Оқу іс-әрекетінің кезеңдері:

Тәрбиешінің іс-әрекеті:

Балалардың іс-әрекеті:

Мотивациялық –қозғаушылық:

Шаттық шеңбері 
Қол ұстасып қане біз

Достасайық бәріміз,

Айтарым бар сендерге

Кел тұрыңдар шеңберге

Қандай жақсы бір тұру

Достарменен бір болу

Қандай жақсы дос болу

Тәрбиеші балаларға үлкен хатқалтаны көрсетеді . 
- Балалар, бізге «Мамандықтар қаласынан» хат келіпті.

 Тыңдаңдар. 
    «Құрметті балалар,біздің шеберлер қаласында мамандық түрлері өте көп, сендер өскенде әрқайсысың бір мамандық иесі боласыңдар.

      Әзірше  сендер кішкентайсыңдар, сондықтан мен сендерді мамандықтар қаласына қонаққа шақырамын» .

–Балалар,бұл қалаға бару үшін бізге сиқырлы кілем керек. Өйткені біз өзен-көл,тау мен ормандардың 
үстінен ұшып өтеміз. 

Балалар, сендер мына күнделікті келіп жүрген, тұрып жатқан үйлерді салатын адамдар бар, ауырып қалсақ емдейтін адамдар бар, киімдерімізді тігіп беретін, бізге білім беретін, шашымызды әдемілеп қиып беретін, дәмді қылып тағам пісіретін адамдар бар, солардың барлығын бір сөзбен айтқанда мамандық иелері дейміз.
       Мамандық (профессия)-адамның белгілі бір саладағы еңбегі.

Мысалы, тіс дәрігері т.б.. 
Сиқырлы кілемшеге отырып, музыкамен мамандықтар қаласына жол тартады. 

Балалар шаттық шеңберіне тұрады, өлең жолдарын тәрбиешімен бірге қайталайды

Балалар қызығушылық танытады, тәрбиешіні мұқият тыңдайды. 
 

Ұйымдастырушылық-ізденістік:

Білімді өзектендіру. 
(Тақтаға әртүрлі мамандықтар суреті ілінеді). 
- Бұл қалада әртүрлі мамандық иелері тұрады. 
Аспаз - ең басты мамандықтардың бірі. 
Безендіріп үстелді, 
Тәтті тамақ пісірер. 
Аспаз дәмді тамақтың қаншама түрін пісіреді. 
Сендерге қандай тамақ түрлері ұнайды? 

- Құрылысшылар зәулім үйлерді тұрғызады. Олардың бірі кірпіш қаласа,бірі ауыр жүктерді кранмен жеткізіп тұрады. Енді бірі дайын болған үйлердің есік-терезесін сырлайды.

 -Дәрігер адамдарды емдейді, аурудың алдын алады.

-сендер қандай дәрігер иелерін білесіңдер?

Балалар,қане кім қандай тақпақ біледі?
Хақназар:

Ұстаз болу жүректің батырлығы,

Ұстаз болу сезімнің ақындығы.

Ұстаз болу мінездің күн шуағы,

Азбайтұғын адамның алтындығы.

Шахназ:

Мен дәрігер боламын,

Бәрін емдеп жазамын.

Адамдарды құрметтеп,

Бәріне ие боламын.

Билингвальді компонент: мамандық-профессия, аспаз-повар, дәрігер- врвч,құрылысшы-строитель. 

Сергіту сәті. 

«Шөжелер биі»
осы кезде дәрігер кіреді: қолында шарлары бар (сары, көк)

Бір шарда үлестірмелі карточкалар,

Бір шарда мамандық құралдары

Дидактикалық ойын:

Сиқырлы дорба
 «Мамандық иелерінің құралдары»

Шарты: Дорбаның ішінде әр түрлі құралдар жатыр. Сендер әр мамандық иесіне тән құралдарды тауып, орналастыруларың керек

 Зейін қойып тыңдайды, сұрақтарға жауап береді

- Балалар қайталайды.

Ойын ойнайды. 

Рефлексиялық-түзетушілік:

Қорытындылау: 
бүгінгі сабағымызға сай балалардың жаттаған тақпақтары бар, соларды тыңдасақ:

Әлмансұр:

Мен суретші боламын,

Бәріңді де саламын.

Марапатқа ие болып,

Бірінші орын аламын.

Айназ. С.

Қанатым талмайды,

Қиялым самғайды.

Ақын да, ғалым да,

Ұстазсыз болмайды.

Балалар, біз бүгін не туралы айттық?

Қандай мамандық иелерімен таныстық?

Балаларды мақтап, мадақтау.

Балалар тақпақ айтады