Ұзақ мерзімді жоспардың тарауы: 5.2В Сақтар

Мектеп: «№42 орта мектеп» КММ

Күні: 11.02.2020ж. Мұғалімнің аты-жөні: Аманжолова Р.Г.

Сынып: 5 А Қатысқандар: 12 : Қатыспағандар

Сабақтың тақырыбы: Шырақтың ерлігі

Зерттеу сұрағы: Сақтар тәуелсіздік үшін қалай күресті ?

Осы сабақта қол жеткізілетін оқу мақсаттары (оқу бағдарламасына сəйкес)

5.3.2.1 – Қазақстан территориясындағы ерте көшпелілердің халықаралық сахнадағы орнын анықтау

Сабақтың мақсаты

Барлық оқушы:

Дарий патшаның сақ жеріне жорығы туралы деректерді біледі .

Басым оқушы:

Парсы патшасы мен грек тарихшысының жазбаларындағы ұқсастықтары мен айырмашылықтарын ажыратады.

Кейбір оқушы:

Парсылардың соғыс жорықтары туралы дереккөздері арасындағы сабақтастықты дәлелдейді.

Бағалау критерийі

1. Дарий патшаның сақ жеріне жорығы туралы деректерді айта алады.

2. Парсы патшасы мен грек тарихшысының жазбаларындағы ұқсастықтары мен айырмашылықтарын ажырата алады.

3. Парсылардың соғыс жорықтары туралы дереккөздері арасындағы сабақтастықты дәлелдей алады

Тілдік мақсаттар

Лексика мен сөз тіркестерінің мысалдарын қамтитын тілдік мақсаттар.

1. Парсылардың сақтар жеріне жорығы туралы әңгімелейді (айтылым дағдысы)

2. Тақырып бойынша мәтінмен жұмыс жасайды (оқылым дағдысы).

3. Сақ жеріне парсылардың жорығы туралы авторлар пікірін дәптерлеріне жазады (жазылым дағдысы).

4. Сақтар туралы Бехистун жазбаларын бейне үзіндіден көріп, тыңдайды (тыңдалым дағдысы).

Құндылықтарға баулу

Азаматтық жауапкершілік, құрмет, ынтымақтастық, ашықтық.

Пəнаралық байланыс

Дүниежүзі тарихы, география пәнімен байланыс сабақта ізденіс жұмысы және карта арқылы жүзеге асырылады.

Алдыңғы білім

Сақ патшайымы Томирис туралы мәлімет біледі.

Сабақ барысы

Сабақтың жоспарланған кезеңдері

Сабақтағы жоспарланған жаттығу түрлері

Ресурстар

Сабақтың басы

10 минут

Ұйымдастыру кезені. Психологиялық ахуал қалыптастыру.Музыка жүріп тұрады,оқушылар шеңбер құра отырады.

Тыныштық сәті. № 1 Нұрға бөлену

Ыңғайланып отрыңыздар, денелеріңізді дұрыс ұстаңыздар. Аяқ- қолыңызды айқастырмаңыз. Қолдарыңызды тізеңізге немесе үстелге қоюға болады. Көздеріңізді жұмып, елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқанү Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоциаңыз бен тілек- қалауыңызды шайып, жүрегіңіздің көзін ашады.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Енді, нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды. Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп,

басыңызға тек сәулелі ой келеді. Нұр бірте- бірте күшейе бастайды, сіздің денеңізден тарап, жан- жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын. Осы нұр бүкіл әлемге: барлық адамдарға , жан- жануарларға, өсімдіктерге, барлық тірі жанға таралсын... Ғаламның барлық түкпір- түкпіріне нұр бағыттаңыз. Ойша айтыңыз: « Мен нұрлымын... Нұр менің ішімде... Мен Нұрмын». Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз. Жаймен көзі ашуға болады.

«Өз күлкіңмен бөліс!»

Балалар шеңбердің ішінде ,бір-біріне жылы сөздер айтып,әдемі күлкілерін сыйлайды

Жаңа топ құру

Топқа бөлу: «Мозаика» әдісі (2 топ құру) – Берілген сурет қиындыларын құрастыру арқылы топқа бөлінеді. (Томирис, Кир суреттері)

Қызығушылығын ояту:

Сақ тайпаларыпатшайымы Томирис туралы бейне үзінді көрсетіледі: (тындалым)

• Бұл бейне үзіндіні көре отырып, қандай ой түйдіндер

( оқушылар өз ойларын ортаға салады)

Суреттерге сілтеме:

https://www.google.ru/search

Сабақтың ортасы

30. минут

Жаңа сабақ

Мұғалімнің кіріспе сөзі. Мәтінмен таныстыру. Жаңа сабақ жайлы түсінік беру. Тапсырма «Ой қозғау»

Суретті колданып, «Шырақтың ерлігі» тақырыбында 8-10 сөйлемнен тұратын әнгіме құрастырыңыз. Шырақтың мақсатын анықтаңдар.

Дескриптор:

Білім алушы

- Сақ тайпаларының тәуелсіздік үшін күрестегі мақсаттарын анықтайды;

- Шырақ батырдың парсы патшасы Дарийдің әскерін қырғынға ұшыратқаның атайды;

Рөлдік бейне. Оқушыны Шырақ бейнесінде көру.

«Мен – Шырақ атты қарапайым сақ жауынгерімін. Сақтардың қаһарман көсемі – Томирис патшайым бұл кезде өмірден өткен еді. Сырдариядан өткен Дарий қалың қолына қарсы алғашқы шайқас біз үшін сәтсіз болды. Қалған әскеріміз кейін шегінді. Осындай қысыл-таяң шақта көсемдердің алдына келіп, бұл қиын жағдайдан шығудың амалын тапқанымды айттым. Өз денемді пышақпен жаралап, парсыларға барып, сақ көсемдерінен жәбір көргенімді айттым. Сөйтіп, парсы әскерін саұтарға бастап барамын деп алдап, адастырып, сусыз шөлге апардым. Жүре –жүре сілелері қатып, шөлден қырылған парсылар алданғанын бір-ақ білді.

--Жеңіс деген осы! Ата-жұртымды жаулап алмақ болған қанқұйлы жауды жалғыз өзім шөлге қамап, дымын құрттым!(Мақтанышпен айтып шығып кетеді )

1тапсырма «Қабырғадағы рөлі»әдісі

1.Кейіпкердің сұлбасын салыңдар.Ішкі жағына кейіпкер туралы білетіндерін жаз,топта талқыла

2.Кейіпкердің сыртқы жағына кейіпкерге сұрақ орналастырып жаз

Дескриптор:

1.Сұлбаның суретін салады

2.Кейіпкер туралы ішкі жағына білетіндерінді жазады,топта талқылайды

3.Сыртқы жағына кейіпкерге сұрақ орналастырады

ҚБ «Қол шапалақтау»

2 - тапсырма Тарихи тұлғаларға мінездеме.

1 - топ : Кир мен Томирис.

2 - топ : Дарий мен Шырақ

Мұғалім бақылаушы ретінде оқушыларға қосымша сұрақтар қояды,жаңа материалды қалай меңгергенін тексереді.Мұғалім:

1.Тұмар-Томиристің,Шырақтың ерлігі сендерге қалай әсер етті?

2.Отанды сүю деген сөзді қалай түсінесіңдер?

3.Қазіргі бейбіт заманда елін,жерін қорғайтын ерлік істер жасала ма?Күнделікті өмірден мысалдар келтір.

-Қорытынды Шырақтың әрекетін қалай бағалайсыңдар?

-Кез келген адам осындай ерлікті жүзеге асыра ала ма?

-Шырақ сияқты елі үшін өзін өлімге қиған қандай батырларды білесіңдер?

-Осындай ерлікті жүзеге асыру үшін адамның бойында қандай қасиеттер болуы керек?

Оқулықпен жұмыс. Қазақстан тарихы 5 сыныбына арналған оқулық С.Р.Ахметова т.б.- Астана « Назарбаев зияткерлік мектептері ДББҰ, 2017»

А 3 қағазы, түрлі –түсті маркерлер, оқулық , кескін карта,флипчарт

Сабақтың соңы

5 минут

Үйге тапсырма:

Кері байланыс: «Жетістік баспалдағы»

Жоғары баспалдақ- өте жақсы түсіндім (стикер)

Орта баспалдақ- жақсы түсіндім

Төменгі баспалдақ-түсінігім аз.

Шырақ батыр туралы мәлімет жазу

Бағалау