Ашық сабақ. ТАҚЫРЫБЫ: Жеміс-жидек пен көкөністер

ТАҚЫРЫБЫ: Жеміс-жидек пен көкөністер

Мектеп/МДҰ:

Күні:

Педагогтің аты-жөні:Туреханова.Г

Сынып/топ:0 «в»

Қатысқандар саны: 24

Қатыспағандар саны:

ҰОҚ оқытылу мақсаты

0.1.1.1 Сөздер мен фразадағы дыбыстарды дұрыс дыбыстау

0.1.2.1 Сөздердің лексикалық мағынасы мен мәнін түсіну, мағынасы бойынша жақын/қарама-қарсы сөздерді сөйлегенде қолдану

0.1.4.2 Берілген тақырып аясында диалогке қатысу

0.2.1.1 Тыңдалған мәтіндегі ақпаратты сурет, сызба, белгілер қолданып жеткізу

Күтілетін нәтиже

Барлық тәрбиеленушілер: Сөздер мен фразадағы дыбыстарды дұрыс дыбыстайды.

Тыңдалған мәтіндердегі ақпаратты сурет, сызба, белгілер қолданып жеткізеді.

Көпшілік тәрбиеленушілер: Сөздерді қолданады.

Кейбір тәрбиеленушілер: Берілген тақырып аясында диалогке қатысады.

Тілдік мақсат

Тәрбиеленушілер: Сөздердің мағыналарын түсінеді.

Әңгіме құрастырады.

Көптілділік: қияр – огурец – cucumber

пияз – лук – onion

Негізгі терминдер мен сөз тіркестері:

Құпия, дәнді, пайдалы дәрумендер.

Пікір алмасу сұрақтары:

Жемістер мен көгөністердің қандай пайдасы бар?

Өткен ҰОҚ алған білім

Дастарқан басында өздерін ұстауды біледі

Жоспар

Жоспарланған уақыт

Жоспарланған іс-әрекет

Ресурстар

І. Дұрыс әсерлі көңіл күй орнату.

0-2 минут

Ұ) Шаттықшеңбері

Армысың алтын күн!

Армысың, көк аспан!

Сәлеметсіңдер ме,достарым,

Сендерді көрсем қуанам.

Қуан шаттан, алақай,

Қуанатын күн бүгін.

ІІ. Мақсатты болжам.

3-5 минут

ҰОҚ ортасы ІІІ. Тақырып

бойынша жұмыс

6- 27 минут

Жұмбақ жасырады:

Бұтақта ілініп тұрамын,

Піскенде себетке құладым. (Жеміс)

Әкеміз ала баспақ асырады, Тезірек күз келсе деп асығады.

Баспағы бойын шөпке жасырады,

Еті қызыл, терісі жасыл әлі. (Қарбыз)

Ашулы қонақ бұл анық,

Тонын шешсе, жыладық. (Пияз)

Сабақтың не туралы болатынын табуды ұсынады.

Көкөністер мен жеміс- жидектер несімен пайдалы?

Оларды кім өсіреді?

Қай мезгілде егеміз, қай мезгілде жинап аламыз?

Топтық жұмыс. Балалардың қолына көкөніс, жемісжидек суреттері таратылып беріледі. Суреттер бойынша екі топқа бөлінеді.

• 1-топтағы балалар, сендер ненің суретін ұстап

отырсыңдар? (Жеміс -жидектер)

Олардың пайдасын, қайда өсетінін айтады.

• 2-топтағы балалар, сендер не ұстап отырсыңдар?

(Көкөністер)

Олардың пайдасын, қайда өсетінін айтады.

Әліппе-дәптермен жұмыс:

1-тапсырма. Бағбанға қажетті құрал-сайманды ата.

Олар не үшін қажет?

Ойын: «Затты сипатта».

Шарты: Тақтаға шыққан балаға қияр мен пияздың суреті жасырын көрсетіледі. Тақтадағы бала заттың бейнесін сипаттап айтады. Басқалары оны табады.

Қияр, пияз дегенде қандай таныс емес дыбыс бар?

Жаңылтпаштан жаңылмайық:

Жая, мая, сая, аяз, пияз, сия, Аяқ, таяқ, қия, Шаян, қоян, ұя, Бәрінде бар «Я».

Сергіту сәті:

Қорбаңдаған аюдың,

Құлпынайы көп екен.

Теріп-теріп алайық,

Қалтамызға салайық.

Дидактикалық ойын. «Жемістер мен көкөністерді жинау»

Мақсаты: Көкөністер мен жеміс жидектерді бір-бірінен ажырата отырып, тездетіп жинау.

Шарты: жеміс жидектер мен көкөністердің араласып жатқан муляждарын тез-тез бөліп, жемістерді бөлек,көкөністерді бір бөлек жинау. Балалар ойынға белсенді қатысады.

Әліппе-дәптермен жұмыс:

2-тапсырма. Ребусты шеш. Шешуі болған көгөністің суретін сал. (Қызанақ)

3-тапсырма. Жұмбақ шешейік. Қалың киімді ұнатады,

Шешіндірсең, жылатады. (Пияз)

Үстіне тігіп көк шатыр,

Астыңда қызыл дәу жатыр. (Қызылша)

Әліппе-дәптер

ІV. ҰОҚ қорытындысы. Рефлексия

28-30 минут

-Балалар, бүгінгі оқу іс-әрекеті сендерге ұнады ма?Қорытынды жасайды, балаларды марапаттайды.

(Ө) Рефлексиялық бағалау: өз жұмысын бағалап қорыту.

Балалардан себетті түсті қарындашпен бояуын сұраңыз:

Ештеңе түсінбедім – қызыл қарындашпен; Түсіндім, бірақ түсіндіре алмаймын – сары қарындашпен;

Бәрін түсіндім, басқаға түсіндіріп бере аламын – жасыл қарындашпен.

Әліппе-дәптер, түрлі түсті

қарындаштар