Білім саласы:Коммуникация

Бөлімі:Көркем әдебиет

Тақырыбы: Қоянның үйшігі.

Мақсаты: Әр түрлі  театрлар арқылы балаға ертегіні әңгімелеуге үйрету. Ұсақ  қол моторикаларын дамыту сөздік қорларын  байыту. Әсемдікке, сұлулыққа  қамқорлыққа тәрбиелеу.

Барысы:

Шаттық шеңбері:

Қуан шаттан алақай,

 Қуанатын күн бүгін

 Қайырлы таң ,қайырлы күн.

 Бәріміз күндей жарқырай,

 Бәріміз дос болайық.

Ертегіні сахналау:

Ертегі  рөлінде ойнағандар:  

Түлкі -  Нұрай

Қоян – Абылай

Иттер – Амирлан,Бекзат

Аю – Ердаулет

Әтеш – Марғұлан

Қоянның   үйшігі.

Жүргізуші: Орманда түлкі мен қоян өмір сүреді.Түлкінің мұздан жасалған үйшігі,ал қоянның ағаштан жасалған үйшігі болыпты.

Көктем келіп,күн жылынып түлкінің үйшігі еріп кетіпті.Тонған түлкі қоянға келіп жылынып алуын өтінеді.

-Түлкі:-Қоян,қоян мен үйіңе кіріп жылынып алайын депті.

-Жүргізуші: Аңқау қоян түлкіні аяп үйіне кіргізеді.Жылынып алған түлкі қоянды үйінен қуып жібереді.Қоян байғұс жылап орман ішінде келе жатса алдынан ит кездеседі.

-Ит: -Қоян, қоян не болды неге жылайсың деді.

-Қоян:-Жыламай қайтейін ,түлкінің мұз үйшігі еріп кетіп менің үйімді тартып алып қуып жіберді -деп жылады.

-Ит:-Жылама мен ол оңбағанды қуып жиберем деді.

-Жүргізуші: Ит пен қоян үйшіктің жанына келіп.

-Ит: -Түлкі ,түлкі шық қане қоянның үйшігін босат ауф-ауф-деп үрді.

-Түлкі: аха қазір шықсам жаман болады,быт-шытыңды шығарам деді.

-Жүргізуші: Бұл сөзді естіген ит орманға қарай қаша жөнелді.Қоян байғұс жылай жылай орманда келе жатса алдынан қорбаңдаған аю кездесті.

-Аю : Қоян ,қоян неге жылайсың деді.

-Қоян :Қалай жыламайын түлкінің мұз үйшігі еріп кетіп менің ағаш үйшігімді тартып алды деп жылады.

-Аю: Жылама мен саған көмектесемін ,қазір мен оны қуып шығамын деді.

-Жүргізуші: Екеуі қоянның үйшігінің алдына келіп.

-Аю: Түлкі,шық үйшіктен босат деп айқайлады.

-Түлкі: Шықпаймын шықсам саған жаман болады деп керілді.

-Жүргізуші: Аю үрейі ұшып орманға қаша жөнелді.Амалы құрыған қоян орман ішіндегі бөрене үстінде жылап отырса,қасына қолында шалғысы бар әтеш келіп.

-Әтеш: Ку-ка-ре-ку қоян неге жылайсың деді.

-Қоян : қалай жыламайын менің ағаш үйшігімді түлкі тартып алды ,өзінің мұз үйшігі еріп кетіп деп ағыл –тегіл жылады.

-Әтеш: Жылама мен саған көмектесем,қазір қуып шығамын деді.

-Қоян: Жоқ сен оны қуа алмайсың ит келген қорқып қашып кетті,аю келген олда қорқып қашып кетті деп ағыл- тегіл жылады.

-Әтеш: жоқ қазір қуып шығамын деді.

-Жүргізуші: Әтеш қоянды ертіп үйшіктің қасына келіп айқайлады.

-Әтеш: Ку-ка-ре-ку қолымда шалғым бар шалғынды шабамын, түлкі қоянның үйін босатпаса оныда шабамын деп айқайлады.

-Жүргізуші: Бұл сөзді естіген түлкі жаны шығып ,қазір,қазір шығамын деді.

-Әтеш: Ку-ка-ре-ку қолымада шалғым бар шалғынды шабамын,түлкі қоянның үйінен шықпаса оны да шабамын деп айқайлады.

-Түлкі: Қазір,қазір киініп жатырмын деді.

-Әтеш: Қолымда шалғым бар шалғынды шабамын түлкі қоянның үйінен шықпаса оны да шабамын деп айқайлады.

-Жүргізуші: Осы кезде түлкі үйшіктен шығып орманға қарай қаша жөнеледі.Қуанған қоян ержүрек әтешке үлкен рахметін айтып,екеуі қоянның үйшігінде бақытты достық өмір сүреді.

Күтілетін нәтиже:

Қабылдай алады: Ертегінің мазмұнын түсініп, әр кейіпкерді сомдауға арналған тапсырманы.

Түсінеді: Ертегіні диалог түрінде қалай әңгімелеу керек екендігін.

Қолдана алады: Тәрбиешінің сұрақтары бойынша әңгіме құрастыра білу іскерліктерін.

Мұқатайқызы Гаухар