Бөкей Ордасы ауданы білім беру бөлімінің аудандық балалар музыка мектебі

Ашық сабақ

«Оқушының ойнау техникасын арттыру барысында,оң және сол қол қойылымын жетілдіру.»

Өткізген:Қобыз сыныбының оқытушысы Таубаева Ә.Ж

2026 жыл

Сабақтың тақырыбы: «Оқушының ойнау техникасын арттыру барысында,оң және сол қол қойылымын жетілдіру.

Сабақтың мақсаты:Оқушы аспапта ойнаған кезде міндетті түрде дыбыстың сапасына,оның айқын әрі таза шығуы,жақсы естілу жайларына баса көңіл бөліп,өзін-өзі қадағалап отыруы керек.

Білімділігі:Аспапты еркін игеру,музыкалық сауатын ашу және аспапта ойнауын жетілдіру.

Дамытушылығы:Оқушының қызығушылығын арттыру,ой-өрісін жетілдіре түсу.

Тәрбиелігі:Оқушылардың сана сезімін ақыл-ойын кеңейту.Шығарманы сезініп ойнауға дағдыландыру.

Сабаққа қатысатын оқушы:Мұхамбетқали Индира 2-сынып

Көрнекілігі: Презентация,аспаптың суреті,нақыл сөздер,қобызшылардың фото-суреттері.

Шығармалары:

1) Жаттығу

2) Гамма «До мажор»

3) «Этюд» 17

4) «Біз өмірдің гүліміз» Б.Ғиззатов

5) «Еркем-ай» қазақ халық әні

6) «Бөдене» Беларусь халық әні

7) Сөзжұмбақ

8) «Қошақаным» Ә.Бейсеуов

Сабақтың барысы:

1.Ең алдымен жаттығуымызды бастамас бұрын оң қолмен ысқышты дұрыс ұстап үйрену үшін бірқатар жаттығуларды алдын-ала жасау керек.Мысалы,қарандашты ысқыш орнына ұстап үйрену.Қарандашты оқушының саусақтарына дұрыс қойып,шынашақ ұшы қарандашқа тиіп тұру керек.Келесі сол қол қобыз ойнағанда сол қолды ішекке жеңіл қоя салмай,салмақпен,жігермен басу қажет.Сол қол бүтіндей,иықтан саусақтарға дейін емін-еркін бос күйде болады.Сол қолды қою кезінде рет-ретімен қоюды түсіндіру.Қобыз мойыны басбармақпен,шамамен бірінші және екінші саусақ аралықтарына қарама-қарсы қойып,жеңіл ұст алады.Оң және сол қолдарына жаттығу жасау.Музыкалық ладтың негізгі екі түрі бар:Олар мажор мен минор. «Мажор» сөзі латынша «қатаң» деген ұғымды білдіреді. «Минор» сөзі «ұяң» деген ұғымды білдіреді.Дыбыстары нәзік әрі жұмсақ болып естіледі.

2. Гамма дегеніміз не-Ладтың тоникасынан басталатын биіктігі бойынша құралатын дыбыс қатарын гамма дейміз.

Арпеджио гамманың тұрақты дыбыстарын ата: РЕ,ФА ДИЕЗ,ЛЯ.

3. Этюд дегеніміз не- орындаушының техникасын арттырып шеберлігін шыңдау үшін ойнауға арналған шағын шығарма.

4. «Біз өмірдің гүліміз» Б.Ғиззатов

Бисенғали Ғиззатов 1925 жылы,БҚО,Жәнібек ауданында дүниеге келген.Қазақстанның еңбек сіңірген мәдениет қайраткері,музыкатанушы.Шығарманы күйсандықпен ойнап беру.

Жаңа сабақ:

«Қошақаным» Әсет Бейсеуов.Шығарманы талдап,нотамен жұмыс

Әсет Бейсеуов композитор,Қазақстан халық әртісі.Ол 1928 жылы Алматы облысы,Жамбыл ауданы,Қарғалы ауылында дүниеге келген,оның «Гүлдер», «Алтыным», «Армандастар» деген көптеген әндері бар.Шығараманы талдау,оң және сол қол қойылымдарына мән беріп,санап ойнау.

Сергіту сәті

Сөзжұмбақ

1.Қобыздың атасы. (Қорқыт Ата)

2.Ә.Бейсеуовтың туған жері.(Алматы қаласы)

3.Ә.Бейсеуовтың шығармасы. (Қошақаным)

4.Орындаушының техникасын арттыру үшін шеберлігін шыңдауға арналған ойналатын шағын шығарма.(Этюд)

5.Қобыз ойнауда дыбыс шығару үшін оң қолмен ойналатын құрал. (Ысқыш)

6.Латынша «Ұяң» сөзін білдіретін ладтың түрі. (Минор)

7.«Біз өмірдің гүліміз» шығармасының авторы. (Бисенғали Ғиззатов)

Үйге тапсырма: Шығармаларды жетік меңгеріп,өз дәрежесінде ойнап,талдап келу.

Қорытынды:Шығарманы толық меңгеру үшін,дыбыстарды таза алу үшін сол қол қойылымын қадағалау қажет.Жаттығулар мен гаммалармен жұмыс жасау керек,шығармаларды сезініп ойнауға дағдыландыру.

Бағалау