Ашық сабақ: Шеңбер.Дөңгелек.Дөңгелек секторы 5 сынып

Ұзақ мерзімді жоспардың тарауы:

5.4 С Диаграмма

Мектеп: № 52 мектеп-лицейі

Күні: 27.04.2018ж.

Мұғалімнің аты-жөні: Абауова Дана

Сынып: 5 Г

Қатысқандар саны:

Қатыспағандар саны:

Сабақ тақырыбы:

Шеңбер. Дөңгелек. Дөңгелек сектор

Осы сабақта қол жеткізетін оқу мақсаттары ( оқу бағдарламасына сілтеме )

5.3.1.2

шеңбер, дөңгелек және олардың элементтері (центр, радиус, диаметр) ұғымдарын меңгеру;

5.3.1.3

циркульдің көмегімен шеңберді салу;

5.3.1.6

дөңгелек сектор ұғымын меңгеру;

Сабақ мақсаты

Барлық оқушылар:

Шеңбер және дөңгелек ұғымдарымен танысып, айырмашылығын анықтай алады;

Оқушылардың басым бөлігі:

Шеңбер және дөңгелек ұғымдарын ажыратады, шеңбердің диаметрін, радиусын таба біледі;

Кейбір оқушылар:

Шеңбер, дөңгелек және олардың элементтерін табуға арналған есептер шығару дағдысын қалыптастырады;

Бағалау критерийлері

Білім алушы

 Шеңбер, дөңгелек және олардың элементтерін түсіндіріп суреттейді.

Тілдік мақсаттар

  Пәндік лексика және терминология:

• Шеңбер, дөңгелек, дөңгелек секторы;

• Радиус, диаметр;

  Диалогқа/жазылымға қажетті тіркестер:

● Барлық нүктелері бір жазықтықта және центрден (О нүктесінен) бірдей қашықтықта жататын фигура ... деп аталады.

● Жазықтықтың шеңбердің ішіндегі бөлігі, шеңбердің өзімен қоса ... деп аталады.

● Дөңгелектің екі радиусы мен осы радиустар арасындағы доғамен шектелген бөлігі ... деп аталады.

Құндылықтарға баулу

Қоғамымыздағы Ұлттық Бірлік, Бейбітшілік пен келісім

Қазақстандық патриотизм және азаматтық жауапкершілік, құрмет, ынтымақтастық, ашықтық ұстанымын қалыптастыру.

Пәнаралық байланыс

Сызу.

Тақырып бойынша алдыңғы білім

Көпбұрыш ұғымын меңгерген.

Сабақтың жоспарланған кезеңдері

Сабақтағы жоспарланған жаттығу түрлері

Ресурстар

Сабақтың басы

10 мин

І. Ұйымдастыру кезеңі: сәлемдесу, түгендеу.

Оқушылардың сабаққа қатысуын, кітап құралдарының бар, жоғын бақылап, оқушы зейінін сабаққа аудару.

II. Үй тапсырмасын сұрау:

Критерий:

1. Бұрыштардың түрлерін біледі.

2. Бұрышты белгілейді және математикалық тілде жаза алады.

3. Сызбасы бойынша көпбұрышты анықтай алады.

Тапсырма: Сәйкестендіру тесті. ( есте сақтау, жазылым, ойлау дағдыларын қалыптастырамын деп жоспарлаймын. )

Дескриптор: Білім алушы

- ұсынылған геометриялық бұрыштардың ішінен көпбұрышты көрсетеді;

- дөңес көпбұрышты анықтайды;

- сүйір бұрышты анықтайды;

- доғал бұрышты анықтайды;

- тік бұрышты анықтайды;

- жазыңқы бұрышты анықтайды.

Дәптер, қалам, оқулық: Математика 5 сынып.

Слайд -1

Транспортир, бұрыштық

Сабақтың ортасы

15 мин

Оқушыларды сыни тұрғы ойландыра отырып, диалогтық әдіспен жаңа тақырыптың мазмұнын ашу

Жаңа сабақ

Миға шабуыл (жаңа материалға дайындық бөлімі)

1. « Сөзжұмбақ » жасырын сөзді табу.

1. с

   ы

   з

   ғ

   ы

   ш

   к

   е

   с

   і

   н

   д

   і

   т

   е

   ң

   д

   е

   у

   б

   ұ

   р

   ы

   ш

   с

   ә

   у

   л

   е

   т

   р

   а

   н

   с

   п

   о

   р

   т

   и

   р

   Арақашықтықты өлшейтін құрал (сызғыш).

2. Түзудің екі жағынан щектелген бөлігі (кесінді).

3. Құрамында белгісізі бар өрнек (теңдеу)

4. Бір нүктеден шығатын екі сәуледен тұратын бөлік (бұрыш).

5. Түзудің бір жағынан шектелген бөлігі (сәуле)

6. Бұрышты өлшейтін құрал (транспортир)

2. « Суреттер сөйлейді » әдісі. Мына фигураларға назар аударыңыз. А, В, С, Д фигураларының қайсысының барлық нүктелері берілген нүктеден ( О, Е, К, L) бірдей қашықтықта жатыр?

3. Сақина мен монетаның ұқсастығы неде, айырмашылығы неде?

Презентацияны кезекпен көрсетіп, "Сұрақ-жауап" әдісі арқылы оқушылармен бірлесе отырып, тақырыптың мазмұнын ашып, белгілеулерді атап көрсетемін.

Циркульдің инесін қандай да бір О нүктесіне шаншып тұрып, қарындашы бар сирағымен осы О нүктесін айналдыра сызық сызамыз. Сонда қарындаш О нүктесінен бірдей қашықтықтағы нүктелерден құралған шеңбер деп аталатын тұйық сызық шығады. О нүктесі шеңбердің центрі деп аталады.Шеңбердің барлық нүктелері центрдан бірдей қашықтықта жатады.

☼ Шеңбердің бойындағы кез келген нүктені центрмен қосатын кесінді радиус деп аталады. Радиусты R әрпімен белгілейді.

☼ Шеңбердің бойындағы екі нүктені қосатын және центр арқылы өтетін кесіндіні диаметр деп атаймыз. АВ – диаметр.

● Жазықтықтың шеңбердің ішіндегі бөлігі (шеңбердің өзімен қоса) дөңгелек деп аталады.

● Дөңгелектің екі радиусы мен осы радиустар арасындағы доғамен шектелген бөлігі дөңгелек сектор деп аталады.

«Ойлан- Жұптас- Бөліс» әдісі

1. Ойлан. Жеке практикалық жұмыс.

А) Радиусы 2см, 4 см және 3,5см болатын шеңберлер сызыңдар.

2. Жұптас. Жұптасып, бір-біріне түсіндіреді.

Ә) Сызған шеңберлерінің радиусы бойынша диаметрін табыңдар: R=2cм, R=4cм, R= 3.5cм

3. Бөліс. Есептің жауабы тексеріледі.

Қалыптастырушы бағалау: Тапсырмаларды дұрыс әрі жылдам орындаған оқушыға смайлик беріп, марапаттап отырамын.

Слайд - 3,5

Циркуль, сызғыш

Түсініктерін одан әрі шыңдау мақсатында жұппен тізбектей жұмыстанады, өзара бағалау жүзеге асады.

Оқулықпен жұмыс

№1255

8.6 - суреттегі нүктелердің қайсысы:

a) Шеңбердің бойында : _______________

b) Дөңгелекте: _________________________

c) Дөңгелектің сыртында жатыр ? ____________________

В

● С

●О

●Е

●D

●L ● K

Дескриптор: Білім алушы

- шеңбердің бойында жататын нүктелерді анықтайды;

- дөңгелекке тиісті нүктелерді анықтайды.

● Тапсырма слайд бойынша нақты жауабымен тексеріледі.

№1277

1. Дөңгелекте тік бұрышты неше сектор бар?

2. Дөңгелекте жазыңқы бұрышты неше сектор бар?

Жұптық жұмыс: Сурет бойынша анықтаңыз:

Дескриптор: Білім алушы

- шеңбердің центрін анықтайды;

- шеңбердің радиусы мен диаметрін көрсетеді.

● Тапсырма слайд бойынша нақты жауабымен тексеріледі.

Сергіту сәті: « Тез есепте »

Дескриптор: Білім алушы

- шеңбердің радиусын табады;

- шеңбердің диаметрін табады.

Біліміңді сарала:

a) Центрі О нүктесі болатын, радиусы 3 см-ге тең шеңбер салыңыз. Центрі О нүктесі болатын радиусы 5 см-ге тең басқа шеңбер салыңыз.

b) Центрі А нүктесі болатын, радиусы 4 см-ге тең шеңбер салыңыз. А нүктесінен 6 см қашықтықта орналасқан В нүктесін белгілеңіз. Центрі В нүктесінде болатын радиусы 2 см-ге тең басқа шеңбер салыңыз.

c) Центрі М нүктесі болатын, радиусы 2,5 см-ге тең шеңбер салыңыз. М нүктесінен 4 см қашықтықта орналасқан N нүктесін белгілеңіз. Центрі N нүктесінде болатын радиусы 3 см-ге тең басқа шеңбер салыңыз.

d) Центрі К нүктесі болатын, радиусы 2 см-ге тең шеңбер салыңыз. К нүктесінен 8 см қашықтықта орналасқан L нүктесін белгілеңіз. Центрі L нүктесінде болатын радиусы 5 см-ге тең басқа шеңбер салыңыз.

Дескриптор: Білім алушы

- шеңбердің центрін белгілейді;

- циркульдің көмегімен шеңберлерді салады;

- сәйкес қорытындыларды жасайды.

Бекіту. Математикалық диктант

Көп нүктенің орнына қажетті сөздерді қояды.

1. Бір нүктеден бірдей қашықтықта жатқан барлық нүктелер жиынын ..................... деп атайды.

2. Жазықтықтың шеңбердің ішіндегі бөлігі ........................... деп аталады.

3. Шеңбердің бойындағы кез келген нүктені центрмен қосатын қосынды ................. деп аталады.

4. Радиус .......... әрпімен белгіленеді.

5. Шеңбердің бойындағы екі нүктені қосатын және центр арқылы өтетін кесіндіні ........................... деп атайды.

6. Диаметр ................ әрпімен белгіленеді.

7. Диаметр екі ......................... тең.

8. Дөңгелектің екі радиусы мен осы радиустар арасындағы доғамен шектелген бөлігі .................................. деп аталады.

Дескриптор:

• Ережелерді қайта еске түсіріп, сауатты жазады.

• Сыни тұрғыдан ойлана отырып, анықтамаларды толықтырады.

Сабақтың соңы:

Үйге тапсырма

Бағалау

Кері байланыс: «Шеңбердің суретін сал» әдісі

Оқушылар шеңбердің суретін салады да, оны сабақ кезінде меңгерген білімдерін білдіретін сөздермен толықтырады.

162 беттегі: Тарихи мәліметтерді оқып келу және қосымша толықтыру мәліметтері.

Бағалау әдісі үнемі жүріп отырады, әр бір тапсырмадан кейін ауызша, жазбаша кері байланыс беріп отырамын.

Саралау – Сіз қандай тәсілмен көбірек қолдау көрсетпексіз? Сіз басқаларға қарағанда қабілетті оқушыларға қандай тапсырмалар бересіз ?

Бағалау – Сіз оқушылардың материалды игеру деңгейін қалай тексеруді жоспарлап отырсыз ?

Денсаулық жəне қауіпсіздік техникасын

сақтау

Ерекше көңіл бөлуді қажет ететін оқушыларды үнемі өз пікірін білдіру үшін сұрақ – жауапқа қатыстырып отырамын.

Практикалық жұмыс орындау кезінде қабілеті жоғары оқушыларды ерекше көңіл бөлуді қажет ететін оқушыларға жетекші етіп бекітемін.

Дескрипторлар бойынша бағалау жұмыстарын жүргіземін.

Денсаулық сақтау технологиялары. Сабақта сергіту жаттығулары мен белсенді жұмыс түрлерін қолдану. Осы сабақта қолданылатын Қауіпсіздік техникасы ережелерінің тармақтары.

Сабақ бойынша рефлексия

Бұл тарауды сабақ туралы рефлексия жасау үшін пайдаланыңыз. Сол бағандағы өзіңіз маңызды деп санайтын сұрақтарға жауап беріңіз.