Ашық сабақ Қазақ тілі " Түбір сөз және туынды сөз"

Қазақ тілі.

Күннің жады: 15.01.2018.

Тақырыбы: Түбір сөз және туынды сөз.

Мақсаты: Туынды сөз туралы білімдерін қалыптастырып, бір - бірінен ажырата білуге дағдыландырып, ой – өріс қиялын дамыту және сонымен қатар сөйлеу мәдениетін қалыптастыру, адамгершілікке тәрбиелеу.

Көрнекілігі: кесте, венн диаграмма

Әдіс – тәсілі: түсіндіру сұрақ – жауап әңгімелеу

Сабақтың түрі: бекіту сабағы

«Ұйымдастыру кезеңі « психологиялық тренинг»

Туған тілім – бабам тілі – өз тілім

Туған тілім – анам тілі – өз тілім

Туған тілім – далам тілі – өз тілім

Туған тілім – адам тілі – өз тілім

Үй тапсырмасын тексеру.

- Үйге қандай тапсырма берілді

17- жаттығу. Берілген сөздерді сызба бойынша өзгертіп жазу.

Мақсат қою: Сабақтың тақырыбын, мақсатын хабарлау.

Жан-жақты білімдерін тексеру: Түбір сөздерге-шы,-ші,-ды,-ді,-лы,-лі жұрнақтарының тиістісін қосып туынды сөз жасау: жыршы,тәрбиеші,еңбекші,сыншы,таулы,сәнді,көрші,көңілді,сулы,құрылысшы, төреші,футболшы.

• Бұлар қандай сөздер? Туынды сөздерге не жатады?

Жаңа материалмен жұмыс: Оқулықпен жұмыс, дәптермен жұмыс. Күн ретін жазу. Көркем жазу.

19-жаттығу. Түбір сөздерге тиісті жұрнақтарды қосып жазу. Түбір сөз бен қосымшалы сөздің құрамы мен мағынасын салыстыру.

Ережемен жұмыс:

Түбір сөзге жұрнақ қосу арқылы жасалған сөзді туынды сөз дейміз: ерлік,татулық,жұмысшы.

20-жаттығу. Сөздерді оқу, олардың қайсысы түбір сөз,қайсысы туынды сөз екенін айту.

21-жаттығу. Мақалды оқып,жатқа жазу. Туынды сөздерді тауып,оларды сөз құрамына талдау.

Сергіту сәті.

Жаңылтпашты жаңылмай айту.

Шын іскер-жұмыскер,

Жұмыскер-шын іскер.

Жұмысты кім істер,

Жоқ болса жұмыскер.

24-жаттығу.Берілген сөздердің кейбірінен заттың атын білдіретін,кейбірінен заттың сынын білдіретін сөздер жасау.

Венн диаграммасына орналастыру.

Сабақты бекіту: Ережені сұрау.

Бүгін ауа райы қандай? Мектепке келе жатқанда не байқадыңдар, қыс туралы күнделікті сабағымызда айтылып жүр.

Қыс, аяз, мұз, қар, боран

- Осы сөздерді байланыстырып сөйлем құраймыз, жұрнақ пен жалғауды бір сөзбен не дейміз?

- Қосымша

- Ендеше құраған сөйлемдеріңнен қосымшалы сөйлемдерді табыңдаршы.

Қорытынды: Қосымшалардың түрлерін бір - бірімен салыстырайық.

Олардың бір - бірінен қандай ерекшелігі, қасиеттері бар екен.

Венн диаграммасына орналастыру.

Жұрнақ --------------------------- Жалғау

Сабақты қорыту: «Көбелектер» ойыны.

Жұрнақтар жазылған көбелектерді гүлдерге қондыру.

Қандай сөздер шыққанын айту.

Сөйлем құрау.

Үйге тапсырма: 22-жаттығу. Ереже жаттау.

Бағалау.