Сабақтың мақсаты: Сүйіспеншілік құндылығы арқылы Жер-анаға қызмет ету, қорғау, бағдар беру.

Сабақтың міндеттері:

1. Табиғаттың тазалығын сақтауда ойланпаздық қасиеттерін шыңдау.

2. Табиғат ана алдындағы перзенттік парыздарын сезіну дағдысын дамыту.

3. Табиғатқа қамқорлық жасауға тәрбиелеу.

Ресурстар: слайд, оқулық, дәптер, видео бейне.

Сабақтың барысы:
І. Ұйымдастыру кезең: Тыныштық сәті. Табиғат дыбыстарын тыңдату. (Судың ағуы, желдің соғуы т.с.с.)
Жер байлығы көп екен
Меңгеруді қалайды
Осының бәрін білдірген
Дүниетану сабағы.
Тілек 
Шөліркемей гүл тұрсын! 
Жерім жайнап құлпырсын! 
Нұр сыйлаған күн ыстық 
Ыстық бізге кең өлке
Ыстық бізге тыныштық!
Балалар кезекпен өздеріміз  «Жер анаға” , бір-бірімізге  деген өтініш, тілегімізді білдірейік.
Адам өміріне қажетті 5 жағдайды топтастыру.
(ауа, су, қорек, жарық, жылу) слайд арқылы түсіндіріп өту.

ІІ. Сыртқы интеграция:

Адам әр уақытта табиғат құбылыстарын бақылаған. Табиғатта болған құбылыстарға қарап, ауа райын анықтаған. Мысалы, мұржадан және алаудан шыққан түтіннің төмен қарай төселе таралуы, тыныштық, дыбыстардың айқын естілуі, қарлығаштардың жер бауырлап ұшуы-жауын жауатынының белгісі. Күннің шығуын да бақылаған. Шығыста аспан ағара бастаса, күннің алғашқы шапағаты көрінеді. Ол аспанның шығыс жағын жарыққа бөлейді. Жарқырап күн шығады.

Зілзала , су тасу, сел басу, дауыл - бұлар табиғи құбылыстар. Кейбір адамдар қылмыс жасау, ұрлық жасау, зорлық-зомбылық жасау сияқты жағымсыз әрекетке барғандықтан осындай табиғи құбылыстар болып, табиғат жаңарып тұрады.

Жер –ананың бізге берген сыйы. Біз олардың тазалығын сақтауымыз қажет. Біздің табиғат ананың алдындағы парызымыз. Ормандар жердің өкпесі тәріздес, жер бетіндегі ауаны тазартып отырады. Әр өсімдік жапырағы, көмір қышқыл газын жұтып, оттегін шығарады. Ал біз сол оттегімен тыныс аламыз. сусыз өмір сүре алмаймыз. Яғни тіршілік көздерінің тазалығын сақтау, қорғау біздің парызымыз болып саналады.

Табиғат құбылыстары дегеніміз - табиғатта болатын барлық өзгерістер . №1 тәжірбие жүргізу:

Табиғат құбылыстарын бақылау, дәптерлеріне жазу.

Ескерту: табиғаттың тазалығы өз қолымызда екенін слайд арқылы жеткізу.

Дәйексөз
“Табиғаттың әдемілігі- адам жанының тазалығы ”

В.А.Сухомлинский
Табиғаттың әдемілігі неліктен адам жанының тазалығымен байланысты?

Ішкі интеграция Әңгімелеу. М.Дулатов. 42 бет.

Күз.

Күз келді. Күн қысқарып, түн ұзарды. Аспанда бұлттар қаптап, жауын сіркіреп жауып тұр. Бұл жазғы жауыннан мүлде басқаша. Тамшылар үзіліссіз тамшылайды.

Күн сирек көрініп, аз жылатады. Анда-санда таңертең салқын болып қояды. Өткір суық жел арық малды жұқа киімдіні тоңдыра бастады. Жұрт күземін алған, киізін де басып алды. Маса, шыбын, құрт-құмырсқа жоқ болып кетіпті, құстар да жылы жаққа ұша бастады. Қарлығаштар көптен бері көрінбейді. Аспанда тырналар да тізіліп ұшып барады. Ағаштардың жапырақтары сарғайып түсіп, шөптер де қурап қалған. Егіншілер астығын жинап алып, шабындыда әр жерде ғана жаңбырға қалған шошақтар тұр. Оларды да иелері тасып алуға шана жолын күтіп отыр.

Сұрақтар:

1. "Күз" мәтінінде табиғаттың қандай құбылыстары сипатталған?

2. Күз мезгілінде табиғат қандай өзгерістерге ұшырайды?

3. Адамдар күзгі мезгілге қандай дайындық жасайды?

4. Жан-жануарлар мен жәндіктеркүзгі өзгеріске қалай қамданады?

5. Егіншілер неліктен жаңбырға сарғайған шошақтарды алмайды?

6. Жер –ананың берген сыйы ретінде табиғатқа қамқорлық жасау қажет пе?

7. "Жаздың бір күні, қыстың мың күні" деген мақалды қалай түсінесіңдер?

8. Мәтінге байланысты ойларыңызда қандай сұрақтар туындады?

9. Біз неге табиғаттың бір бөлігіміз?

Сергіту сәті.

Жаңбыр жауды - тырс²,

Боран соқты - гу²,

Жел тұрды - ыли²,

Найзағай ойнайды - тарс-тұрс.

Шығармашылық жұмыс: топтық жұмыс.

Әр топқа табиғат құбылыстарының суреттері беріледі, балалар сол құбылыстарды адам мінез құлқына келтіре көрсетеді және де түсініктеме беріп өтеді. Мысалы: күннің шығып күлімдеп тұруы, найзағай ұрып тұруы, қардың борап тұруы, топалаң желдің соғуы т.с.с.

Шығармашылық жұмыс арқылы табиғат құбылыстарының адам мінезімен байланысы жөнінде ой бөлісу.

Үй тапсырмасы: №13. Ауа. Су. Ауа райы . 47 бет.

«Табиғат Ана алдындағы перзенттік парыз» тақырыбында эссе жазу.

Сабақтың қорытынды сәті:

1. Балалар Жер-ананың алдындағы перзенттік парызымызды білесіздер ме?

2. Табиғат құбылыстарынан қайсы құбылыс ұнайды? Неліктен?

3. Адамның мінездерін ауа райындағы құбылыстарға ұқсатуға бола ма?

Табиғат- ана адамдар әдемі болсын деп сан алуан гүлдерін 
сыйға ұсынған. Ұлдарының емендей мықты болуын ойласа, қыз-
дарының қайыңдай нәзік майысқанын қалаған. Ал табиғат-
тың әсемдігі адам жанын тазалыққа, сұлулыққа,
шыдамдылыққа, төзімділікке тәрбиелейді.

Сіздерді табиғатқа қамқор болатындарыңызға, жанашырлық танытатындарыңызға кәміл сенімдімін. Сабаққа белсене қатысқандарыңызға рахмет!