып соған жауап береді.

8 сынып, оқулық

А.Н. Шыныбеков

Алматы «Атамұра» баспасы, 2016 ж.,

Edu.kz,

ELERNING

кітапханасы,

Y-TUBE әлеуметтік желіден видео үзінді,

фигуралар,

4 ақ қағаздар

Сабақтың ортасы

4 мин

6 мин

1. мин

5 мин

4 мин

Ой қозғау сұрақтары арқылы жаңа сабақтың тақырыбын ашу. Оқушылар слайдты көріп, параллелограмның, ромбтың ауданы туралы жаңа мәлімет алады, сұрақтарға жауап беру арқылы жаңа сабақтың тақырыбын ашады. Сабақтың мақсаты мен күтілетін нәтижелерін айтады.

Параллелограмм – қарама-қарсы қабырғалары параллель болатын, яғни параллель түзулердің бойында жататын төртбұрыш.

Параллелограмның
қасиеттері

Қарама – қарсы қабырғалары тең: |AB|=|CD|, |AD|=|BC|.

Қарсы жатқан бұрыштары тең:  А= С, В= D

Диагональдары қиылысады және қиылысу нүктесінде қақ бөлінеді: |AO|=|OC|, |BO|=|OD|.

Бұрыштарының іргелес біржақты жатқан қабырғаларының қосындысы 180º-қа тең.

Диагональдарының квадраттарының қосындысы оның барлық қабырғаларының квадраттарының қосындысына тең. d₁²+d₂²=2(a²+b²).

Параллелеограмның ауданын есептеу үшін оның екі элементімен танысамыз. Параллелограмның бір қабырғасын табаны десек, осы табанға қарама-қарсы қабырғасының кез келген нүктесінен түсірілген перпендикуляр биіктігі деп аталады.

Теорема. Параллелограмның ауданы оның табаны мен биіктігінің көбейтіндісіне тең.

S=a*h

Ромб - барлық қабырғалары тең болатын 

параллелограмм.

Ромбтың белгілері:

Параллелограмм ромб болады егер:

Оның екі айқыш қабырғалары тең.

Диагоналдары перпендикуляр.

Диагоналдарының біреуі бұрышының биссектрисасы болса.

Ромбтың қасиеттері

Параллелограммның барлық қасиеттері.

Дигоналдары перпендикуляр.

Диагоналдары өздері шығатын бұрыштарының биссектрисалары болып табылады.

Ромбтың ауданы диагональдарының көбейтіндісінің жартысына тең. S=d₁*d₂/2

Ромбтың белгілері:

Параллелограмм ромб болады егер:

Оның екі айқыш қабырғалары тең.

Диагоналдары перпендикуляр.

Диагональдарының біреуі бұрышының биссектрисасы болса.

Осы жерде тақырыптың ашылуына байланысты топтарға ат беріп кетейік:

1-топ «Параллелограмм»,

2-топ «Ромб».

1-Тапсырма: Топтық жұмыс: «Мәнмәтінмен жұмыс». Берілген мәтінді оқып, топпен бірлесе отырып талқылайды және «Кір жаю» әдісі арқылы оқушылар постер қорғап, тақырыпты өздері ашады.

Топтың арасында белсенділігі төмен оқушыға, қалған оқушылар ЖАДА көмегімен, яғни «Көпіршелер» жалғайды.

Сергіту сәті

2-Тапсырма: Практикалық жұмыс.

№364 есеп, 94 бет.

S-параллелограмның ауданы, а-табаны, h-табанына түсірілген биіктігі деп алып, кестені толтырыңдар.

№371 есеп

Көршілес қабырғалары 2 см және 5 см болатын параллелограмның ауданы 5 см². Параллелограмның сүйір бұрышы мен биіктігін анықтаңдар.

№1

Параллелограмның бір қабырғасы 10 см, ал оған түсірілген биіктігі 6 см. Параллелограмының ауданын тап.

3-Тапсырма: «Кім жүйрік?» Есептер шығару. Жұптық жұмыс.

№367

Қабырғасы см ромбының сүйір бұрышы 60⁰. Ромбының ауданын табыңдар.

№2

Диагональдары 8 см және 10 см болатын ромб. Осы ромбтың ауданын табыңдар.

№3

Ауданы 10,5 дм², қабырғасы 1,5 дм, ромбының биіктігін табыңдар.  

Бағалау дескрипторлары:

Есепті шешу алгоритмін дұрыс құрады 1 балл

Сызбаның дұрыс болуы 1 балл

Формуланы дұрыс пайдалана алады 1 балл

Есеп шешімін таба алады 1 балл

Компьютер, интербелсенді тақта, флипчарт, маркерлер, стикерлер, карточкалар, тест тапсырмалары.

Жіп, қысқыш, постер

Видео, шарлар

Аяқталуы:

2 мин

4 мин

4 мин

4 мин

2 мин

4-Тапсырма: Келесі ұғымдардың өлшем бірліктерін көрсет (жеке жұмыс)

Аудан (м²)

Периметр (м)

Диагональ (м)

Ұзындық (м)

5-Тапсырма:

Дарынды оқушылар тапсырманы орындайды.

№1

Параллелограмның бір бұрышының биссектрисасы қабырғаны 12 см және 7 см кесінділерге бөледі. Параллелелограмның периметрін табыңдар.

Берілгені: ABCD – параллелограмм   

                  АК-биссектриса

1 жағдай: BK=12 см, KC=7 см

2 жағдай: BK=7 см, KC=12 см

Т/к:   PABCD-?

Шешуі: PABCD=2 (AB+BC)

              BC=BK+KC=19см

              ΔABK-тең бүйірлі болғандықтан BK=AB=12см

              P=2 (19+12)=2∙31=62 см

2 жағдай: BK=7см, KC=12см

                 AB=BK=7

                 PABCD=2 (7+19)=2∙26=52

Жауабы: 62 см немесе 52 см

Бағалау критерийлері:

- Формуланы дұрыс пайдалану 1 балл

- Шешімін дұрыс есептеу 1 балл

№375

Диагональдары: 1 ) 3,2 см-ге және 14 см-ге; 2) 4,6 м-ге және 2 м-ге тең ромбының ауданын табыңдар.

Бағалау дескрипторлары:

Есепті шешу алгоритмін дұрыс құрады 1 балл

Сызбаның дұрыс болуы 1 балл

Формуланы дұрыс пайдалана алады 1 балл

Есеп шешімін таба алады 1 балл

6-Тапсырма:

«Бар нәрсеге білім қолды жеткізер» Сабақты қорытындылау.

Шыны ыдыстар тапсырмалармен беріледі, соған оқушылар жауап беруі керек, жауап бере алмаса топ көмектесуі керек.

Бағалау критерийлері:

- Формуланы дұрыс пайдалану 1 балл

- Шешімін дұрыс есептеу 1 балл

7-Тапсырма:

№376 есеп, 96 бет.

Ромб диагональдарының бірі екіншісінен 1,5 есе үлкен, ал оның ауданы 27 см². Ромбының диагональдарын табыңдар.

Бағалау дескрипторлары:

Есепті шешу алгоритмін дұрыс құрады 1 балл

Сызбаның дұрыс болуы 1 балл

Есеп шешімін таба алады 1 балл

Бағалау. Кері байланыс «Бес саусақ»

Үй тапсырмасы: Параллелограмм, ромбтың күнделікті тұрмыстағы маңызы бойынша еркін шығармашылық жұмыс. №380 есеп, 96-шы бет.

Шыны ыдысқа салынған карточкалар

Бес саусақ

Қосымша ақпарат

Саралау. Сіз қосымша көмек көрсетуді қалай жоспарлайсыз? Сіз қабілеті жоғары оқушыларға тапсырманы күрделендіруді қалай жоспарлайсыз?

Тест жұмысын дарынды оқушылар орындайды.

Бағалау. Оқушылардың үйренгенін тексеруді қалай жоспарлайсыз?

Бас бармақ

Пәнаралық байланыс. Қауіпсіздік және еңбекті қорғау ережелері. АКТмен байланыс. Құндылықтармен байланыс

Сызу, информатика, күнделікті тұрмыспен байланыстыру

Сабақ бойынша рефлексия

Сабақ/оқу мақсаттары шынайы ма?

Бүгін оқушылар не білді?

Сыныптағы ахуал қандай болды?

Мен жоспарлаған саралау шаралары тиімді болды ма? Мен берілген уақыт ішінде үлгердім бе?

Мен өз жоспарыма қандай түзетулер енгіздім және неліктен?

Сабақ шынайы өтті. Оқушылар параллелограмм, ромбтың ауданын есептеуді үйренді.

Сыныпта ахуал ынтымақтастықта өтті. Оқушылар мысалдарды күнделікті өмірден келтірді.

Мен сабақты үлгердім. Жоспардағыдай өтті. Түзетулер енгізбедім. Қалыптастырушы тапсырмаларды алдым. Кері байланыс алдым. Рефлексия бойынша оқушылар параллелограмм, ромб ауданы тақырыбының қыр-сырын білгісі келетінін айтты. Оларға ақыл-кеңестер берілді. Интернет желісі арқылы білімдерін арттыруға болады.

Қорытынды бағалау

Қандай нәрсе табысты болды?

1. Оқушылар рет-ретімен төртбұрыш түрлерін, параллелограмм, ромбтың ауданын есептеуді күнделікті өмірмен байланыстыра отырып айтты;

2. Қалыптастырушы тапсырмаларды қызығушылықпен жеке орындады.

Қандай нәрсе сабақты жақсарта алды?

1. Төртбұрыштар тақырыбына бейнефильмдер;

2. Күнделікті тұрмыстан алынған мысалдар.

Сабақ барысында мен сынып немесе жекелеген оқушылар туралы менің келесі сабағымды жетілдіруге көмектесетін не білдім?

Сынып оқушыларының дыбыс тембрі төмен, оларды диалогқа шақыру арқылы дыбыс тембрлерін арттырамын деп ойлаймын, оқушыларды бақылау арқылы олардың интербелсенділік қасиеті бар екенін анықтадым.