Бөкей Ордасы ауданы білім беру бөлімінің аудандық «Балалар музыка мектебі» МКҚК

Ашық сабақ

Халық әні «Еркем-ай» әнімен жұмыс

Өткізген: Фортепиано сыныбының оқытушысы

Ихсанова Г.Ж

2026 жыл

Ашық сабақ Халық әні «Еркем-ай» әнімен жұмыс

Сабақтың тақырыбы: Халық әні «Еркем-ай» әнімен жұмыс

Мақсаты:

Білімділік: Оқушыға халық әні туралы түсінік беру, халық әндерді аспапта ойнау шеберлігін арттыру.Әнді нақышына келтіре орындау және сезіну қабілетін дамыту.

орындау,шеберлігін жетілдіру.

Сабақтың түрі: Ашық сабақ

Сабақтың типі: Жаңа материалды меңгерту,аспапта орындап көрсету.

Сабақтың әдіс-тәсілдері: Түсіндіру, сұрақ-жауап

Сабақтың оқыту формасы: Жеке даралап оқыту

Пәнаралық байланыс: Қазақ музыка әдебиеті, сольфеджио.

Көрнекіліктер:фортепиано, слайдтар, ноталар,

Сабақтың жоспары:

I. Ұйымдастыру кезеңі

II. Техникалық жаттығу кезеңі

III. Үй тапсырмасын қайталау

IV. Жаңа тақырып

V. Сабақты бекіту

VI. Үй тапсырмасы

Сабақ барысы:

I.Ұйымдастыру кезеңі: Амандасу, сабаққа назар аударту.Психологиялық дайындық .

Бүгінгі сабағымызды бастамас бұрын оң қолымыз бен сол қолымыздың еркін ойнау үшін міндетті түрде жаттығулар гаммалар арпеджио ойнап аламыз.

II. Гамма Ре - мажор. Гамма-оқушының саусақтарын жаттықтыру үшін және шығармада кездесетін альтерациялық белгілерді еркін ойнау, техникалық шеберлікті арттыру мақсатында ойнатылады.

III. Үй тапсырмасын қайталау.

Келесі кезекте үй тапсырмасы тексеріледі В.А Моцарт «Менуэт»

В.А Моцарт «Менуэт» шығармасын

алдымен жеке тексеріп,ойнату.Оның таза және нота

ырғақтарының дұрыс ойнауын қадағалау.

- Шығарманың авторы кім?

- Дұрыс В.А Моцарт

-Шығарманың екпіні қандай?

-Қалыпты, байсалды қарқынмен орындау

-Шығарманың өлшімі?

-Дұрыс 3/4

В.А Моцарт «Менуэт» (Жатқа ойнау ).

(Оқушы үй тапсырмасын жатқа ойнап көрсетеді,қателері түзетілді).

IV. Жаңа тақырып: Қазақ халық әні «Еркема-ай ».

Халық әндері деп аталуының себебі, ол бір адамның айтқан әнін келесі адам сол сәтте жаттап алып, халық арасында кең таралып кеткен әндер. Мұндай әндердің авторлары ұмыт болып, халық әндері деп аталса керек. Халық әндерін орындап бүгінгі таңға жетуіне көп үлесін қосқан қазақтың әнші-жыршы, термешілері.Олар: Біржан Сал, Жаяу Мұса, Ақан Сері,Әсет т.б.Қазақ халқының музыкасының мұрасы өте бай оларды нотаға, түсіру сауаты болмағандықтан ғасырлар бойы ел аузында,біреуден біреу үйрену арқылы рухани қазынаға айналып ұмытылмай келеді. Халық әндері «Елім-ай» ,«Қамажай », «Маусымжан», «Әпитөк», «Ауылың сенің белде -еді т.б.Сондай әннің бірі халық әні «Еркем-ай»- қазақтың лирикалық халық әні.

Әуені жұмсақ,байсалды болғандықтан ,әуені лирикалық, сырлы сипатта орындалады.

Еркем, еркем, еркем-ай,

Еркелеген еркем-ай,

Еркелеген еркемді

Еркелетсем екен-ай.

Айт дегенде өлеңді,

Аңырмаймын еркем-ай,

Көлден ұшқан аққудай

Мамырлаймын еркем-ай

Оқушыға «Еркем-ай» әнін орындап көрсетемін.Әнге теориялық талдау жасау. Халық әні «Еркем-ай» тональдығы До- мажор, екпіні көңілді,

өлшем 2/4,оң қол бөлек талдап,сол қол бөлек талдап болған сон ,екі қолмен қосып ойнайды.

Сабақты қорытындылау. 

• Халық әндері дегеніміз не?

• Халық әндерін орындаған серілерді ата

• Бүгінгі үйренген халық әнінің орындалу көніл-күйі қалай?

VI. Үй тапсырмасы.

Үйге тапсырма:

1.Халық әні «Еркем-ай » шығарманы жаттап келу.

2.Динамикалық белгілеріне көңіл бөлу.

2.Гамма Ре- мажор ойнап келу.

Бағалау.

Оқушының тапсырманы орындауын, сабаққа қатысуын ескере отырып бағалаймын