Тәрбие сағат тақырыбы: «Қыздар сұлу көрінер қылығымен»
Мақсаты: Оқушыларға 8-наурыз Халықаралық әйелдер күні мерекесі туралы түсінік беру. Мейірімділікке, қыздарды сыйлауға тәрбиелеу, ұлтқа тән жақсы қасиеттерді қалыптастыру.
Көрнекілік: Сынып бөлмесі мерекеге лайық безендіру, суреттер, презентация.
Мұғалімнің сөзі: Сәлеметсіздер ме? Бүгінгі ашық тәрбие сағатымыздың тақырыбы «Қыздар сұлу көрінер қылығымен».

Қыз емес қыздың аты қызыл алтын
Көрінер толған айдай жүзі жарқын
Үлкеннің алдын орап, сөз сөйлемес
Халқының сақтай білген, ізгі салтын демекші біздің сүйікті де сүйкімді қыздарымыздың, аналарымыздың мерекесі құтты болсын!
1-жургізуші:Көктем келер гүлін алып, жазда келер жырын алып – деп ән мәтінінде айтылатындай, нұрлы шуағы мол наурыз айы туып, ардақты аналар мен ару қыздарымыздың төл мейрамы 8 – наурыз мерекесі келіп жетті.
2-жүргізуші: Сіздер ер – азаматтардың қолқанаты, тірегі мен жүрегі болып табыласыздар. Аналарымыздың, қыздарымыздың көңілдері көктемнің шуақты күніндей мейірім – шапағатқа бөлене берсін.Мерекелері құтты болсын!

Ән: Наурыз думан (хормен)

Балалардың тақпақтары айтылады

Омирзакулы Тайырдың орындауында ән қабыл алыңыздар!

Сахналық көрініс
«Әжесі мен баласы» Қабдікәрім Ыдырысовтың әңгімесінен алынған үзінді. (көрініс)
- Жүрегім кім менің?
- Мен!
- Тірегім кім менің?
- Мен!
- Сәнім кім менің?
- Мен!
- Ботақаным, бағлан қозым,
Не деген тәтті баласың өзің!
Ой, қарғам менің!
- Жоқ, әже, қарғаң мен емес!
Жо... жоқ, қарға болмаймын,
Керегі жоқ ондайдың.
Қарға «қарқ - қарқ» етеді,
Алысқа ұшып кетеді.
Қасыңда боп әрдайым,
Мен ешқайда бармаймын.

Әже: Ой қарғам-ау, қарғам-ау
(қыздар шығып) Рахмет жігіттер! Сендерге риза болдық, осылай бізді құрметтеп сыйлағандарың үшін. Бізде де өнерлі қыздар бар арамызда, қарсы алайық Қасен Алинаның орындауындағы биді.

Мұғалім:Құтты болсын осы шаттық күніңіз
Бақытты да ұзақ өмір сүріңіз
Қуанышты жүзіңіз бен әрдайым
Бұл өмірде күліп қана жүріңіз

Жарқыраған қызыл гүлдей
Болсын әсем өміріңіз
Сәуле шашқан әсем күндей
Көтерілсін көңілдеріңіз – деп сіздерге отбасылық бақыт, дендеріңізге саулық, осы мерейлі мереке тек қана игі жақсылықтар әкелсін.

Ұлдарымыздың қыздарымызға арнаған шағын сыйлықтарын тарту етсін.
Ұлдар сыйлықтарын бір – бірлеп таратады.

«Л.Н.Толстой атындағы орта мектебі» коммуналдық мемлекеттік мекемесі

Тәрбие сағат тақырыбы:

Қыздар сұлу көрінер қылығымен

6 «Ғ» сынып жетекшісі Оспанбек Айдана Акимбекқызы

2016 оқу жылы