Ашық сабақ "Сан есім" 2 сынып

Тақырыбы: Сан есім
Мақсаты: 1. Оқушылардың сан есім туралы білімдерін тереңдете отырып,
сөз таптары туралы білімдерін бекіту.
2. Ойлау белсенділіктерін, шығармашылық қабілеттерін дамыту.
3. Әдемі, көркем жазуға баули отырып, алғашқы экономикалық тәрбие беру.
Күтілетін нәтиже: Оқушылар топта ойланады, пікірлеседі, өз ойларын дәлелдейді, сауатты жазуға төселеді, сөйлеу дағдысы қалыптасады, 

Көрнекіліктер: слайдтар, жетондар, семантикалық карта
Әдісі: ауызша, жазбаша, сұрақ - жауап
Түрі: аукцион сабақ
Сабақтың барысы:
І. Ұйымдастыру кезеңі
а) Психологиялық дайындық. Балаларды тақта алдына дөңгелене тұрғызып, сары түсті лентаны қолдарына ұстатып күн бейнесін жасату. Бұл күн нұрының кішкене бөлігі арқылы өз жүректеріңе жылу алдыңдар деп есептелінеді. Балалар хормен:
Жақсы оқып сабақты,
Әдеп сақтау сәніміз

Бөліндік біз үш топқа,
Дайын тұрмыз бәріміз.
Әрбала күннің шуағына жазылған сөздерді алып 3 топқа бөлінеді.

Сын есім, сан есім, зат есім тобы.

Топ басшыларын сайлау
1.Біз өзімізді оқыту үшін жауаптымыз.

2. Бір-бірімізді тыңдаймыз.

3.Өз ойларымызбен бөлісеміз.

4.Қажетсіз сұрақтар қоймаймыз.

5.Уақытты үнемді пайдаланамыз.

6.Шарттарды орындауға ант етеміз.

І.Қызығушылықты ояту.

- Балалар, бүгін біздің сабағымызға көп қонақтар келіпті. Қонақтар сендердің білімдеріңді көрмекші. Сабақ бойы нақты, толық жауап бере отырып, таза, әрі әдемі жазуға тырысайық.
- Біз қай облыстың тұрғынымыз?

-Ақмола облысы.
- Биыл астанамызда қандай айтулы халықаралық көрме болады?
- ЭКСПО-2017
- Қандай сабақ түрлерін білесіңдер?
- Саяхат сабақ, ертегі сабақ, жарыс сабақ,
- Ендеше, осы мерейтойға байланысты бүгін «Аукцион сабағын» өткіземіз.
Аукцион дегеніміз көпшілікпен жүргізілетін сауда. Яғни, сендер, нарықтық экономиканың алғашқы қадамын жасайсыңдар. Дүкенде сауда жасағанда заттарды ақшаға сатып аласыңдар, ал топ басшысы әр дұрыс жауаптарың үшін ақша құны жазылған жетон береді. Сабақ аяқталғанда әр оқушы жинаған жетоны бойынша ақшасын санайды. Ал бүкіл сынып болып жинаған ақшамызды астанамыздың мерейлі тойына қосамыз. Ал, іске сәт! Саудамыз сәтті болсын!
Әр топқа семантикалық карта беріледі.

Блум бойынша 
І. Білу. Мақсаты: өтілген материалдар бойынша алған білімдерін тексеру
«Ой қозғау» Сөздер мағынасына қарай қандай сөз таптарына бөлінеді?
Сөз таптары ↓
Зат есім
Сан есім
Сын есім

1. Зат есім дегеніміз не, қандай сұраққа жауап береді?
2. Сын есім дегеніміз не, қандай сұраққа жауап береді?
3. Сан есім дегеніміз не, қандай сұраққа жауап береді?

Оқушылар жауаптарын тыңдау
Оқушыларды бағалау. Топтар бір-бірін саусақ әдісі бойынша бағалайды.
Келісемін

Келіспеймін

Қосарым бар немесе сұрағым бар.

Жаңа тақырыпты ашу
ІІ. Түсіну
ІІ. Мағынаны тану. Сабақ мақсатымен таныстыру
«Миға шабуыл»

Мұғалім суретші сызбаны көрсетіп: (әртүрлі сандардан салынған адамның бейнесін көрсетеді).
- Өмір бойы жан - жануар бейнесін,
Салып келген суретшіге не дерсің?
Жауабын кім тез береді, білсе егер,
Қай сандардан сурет салды бұл шебер?

Мұғалім оқушылардың айтқан сандарын тақтаға жазып тұрады:
- үш, бір, екі, сегіз
Сұрақтар: - Осы сандарды қатыстырып тағы қандай сөйлемдер құрауға болады?
- Суреттегі адамның көздері нешеу?- екеу
- Балалар, тақтадағы жазылған сандарға сұрақ қойыңдар. (қанша? неше? нешінші?)
- Олай болса, бүгінгі сабағымыздың тақырыбы - Сан есім

ІІІ. Қолдану

Оқулықпен жұмыс : 
І топ. 2 - жаттығу.Сан есімді тауып зат есіммен тіркестіріп жаз.

ІІ топ. 2-жаттығу . Сан есімдерді тауып реттік сан есімге айналдырып жаз.

ІІІ топ. 2 жаттығу. 2 сан есім сөзге сөйлем құрап жаз.

Сергіту сәті.

Шығармашылық тапсырма

Сауаттылық минуты .Топпен жұмыс

ІҮ. Талдау

І топ
Реттік сан есімдерді есептік сан есімге айналдырып жаз.
отыз екінші үй –
оныншы аудан –
төртінші кітап –
ІІ топ

Нешеу? сұрағына жауап беретін сөздерді тап.

Он, жеті,алтау, жиырма, біреу, елу, қырық, бесеу,
ІІІ топ

Санамақ айту. Диалог түрінде

Бірін - бірі бағалау
Ой толғаныс бөлімі

Ү. Жинақтау
«Ерекше сандар» ойыны. 
Осы сандар қандай оқиғалармен байланысты. Сөйлем құрастырып айт.
16, 2017, 9,
І топ.16желтоқсан,

ІІ топ .2017 экспо,

ІІІ топ.9 мамыр,

Жетондары бойынша ақшаларын санап, бағалау.
Үйге тапсырма: Сан есімі бар жұмбақтар жазу

ҮІ. Бағалау Ұпай парақшалары арқылы бағалау жүргізу

Кері байланыс бағдаршам бойынша

«Атбасар ауданының білім бөлімінің

Атбасар қаласы №7 қазақ орта мектебі » КММ

Үздік ұстаз - 2017

сайысында өткізілген

ашық сабақ

Тақырыбы:

Өткізген:Халел М

Атбасар 2017 жыл